Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣାକଲା ଆପ୍‌, ତାଲିକାରେ ଅନେକ ଉଚ୍ଚ ଶିକ୍ଷିତ
  • ||
  • ଆସେସ୍‌ ସିରିଜ୍ କବଜା କଲା ଅଷ୍ଟ୍ରେଲିଆ, ଇଂଲଣ୍ଡକୁ ୪-୦ରେ ମୂଳପୋଛ କରି ଇତିହାସ ରଚିଲା କଙ୍ଗାରୁ ବାହିନୀ
  • ||
  • ରବିବାର ରାଜ୍ୟରେ ସୁସ୍ଥହେଲେ ରେକର୍ଡ ୪୪୫୨ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୦୦୩ଜଣ ଡିସଚାର୍ଜ
  • ||
  • ମୋହନା: ଅଟୋ-ବାଇକ ମୁହାଁମୁହିଁ ଧକ୍କା, ଜଣେ ମୃତ, ୭ ଆହତ
  • ||
  • ବଣାଇ ରେଞ୍ଜରେ ଗୋଠଛଡା ଦନ୍ତା ଆତଙ୍କ, ସନ୍ଧ୍ୟା ହେଲେ ଗାଁରେ ପଡୁଛି ତାଟିକବାଟ
  • ||
  • ଟେକ୍ସାସରେ ୪ ଜଣଙ୍କୁ ପଣବନ୍ଦୀ : ପାକିସ୍ତାନୀ ବୈଜ୍ଞାନିକଙ୍କୁ ମୁକ୍ତ କରିବାକୁ ଦାବି, ଘଟଣାସ୍ଥଳରେ ଏଫବିଆଇ ଓ ସ୍ୱାଟ୍ ଟିମ୍
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୧କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଡେଇଁଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୧୭୭ କୋଭିଡ୍ ପଜିଟିଭ୍, ୧୧୩୩୯୧୨ରେ ପହଞ୍ଚିଲା ସଂଖ୍ୟା
  • ||
  • ନିଶାରେ ୩ ବାଇକକୁ ଧକ୍କା ଦେଲେ କାର୍ ଡ୍ରାଇଭର, ଓଲଟା ପୋଲିସକୁ କଲେ ଗାଳିଗୁଲଜ
  • ||
  • ଫାଟିଗଲା ମୋବାଇଲ ବ୍ୟାଟେରୀ, ନାବାଳକ ଗୁରୁତର : ପଥରରେ ଛେଚୁଥିବା ବେଳେ ଅଘଟଣ
  • ||

ଏହି ଦେଶରେ କରୋନାରେ ମାତ୍ର ୧୯ଜଣଙ୍କ ମୃତ୍ୟୁ, ପ୍ରଧାନମନ୍ତ୍ରୀ କହିଲେ ଆମେ କରୋନା ଯୁଦ୍ଧରେ ଜିତିଛୁ

27/04/2020 at 6:00 PM

ଓ୍ବିଲିଙ୍ଗଟନ୍ ୨୭।୪: ସାରା ବିଶ୍ବରେ ଏବେ କରୋନାକୁ ନେଇ ଚିନ୍ତିତ । କିଛି ଦେଶ ଲାଗି ପଡିଛନ୍ତି ଏହାର ଟୀକା ପ୍ରସ୍ତୁତ କରିବାରେ ମାତ୍ର କେହି ବି ଏ ପର୍ଯ୍ୟନ୍ତ ସଫଳ ହୋଇପାରିନାହାନ୍ତି । କେବଳ ଲକ୍ ଡାଉନ୍ ଏବଂ ସାମାଜିକ ଦୂରତା ମାଧ୍ୟମରେ ଏହି ସଂକ୍ରମଣକୁ ରୋକିବାକୁ ସବୁ ଦେଶ ପ୍ରୟାସ ଜାରି ରଖିଛନ୍ତି । ତେବେ ଏହି ସମୟରେ ନ୍ୟୁଜିଲ୍ୟାଣ୍ଡ ପ୍ରଧାନମନ୍ତ୍ରୀ ଜାସିଣ୍ଡା ଆର୍ଡନ କହିଛନ୍ତି ଯେ କରୋନା ସଂକ୍ରମଣକୁ ରୋକିବାରେ ତାଙ୍କ ଦେଶ ଏକ ବିଜୟ ହାସଲ କରିଛି । ବର୍ତ୍ତମାନ ପର୍ଯ୍ୟନ୍ତ ନ୍ୟୁଜିଲ୍ୟାଣ୍ଡରେ କେବଳ ୧୪୬୯ ଜଣ କରୋନା ଭାଇରସ୍ ଦ୍ବାରା ସଂକ୍ରମିତ ହୋଇଥିବା ବେଳେ ୧୯ ଜଣଙ୍କର ମୃତ୍ୟୁ ଘଟିଛି ।

