Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ସଂକ୍ରମଣ, ସୁସ୍ଥ ହୋଇ ଘରକୁ ଫେରିଲେ ଆଉ ୬୬୯ ଆକ୍ରାନ୍ତ
  • ||
  • ସରକାର ଓ କୃଷକଙ୍କ ମଧ୍ୟରେ ପ୍ରଥମ ବୈଠକ ବିଫଳ: ପୁଣି ଡିସେମ୍ବର ୩ରେ ଉଭୟ ପକ୍ଷ ମଧ୍ୟରେ ଆଲୋଚନା, ଜାରି ରହିବ ଆନ୍ଦୋଳନ
  • ||
  • ସୋର : ବାଇକ୍ ଉପରେ ମାଡିଗଲା କାର୍, ୩ ଗୁରୁତର
  • ||
  • କଣ୍ଟାବାଞ୍ଝି : ରାସ୍ତା କଡ ସିମେଣ୍ଟ ଖୁଣ୍ଟରେ ପିଟିହେଲା ବାଇକ୍ଦୁ, ଦୁଇ ମୃତ, ଜଣେ ଗୁରୁତର
  • ||
  • ଭଦ୍ରକ : ଟ୍ରକ୍‌କୁ ୮୭ ହଜାର ଟଙ୍କା ଫାଇନ୍, ପରମିଟ୍ ନଥାଇ ପରିବହନ ହେଉଥିଲା ଅଧିକ ଓଜନର ସାମଗ୍ରୀ
  • ||
  • ଆଠମଲ୍ଲିକ : ବାଇକ୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ଦୁଇ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ସୋର : ଟ୍ରକ୍ ଚାପାରେ ମା’ ମୃତ, ବାପା-ପୁଅ ଗୁରୁତର
  • ||
  • ସାନଖେମୁଣ୍ଡି : ଦାଦା ବଟି ମାଗିବା ଅଭିଯୋଗରେ ଯୁବକ ଗିରଫ, ମାଉଜର ଓ ଅଫୁଟା ଗୁଳି ଜବତ
  • ||
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ସୋନଭଦ୍ର ହତ୍ୟାକାଣ୍ଡ ପୀଡିତଙ୍କ ପରିବାରର ମାତ୍ର ୨ଜଣ ପ୍ରିୟଙ୍କାଙ୍କୁ ଭେଟିଲେ, ଭାବୁକ ହେଲେ ପ୍ରୟଙ୍କା

20/07/2019 at 5:59 PM

ସୋନଭଦ୍ର ୨୦|୭: ବହୁ ବାଦ ବିବାଦ ପରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କୁ ଭେଟିଲେ ୟୁପି ସୋନଭଦ୍ର ହତ୍ୟାକାଣ୍ଡ ପୀଡିତଙ୍କ ପରିବାର । ମିର୍ଜାପୁର ଚୁନାର ଗେଷ୍ଟ ହାଉସରେ ପୀଡିତାଙ୍କ ପରିବାରର ମାତ୍ର ୨ ଜଣ ସଦସ୍ୟଙ୍କୁ ପ୍ରିୟଙ୍କାଙ୍କୁ ଭେଟିବାକୁ ସୁଯୋଗ ଦିଆଯାଇଛି । ଯାହାକୁ ନେଇ ପ୍ରିୟଙ୍କା କ୍ଷୋଭ ପ୍ରକାଶ କରିବା ସହ ପୁଣି ଧାରଣା ଦେଇଥିଲେ । ସେପଟେ ମୃତକଙ୍କ ପରିବାରକୁ ଭେଟିବା ପାଇଁ ତୃଣମୂଳ କଂଗ୍ରେସର ସାଂସଦ ଡେରେକ ଓବ୍ରାଏନ ଯାଉଥିବା ବେଳେ ତାଙ୍କୁ ବାରଣାସୀ ବିମାନବନ୍ଦରରେ ଅଟକ ରଖିଛି ୟୁପି ପୋଲିସ ।ଯାହାକୁ ନେଇ ଏବେ ରାଜନୀତି ଗରମ…   

ପ୍ରିୟଙ୍କା ଗାନ୍ଧୀଙ୍କୁ ଭେଟିଲେ ଉତ୍ତରପ୍ରଦେଶ ସୋନଭଦ୍ର ହତ୍ୟାକାଣ୍ଡ ପୀଡିତ ପରିବାର । ମିର୍ଜାପୁର ଚୁନାର ଗେଷ୍ଟ ହାଉସରେ ଅଟକ ଥିବା କଂଗ୍ରେସ ମହାସଚିବ ପ୍ରିୟଙ୍କାଙ୍କୁ ଭେଟିଛନ୍ତି ପୀଡିତ ପରିବାରର ମାତ୍ର ୨ ଜଣ ସଦସ୍ୟ । ପୀଡିତ ପରିବାରର ଦୁଃଖ ଓ କାନ୍ଦ ଦେଖି ପ୍ରିୟଙ୍କା ବି ଭାବୁକ ହୋଇଛନ୍ତି । ଗତକାଲି ସୋନଭଦ୍ର ଯିବାବେଳେ ଅଧା ବାଟରୁ ପ୍ରିୟଙ୍କାଙ୍କୁ ଅଟକ ରଖିଥିଲା ପୋଲିସ । ପୀଡିତଙ୍କ ପରିବାରକୁ ଭେଟିବାକୁ ଦିଆ ନ ଯାଇନଥିଲା । ପ୍ରତିବାଦରେ ପ୍ରିୟଙ୍କା ଧାରଣା ଦେଇଥିଲେ ।

