Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ଦିଲ୍ଲୀ ପୋଲିସ ଇଓଡବ୍ଲୁର ସମନ ; ଆଜି ହାଜର ହେବାକୁ ନିର୍ଦ୍ଦେଶ

25/01/2019 at 9:19 AM

ଭୁବନେଶ୍ବର ୨୫|୧: ଆଜି ପରିବର୍ତ୍ତନ ସଂକଳ୍ପ ସମାବେଶ ପାଇଁ ଓଡିଶା ଆସୁଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ଏପଟେ ରାହୁଲଙ୍କ ଗସ୍ତର କିଛି ଘଣ୍ଟା ପୂର୍ବରୁ ରାଜ୍ୟ ରାଜନୀତିରେ ହଲଚଲ । ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ଏକ ଠକେଇ ମାମଲାରେ ଦିଲ୍ଲୀ ପୋଲିସର ଅପରାଧ ଶାଖା ଇଓଡବ୍ଲୁ ସମନ ଜାରି କରିଛି । ନିରଞ୍ଜନଙ୍କ ସହ ତାଙ୍କ ପୁଅ ନବଜ୍ୟୋତି ପଟ୍ଟନାୟକଙ୍କୁ ମଧ୍ୟ ସମନ ଜାରି କରାଯାଇଛି । ଆଜି ହାଜର ହେବାକୁ ନିର୍ଦ୍ଦେଶ ଦିଆଯାଇଛି ।

ବାବାସି ଟେଲିକମ୍ ପ୍ରାଇଭେଟ୍ ଲିମିଟେଡ୍ କମ୍ପାନୀରେ ଆର୍ଥିକ ତୋଷରପାତ ନେଇ କେ. ଏସ୍. ଆଲୁୱାଲିଆ ଫରିଦ ଆଫ୍ରୁଉଦ୍ଦିନଙ୍କ ବିରୋଧରେ ୨୦୧୫ରେ ଏକ ମାମଲା ରୁଜୁ କରିଥିଲେ । ଆଲୁୱାଲିଆଙ୍କ ଅଭିଯୋଗ ହେଉଛି ୨୦୦୭-୦୮ରେ ବାବାସି ଟେଲିକମ୍ ପ୍ରାଇଭେଟ୍ କମ୍ପାନୀକୁ ସେ ୩୨ କୋଟି ଟଙ୍କା ଦେଇଥିଲେ । ତେବେ ସେ ଦେଇଥିବା ଟଙ୍କା ଫେରସ୍ତ ପାଇନଥିଲେ । ଜାଲିଆତି କରି ତାଙ୍କ ଠାରୁ ଏହି ଟଙ୍କା ନିଆଯାଇଥିଲା । କମ୍ପାନୀ ସହିତ ନେଣଦେଣ ବେଳେ ନିରଞ୍ଜନ ପଟ୍ଟନାୟକ ଓ ନବଜ୍ୟୋତି ପଟ୍ଟନାୟକ ସେହି କମ୍ପାନୀର ନିର୍ଦ୍ଦେଶକ ଥିଲେ । କମ୍ପାନୀ ପକ୍ଷରୁ ଦିଆଯାଇଥିବା ସଫେଇରେ ତତ୍କାଳୀନ ନିର୍ଦ୍ଦେଶକ ୩୨କୋଟି ଟଙ୍କାରୁ ୬ କୋଟି ଟଙ୍କା ହେରଫେର ବି କରିଥିବା ଅଭିଯୋଗରେ ଦର୍ଶାଯାଇଛି । ଏହି ଘଟଣା ପରେ ବାପ ପୁଅ ଦୁହେଁ କମ୍ପାନୀରୁ ଇସ୍ତଫା ଦେଇଥିଲେ । ମାମଲାର ତଦନ୍ତ ଏବେ ଦିଲ୍ଲୀ ପୋଲିସର ଆର୍ଥିକ ଅପରାଧ ଶାଖା କରୁଛି । ନିଜ ନାଁରେ ଦିଲ୍ଲୀ ପୋଲିସ ଇ.ଓ.ଡବ୍ଲୁ ସମନକୁ ନେଇ ପ୍ରତିକ୍ରିୟା ରଖିଛନ୍ତି ନିରଞ୍ଜନ । ଏଭଳି କୌଣସି ନୋଟିସ୍ ସେ ପାଇ ନାହାନ୍ତି । ସେ ବହୁ ପୂର୍ବରୁ ବାବାସି ଟେଲିକମ୍ ରେ ନିର୍ଦ୍ଦେଶକ ଥିଲେ । ଅନେକ ଦିନ ହେବ ସେଥିରୁ ସେ ଇସ୍ତଫା ଦେଇସାରିଛନ୍ତି । ସେ ସ୍ବଚ୍ଛ, କୌଣସି ଦୋଷ ତ୍ରୁଟି ଥିଲେ ତାଙ୍କ ବିରୋଧରେ ପୋଲିସ କାର୍ଯ୍ୟନୁଷ୍ଠାନ ନେବ । ଆଜି ସେ ପୂରା ଦମରେ ରାହୁଲଙ୍କ ସାଙ୍ଗରେ ରହିବେ ବୋଲି ନିରଞ୍ଜନ ଦୃଢ଼ୋକ୍ତି ପ୍ରକାଶ କରିଛନ୍ତି ।

   Related Posts