Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

କରୋନା ଭାଇରସ ମହାମାରୀ ମୁକାବିଲା ଲାଗି କେବଳ ଟିକା ଯଥେଷ୍ଟ ନୁହେଁ: WHO ମୁଖ୍ୟ

16/11/2020 at 9:08 PM

ଜେନେଭା ୧୬।୧୧:  ସାରା ବିଶ୍ୱକୁ ବ୍ୟାପିଯାଇଥିବା କରୋନା ଭାଇରସ ମହାମାରୀ ରୋକିବା ଲାଗି କେବଳ ଭାକ୍ସିନ ଯଥେଷ୍ଟ ହେବନି। ଏହା କହିଛନ୍ତି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (ଡବ୍ଲୁଏଚଓ)  ମହାନିର୍ଦ୍ଦେଶକ ଟେଡ୍ରୋସ୍ ଆଡାନୋମ ଗେବ୍ରେଏସ୍ଏସ୍। ଏହି ମହାମାରୀ ଉପୁଜିବାର ମାସକ ମଧ୍ୟରେ ବ୍ୟାପିଯାଇଥିଲା। ସାରା ବିଶ୍ୱରେ ଏପର୍ଯ୍ୟନ୍ତ ୫୪ ନିୟୁତ ଲୋକେ ସଂକ୍ରମିତ ହୋଇଥିବା ବେଳେ ୧.୩ ନିୟୁତରୁ ଅଧିକ ଲୋକ ପ୍ରାଣ ହରାଇଲେଣି। 

ସେ କହିଛନ୍ତି ଯେ ସଂକ୍ରମଣ ରୋକିବା ଲାଗି ଆମର ଉପଯୋଗରେ ଆସୁଥିବା ଅନ୍ୟ ସାମଗ୍ରୀ ଭଳି ଟିକା ମଧ୍ୟ ଏକ ଉପାୟ। ହେଲେ ଏହା ମହାମାରୀକୁ ନିଜେ ରୋକିଦେଇ ପାରିବନି। ଶନିବାର ସୁଦ୍ଧା ଡବ୍ଲୁଏଚଓରେ ୬୬୦,୯୦୫ କରୋନା ଭାଇରସ କେସ୍‌ ରିପୋର୍ଟ ହୋଇଛି।  ଏହି ସଂଖ୍ୟା ନିଜକୁ ନିଜେ ଏକ ୱାଟରମାର୍କ ବୋଲି କହିଛନ୍ତି ଟେଡ୍ରୋସ୍ ।

ନଭେମ୍ବର ୭ ତାରିଖରେ ଜାତିସଂଘ ସ୍ୱାସ୍ଥ୍ୟ ସଂସ୍ଥାନକୁ ୬୧୪, ୦୧୩ଟି ଦୈନିକ ମାମଲାର ରିପୋର୍ଟ ହୋଇଥିଲା। ଶୁକ୍ରବାର ଏହି ସଂଖ୍ୟା ୬୪୫,୪୧୦କୁ ଛୁଇଁଥିବା ବେଳେ ଦୈନିକ ସଂକ୍ରମଣର ସମସ୍ତ ରେକର୍ଡ ଭାଙ୍ଗିଛି। ଏଥିରେ ଟିକା ଆସିବା ଆଶ୍ୱସ୍ତକର ନିଶ୍ଚିତ। ତେବେ ଏହାର ସୁଷମ ବିତରଣ କରାନଗଲେ ଧାର୍ଯ୍ୟ ଲକ୍ଷ୍ୟ ହାସଲ ହୋଇପାରିବ ନାହିଁ। ସ୍ୱାସ୍ଥ୍ୟ କର୍ମୀ, ବୟସ୍କ ଓ ଉଚ୍ଚ ସମ୍ବେଦନଶୀଳ ଗୋଷ୍ଠୀଙ୍କ ଟିକାକରଣ ଦ୍ୱାରା ମୃତ୍ୟୁ ହାର ହ୍ରାସ କରାଯାଇ ପାରିବ ବୋଲି ସେ କହିଛନ୍ତି।

ତେବେ ଟିକା ଆସିଗଲା ବୋଲି ଭୂତାଣୁକୁ ଅଣଦେଖା କରାଯାଇ ପାରିବ ନାହିଁ ବୋଲି ଟଡ୍ରୋସ୍‌ କହିଛନ୍ତି। ପୂର୍ବ ଭଳି ସଂକ୍ରମଣ ପ୍ରତି ନଜର  ରଖାଯିବା ସହ ଲୋକଙ୍କ ପରୀକ୍ଷଣ, ଆଇସୋଲେସନ କରିବାକୁ ପଡିବ। ସେହିପରି ଆଗଭଳି କଣ୍ଟ୍ରାକ୍ଟ ଟ୍ରେସିଂ କରାଯାଇ ଲୋକଙ୍କୁ ଲୋକଙ୍କଠାରୁ ପୃଥକ କରିବାର ପ୍ରକ୍ରିୟା ମଧ୍ୟ ଜାରି ରଖାଯିବା ଦରକାର। ନଚେତ ବିଶ୍ୱ କୋଭିଡ ସ୍ଥିତିରେ କୌଣସି ପରିବର୍ତ୍ତନ ହେବ ନାହିଁ ବୋଲି ସେ ସତର୍କ କରାଇ ଦେଇଛନ୍ତି।

   Related Posts