ସେଠାରୁ ପୋଲିସ ତାଙ୍କୁ ଉଠାଇ ମିର୍ଜାପୁର ଚୁନାର ଗେଷ୍ଟ ହାଉସରେ ଅଟକ ରଖିଥିଲା ପୋଲିସ । ସାରା ରାତି ବିନା ବିଜୁଳିରେ ଗେଷ୍ଟ ହାଉସରେ ରହିଥିଲେ ପ୍ରିୟଙ୍କା । ମୃତକଙ୍କ ପରିବାରକୁ ଭେଟିବା ପରେ ହିଁ ସେ ଫେରିବେ ବୋଲି ଜିଦରେ ଅଟଳ ଥିଲେ । ଫଳରେ ପ୍ରଶାସନ ପୀଡିତଙ୍କ ପରିବାର ସଦସ୍ୟଙ୍କୁ ଏଠାକୁ ଆଣିବାକୁ ବ୍ୟବସ୍ଥା କରିଥିଲା । ମୃତକଙ୍କ ପରିବାରକୁ କଂଗ୍ରେସ ୧୦ ଲକ୍ଷ ଟଙ୍କା ଲେଖାଏଁ ସହାୟତା ଦେବ ବୋଲି ଘୋଷଣା କରିଛନ୍ତି ପ୍ରିୟଙ୍କା ।  

ପୀଡ଼ିତ ପରିବାରଙ୍କୁ ଭେଟିବା ପରେ ପୁଣି ଥରେ ଧାରଣାରେ ବସିଥିଲେ ପ୍ରିୟଙ୍କା ଗାନ୍ଧୀ । ପୀଡ଼ିତ ପରିବାର ୧୫ ଜଣ ଲୋକ ପ୍ରିୟଙ୍କାଙ୍କୁ ସାକ୍ଷାତ କରିବାକୁ ଆସିଥିଲେ ହେଁ ମାତ୍ର ୨ ଜଣ ତାଙ୍କୁ ଭେଟିବାକୁ ଅନୁମତି ଦେଇଥିଲା ପ୍ରଶାସନ । ଅନ୍ୟମାନଙ୍କୁ ଗେଷ୍ଟ ହାଉସ ବାହାରେ ହିଁ ଅଟକାଇ ଦିଆଯାଇଥିଲା । ସେପଟେ ମୃତକଙ୍କ ପରିବାରକୁ ଭେଟିବା ପାଇଁ ତୃଣମୂଳ କଂଗ୍ରେସର ସାଂସଦ ଡେରେକ ଓବ୍ରାଏନ ଓ ତାଙ୍କର ୨ ସହଯୋଗୀ ଯାଉଥିବା ବେଳେ ତାଙ୍କୁ ବାରଣାସୀ ବିମାନ ବନ୍ଦରରେ ଅଟକ ରଖିଛି ୟୁପି ପୋଲିସ । ପ୍ରତିବାଦ ସ୍ବରୂପ ଏୟାରପୋର୍ଟ ବାହାରେ ଧାରଣାରେ ବସିଛନ୍ତି ଟିଏମସି ସାଂସଦ ।

ସେପଟେ ପ୍ରିୟଙ୍କା ଗାନ୍ଧିଙ୍କୁ ଅଟକ ରଖା ଯାଇଥିବାରୁ ଉତ୍ତରପ୍ରଦେଶ ଏନ୍‌ଏସ୍‌ୟୁଆଇ ପକ୍ଷରୁ ଦିଲ୍ଲୀ ୟୁପି ଭବନ ଆଗରେ ଧାରଣା ଦିଆଯାଇଛି । ଜମିବାଡି ବିବାଦକୁ ନେଇ ଗତ ୧୭ରେ ସୋନଭଦ୍ରରେ ୧୦ ଜଣଙ୍କୁ  ହତ୍ୟା କରାଯିବା ପରେ ସାରା ସୋନଭଦ୍ର ଅଞ୍ଚଳରେ ଚାପା ଉତ୍ତେଜନା ଲାଗି ରହିଛି ।ଯାହାକୁ ନେଇ ୟୁପି ରାଜନୀତି ଏବେ ସରଗରମ ।

   Related Posts