ସୋମବାର ପ୍ରଧାନମନ୍ତ୍ରୀଙ୍କ ଏଭଳି ଘୋଷଣା ପରେ ନ୍ୟୁଜିଲ୍ୟାଣ୍ଡରେ ଲକ୍ ଡାଉନ୍ ରୁ ଛାଡ୍ ମିଳିବ । ନ୍ୟୁଜିଲ୍ୟାଣ୍ଡରେ ଲକ୍ ଡାଉନ୍ ର ଆଲର୍ଟ ଲେଭଲ-୪ରୁ ଆଲର୍ଟ ଲେଭଲ-୩କୁ ଯିବାକୁ ଘୋଷଣା କରାଯାଇଛି । ବର୍ତ୍ତମାନ କିଛି ବ୍ୟବସାୟ, ହୋମ୍ ଡେଲିଭରି ଫୁଡ୍ ଆଉଟଲେଟ୍ ଏବଂ ବିଦ୍ୟାଳୟ ଖୋଲାଯାଇପାରିବ । ତଥାପି ଅଧିକାଂଶ ଲୋକଙ୍କୁ ଏବେ ମଧ୍ୟ ପ୍ରତିବନ୍ଧକ ମଧ୍ୟରେ ରହିବାକୁ ପଡିବ । ପ୍ରଧାନମନ୍ତ୍ରୀ ଆର୍ଡନ କହିଛନ୍ତି ନ୍ୟୁଜିଲ୍ୟାଣ୍ଡରେ କରୋନା ଭାଇରସ୍ ବିସ୍ତାର ହୋଇନାହିଁ । ଆମେ ଏହି ଯୁଦ୍ଧରେ ଜିତିଲୁ ।

ସେ ଆହୁରି ମଧ୍ୟ କହିଛନ୍ତି ଯେ କେତେ ଦିନ ପର୍ଯ୍ୟନ୍ତ ଆମେ ଭାଇରସ୍ କୁ ସଂପୂର୍ଣ୍ଣ ଭାବେ ବିଲୋପ କରି ସାଧାରଣ ଜୀବନକୁ ଫେରିବୁ ତାହା ସ୍ଥିର ହୋଇନାହିଁ । ସମସ୍ତେ ସାମାଜିକ ସମ୍ପର୍କକୁ ଫେରିବାକୁ ଚାହୁଁଛନ୍ତି ବୋଲି ଆର୍ଡନ କହିଛନ୍ତି । ମାତ୍ର ଭରସାର ସହ ଏହା କରିବା ପାଇଁ ଆମକୁ ଧୀରେ ଧୀରେ ଏବଂ ସତର୍କତାର ସହିତ ଆଗକୁ ବଢିବାକୁ ପଡିବ । ଆମେ ଏପର୍ଯ୍ୟନ୍ତ ଯାହା ହାସଲ କରିଛୁ ତାକୁ ହରାଇବାକୁ ଚାହୁଁନାହୁଁ । ତେଣୁ ଆମେ ବର୍ତ୍ତମାନ ଲକ୍ ଡାଉନ୍ ର ୩ ସ୍ତରରେ ରହିବୁ । ଆଡର୍ନ କହିଛନ୍ତି ଯେ ଆମେ ଅର୍ଥନୈନିକ କାର୍ଯ୍ୟକଳାପ ପୁଣି ଥରେ ଆରମ୍ଭ କରିଛୁ । କିନ୍ତୁ ଆମେ ଲୋକଙ୍କ ସାମାଜିକ ଜୀବନରୁ ଏହି ପ୍ରତିବନ୍ଧକ ହଟାଉ ନାହୁଁ ।

ଦେଶର ସ୍ବାସ୍ଥ୍ୟ ମହାନିର୍ଦ୍ଦେଶକ ଆଶଲି ବ୍ଲୁମଫିଲ୍ଡ କହିଛନ୍ତି ଯେ, ସଂକ୍ରମିତ ଲୋକଙ୍କ କମ୍ ସଂଖ୍ୟା ଆମକୁ ଆତ୍ମବିଶ୍ବାସ ପ୍ରଦାନ କରୁଛି ଯେ ଆମେ ଭାଇରସ୍ ବିଲୋପ କରିବାର ଲକ୍ଷ୍ୟ ହାସଲ କରିଛୁ । ଏହାର ଅର୍ଥ ନୁହେଁ ଯେ ମାମଲା ସଂଖ୍ୟା ଶୂନ୍ୟ, କିନ୍ତୁ ଆମେ ଜାଣୁ ଯେ ଲୋକମାନେ କିପରି ସଂକ୍ରମିତ ହେଉଛନ୍ତି । ସେ କହିଛନ୍ତି ଆମର ଲକ୍ଷ୍ୟ ହେଉଛି ବିଲୋପ । କିନ୍ତୁ ପୁଣି ଥରେ ମୁଁ କହୁଛି ଏହାର ଅର୍ଥ ହେଉଛି ଯେ ସଂକ୍ରମିତ ସଂଖ୍ୟାକୁ ଆମେ ଅଳ୍ପ ସଂଖ୍ୟାରେ ରଖିବା । ଏହାଦ୍ବାରା ଆମେ ନୂତନ ମାମଲାଗୁଡିକର ସଠିକ୍ ଅନୁସନ୍ଧାନ କରିବାକୁ ସମର୍ଥ ହେବା ।

ସୂଚନାଯୋଗ୍ୟ ଯେ, ନ୍ୟୁଜିଲ୍ୟାଣ୍ଡର ଜନସଂଖ୍ୟା ପ୍ରାୟ ୫୦ ଲକ୍ଷ ଅଟେ । ଗତ ୨୪ ଘଣ୍ଟା ମଧ୍ୟରେ ଏଠାରେ କେବଳ ଗୋଟିଏ ସଂକ୍ରମଣର ରିପୋର୍ଟ ହୋଇଛି ।

   Related Posts