ନୂଆଦିଲ୍ଲୀ ୨।୯: କରୋନା ଭାଇରସର ବଢୁଥିବା ପ୍ରକୋପକୁ ଦୃଷ୍ଟିରେ ରଖି ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ (ଏମ୍ସ)ର ବାହ୍ୟ ରୋଗୀ ସେବା (ଓପିଡି)କୁ ସାମୟୀକ ବନ୍ଦ ଘୋଷଣା କରାଯାଇଛି। ଏହି ଘୋଷଣା ତୁରନ୍ତ କାର୍ଯ୍ୟକାରୀ କରାଯାଇଥିବା ବେଳେ ୨ ସପ୍ତାହ ପର୍ଯ୍ୟନ୍ତ ଓପିଡି ବନ୍ଦ ରହିବ ବୋଲି କୁହାଯାଇଛି।
ଏମ୍ସଙ୍କ ଚିକିତ୍ସା ଅଧିକ୍ଷକ ଡା. ଡି.କେ. ଶର୍ମା ବୁଧବାର ଏ ନେଇ ଆଦେଶ ଜାରି କରିଛନ୍ତି । ସେ କହିଛନ୍ତି ଯେ ଜରୁରିକାଳୀନ ଓ ଅର୍ଦ୍ଧଜରୁରୀ କାଳୀନ ପରିସ୍ଥିତିରେ ରୋଗୀଙ୍କ ନିମନ୍ତେ ପର୍ଯ୍ୟାପ୍ତ ବେଡ୍ ଉପଲବ୍ଧ କରାଇବାକୁ ଏପରି ନିଷ୍ପତ୍ତି ହୋଇଛି। ଏଥିରେ ଓପିଡି ସମେତ ଜେନେରାଲ ଓ ଘରୋଇ ୱାର୍ଡକୁ ବନ୍ଦ କରିବାକୁ ନିଷ୍ପତ୍ତି ହୋଇଛି।
ଡ.ଶର୍ମାଙ୍କ ଘୋଷଣା ଅନୁସାରେ ଦେଶର ସମସ୍ତ ଏମ୍ସରେ ଆଗାମୀ ୨ ସପ୍ତାହ ପର୍ଯ୍ୟନ୍ତ ଓପିଡି, ଜେନେରାଲ ଓ ଘରୋଇ ୱାର୍ଡ ବନ୍ଦ ରହିବ। ପରେ ପରିସ୍ଥିତିକୁ ଦୃଷ୍ଟିରେ ରଖି ଆଗାମୀ ନିଷ୍ପତ୍ତି ନିଆଯିବ ବୋଲି ଡ.ଶର୍ମା କହିଛନ୍ତି। ତେବେ ଏହି ସମୟରେ ଜେନେରାଲ ଓ ଘରୋଇ ୱାର୍ଡରେ ରହି ଚିକିତ୍ସିତ ହେଉଥିବା ଏମାର୍ଜେନ୍ସୀ ରୋଗୀଙ୍କ ଚିକିତ୍ସାରେ କୌଣସି ଅବହେଳା ହେବ ନାହିଁ ବୋଲି ସେ କହିଛନ୍ତି।
