Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ଫେଲ୍ ମାରିଲା ବ୍ୟାଟିଂ, ଦକ୍ଷିଣ ଆଫ୍ରିକା ନିକଟରୁ ୩୧ ରନରେ ହାରିଲା ଭାରତ
  • ||
  • ରାଜ୍ୟରେ ଏବେ ତୃତୀୟ ଲହର ଚାଲିଛି, ତଥାପି ଭୟଭୀତ ହେବାର ଆବଶ୍ୟକତା ନାହିଁ: ମୁଖ୍ୟ ସଚିବ
  • ||
  • ପୁରୀ: ପୋଲିସ କବଜାରେ ୩ ଧଳାଜହର ବେପାରୀ, ୧୭୨ ବ୍ରାଉନ ସୁଗାର ଜବତ
  • ||
  • କ୍ୟାପଟେନ୍ ପଦ ଛାଡିବା ପରେ କୋହଲିଙ୍କ ଟେଷ୍ଟ ରାଙ୍କିଙ୍ଗ୍ରେ ସୁଧାର, ଟପ୍-୧୦କୁ ଫେରିଲେ ବୁମରା
  • ||
  • କଳାହାଣ୍ଡି; ଗୋଲାମୁଣ୍ଡା ଗାଁ ପୋଖରୀରେ ବୁଡି ଜାଆଁଳା ଭାଇ ମୃତ
  • ||
  • ବିଜେପିରେ ମିଶି ପାରନ୍ତି କଂଗ୍ରେସର ପୋଷ୍ଟର ଗର୍ଲ ପ୍ରିୟଙ୍କା ମୌର୍ଯ୍ୟ, କହିଲେ- ପାର୍ଟି ମୋର ଫାଇଦା ଉଠାଇଲା
  • ||
  • ଭାରତର ଷ୍ଟାର ଟେନିସ୍ ଖେଳାଳି ସାନିଆ ମିର୍ଜାଙ୍କ ଅବସର ଘୋଷଣା, ୨୦୨୨ ହେବ ଶେଷ ସିଜିନ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||

କେବଳ ଗୋଟିଏ ଟୀକା ହିଁ ବିଶ୍ବକୁ ସ୍ବାଭାବିକ ଅବସ୍ଥାକୁ ଫେରାଇ ଆଣିପାରିବ : ମିଳିତ ଜାତିସଂଘ

16/04/2020 at 1:41 PM

ନ୍ୟୁୟର୍କ ୧୬।୪: କରୋନା ମହାମାରୀ ବିଶ୍ବବ୍ୟାପୀ ସଙ୍କଟର କାରଣ ହୋଇଛି । ବିଶ୍ବବ୍ୟାପୀ ଏପର୍ଯ୍ୟନ୍ତ ୨୦ ଲକ୍ଷରୁ ଅଧିକ ଲୋକ ଏହି ମହାମାରୀର ଶିକାର ହୋଇଥିବା ବେଳେ ୧ ଲକ୍ଷରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ଏହି ସମୟରେ ବିଶ୍ବର ଅଧାରୁ ଅଧିକ ଦେଶ ଲକ୍ ଡାଉନ୍ ରେ ରହିଛି । ଏମିତି ସ୍ଥିତିରେ ମିଳିତ ଜାତିସଂଘ ପକ୍ଷରୁ କୁହାଯାଇଛି ଯେ କେବଳ ଗୋଟିଏ ଟୀକା ହିଁ ବିଶ୍ବକୁ ସ୍ବାଭାବିକ ଅବସ୍ଥାକୁ ଫେରାଇ ଆଣିପାରିବ ।

କରୋନା ଭାଇରସ୍ ପ୍ରସଙ୍ଗରେ ମିଳିତ ଜାତିସଂଘର ମୁଖ୍ୟ ଆଣ୍ଟୋନିଓ ଗୁଟେରସ୍ କହିଛନ୍ତି ଯେ, କରୋନା ଭାଇରସ୍ ସଙ୍କଟ ବଢୁଛି । ଏଭଳି ପରିସ୍ଥିତିରେ ଯଦି ବିଶ୍ବ ସ୍ବାଭାବିକ ଅବସ୍ଥାକୁ ଫେରି ଆସିବ, ତେବେ ତାହା କେବଳ ଟୀକା କାରଣରୁ ଆସିପାରିବ । ଯଦି କରୋନା ଭାଇରସ୍ ପାଇଁ ଶୀଘ୍ର ଔଷଧ ପ୍ରସ୍ତୁତ ହୁଏ, ତେବେ ଏହା ବିଶ୍ବ ପାଇଁ ଭଲ ହେବ ।

ମିଳିତ ଜାତିସଂଘ ମୁଖ୍ୟ କହିଛନ୍ତି ଯେ, ସେ ଆଶା କରିଛନ୍ତି ଯେ ଚଳିତ ବର୍ଷ ଶେଷ ପୂର୍ବରୁ ବିଶ୍ବକୁ କରୋନା ଭାଇରସ୍ ସହ ଲଢିବା ପାଇଁ ଏକ ଚମତ୍କାର ଟୀକା ମିଳିଯିବ । ଭିଡିଓ କନଫରେନ୍ସିଂ ମାଧ୍ୟମରେ ଆଫ୍ରିକୀୟ ଦେଶମାନଙ୍କୁ ସମ୍ବୋଧିତ କରୁଥିବାବେଳେ ଆଣ୍ଟୋନିଓ ଗୁଟେରସ୍ ଏହା କହିଛନ୍ତି ।

ଗୁଟେରସ୍ ଅପିଲ୍ କରିଛନ୍ତି ଯେ କରୋନା ଭାଇରସ୍ ବିରୋଧରେ ଟୀକା ପ୍ରସ୍ତୁତ କରିବାରେ ବିଶ୍ବକୁ ଏକଜୁଟ ହେବାକୁ ପଡିବ । ସମସ୍ତ ଦେଶ ମିଳିତ ଭାବରେ କାର୍ଯ୍ୟ କରିବା ଉଚିତ୍ । ମାର୍ଚ୍ଚ ୨୫ ରେ ମିଳିତ ଜାତିସଂଘ ଦ୍ବାରା ୨ ବିଲିୟନ ଡଲାର ସଂଗ୍ରହ କରିବାକୁ ଏକ ଅପିଲ୍ କରାଯାଇଥିଲା । ଯାହା ଦ୍ବାରା କରୋନା ମହାମାରୀର ମୁକାବିଲା ହୋଇପାରିବ । କିନ୍ତୁ ଏପର୍ଯ୍ୟନ୍ତ ଏହାର ମାତ୍ର ୨୦ ପ୍ରତିଶତ ସଂଗ୍ରହ କରାଯାଇଛି । ଆଫ୍ରିକୀୟ ଦେଶମାନଙ୍କରେ କରୋନା ଭାଇରସ୍ ପରୀକ୍ଷା ସୁବିଧା କମ୍, ତେଣୁ ମିଳିତ ଜାତିସଂଘ ଏହି ପ୍ରସଙ୍ଗରେ ସାହାଯ୍ୟ କରୁଛି ।

ସୂଚନାଯୋଗ୍ୟ ଯେ, ସାରା ବିଶ୍ବରେ ବର୍ତ୍ତମାନ ପର୍ଯ୍ୟନ୍ତ କରୋନା ଭାଇରସ୍ ଦ୍ବାରା ୨,୦୬୪,୮୧୫ ଜଣ ସଂକ୍ରମିତ ହୋଇଥିବା ବେଳେ ୧୩୭,୦୭୮ ଜଣଙ୍କର ମୃତ୍ୟୁ ହୋଇଛି । ସେହିଭଳି ୫୧୨୦୯୨ ଜଣ କରୋନା କବଳରୁ ସୁସ୍ଥ ହୋଇ ଫେରିଛନ୍ତି । ଭାରତରେ ଏପର୍ଯ୍ୟନ୍ତ କରୋନା ଭାଇରସ୍ ଦ୍ବାରା ୧୨,୩୮୦ ଜଣ ସଂକ୍ରମିତ ହୋଇଥିବା ବେଳେ ୪୧୪ ଜଣଙ୍କର ମୃତ୍ୟୁ ହୋଇଛି । ସେହିଭଳି ୧୪୯୮ଜଣ କରୋନା କବଳରୁ ସୁସ୍ଥ ହୋଇ ଫେରିଛନ୍ତି ।

   Related Posts