Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ସୀମା ଆରପଟେ ଭାରତୀୟ ସେନା, ସେପଟେ ଅନଲାଇନରେ ଆତଙ୍କୀଙ୍କୁ ନିଯୁକ୍ତ କରୁଛି ଆଇଏସଆଇ ସହ ପାକିସ୍ତାନୀ ଉଗ୍ରବାଦୀ

4/01/2021 at 5:33 PM

ନୂଆଦିଲ୍ଲୀ, ୦୪୦୧ସାଙ୍ଘାତିକ ଷଡଯନ୍ତ୍ର ରଚୁଛି ପାକିସ୍ତାନ । ଭାରତୀୟ ଯୁବକଙ୍କୁ ପଥଭ୍ରଷ୍ଟ ପାଇଁ ଅପପ୍ରୟାସ କରୁଛି ପାକ୍ ଗୁଇନ୍ଦା ସଂସ୍ଥା ଆଇଏସଆଇ । ଭାରତୀୟ ସେନାବାହିନୀ ପାଇଁ ସିଧାସଳଖ ଭାବେ କାଶ୍ମୀର ଯୁବକଙ୍କୁ ଆତଙ୍କବାଦୀ ସଙ୍ଗଠନରେ ସାମିଲ କରିପାରୁ ନାହିଁ ପାକ୍ । ତେଣୁ ଏଥିପାଇଁ ନୂଆ ଉପାୟ ଆପଣାଇଛି ଏହି ଆତଙ୍କବାଦୀ ଦେଶ । ଆତଙ୍କବାଦୀ ସଙ୍ଗଠନ ଓ ଆଇଏସଆଇ ଏବେ ଇଣ୍ଟରନେଟ୍ ଓ ମୋବାଇଲ୍ ଜରିଆରେ ଯୁବକଙ୍କୁ ସଙ୍ଗଠନରେ ଭର୍ତ୍ତି କରୁଛନ୍ତି ।

ଗୁଇନ୍ଦା ରିପୋର୍ଟ ଓ ଟେକନିକାଲ ସର୍ଭିଲାନ୍ସର ସୂତ୍ରାନୁସାରେ, ଯୁବକଙ୍କୁ ଉତ୍ତେଜିତ କରିବା ସହ ଭାରତ ବିରୋଧୀ ମନୋଭାବ ସୃଷ୍ଟି କରାଯାଉଛି । ଏହାସହ ଆଇଏସଆଇ ଜାଲ୍ ଭିଡିଓ କରି ମିଛ ପ୍ରତିଶ୍ରୁତି ଦେଉଛି । ଏପରି ମିଛ ଭିଡିଓ ଜାରି କରାଯାଉଛି ଯେଉଁଥିରେ ସୁରକ୍ଷାକର୍ମୀ କାଶ୍ମୀରବାସୀଙ୍କୁ ଅତ୍ୟାଚାର କରୁଛନ୍ତି ।

ଏହାପୂର୍ବରୁ ଆତଙ୍କବାଦୀମାନେ ଯୁବକଙ୍କ ସହ ସିଧାସଳଖ ସମ୍ପର୍କ ସ୍ଥାପନା କରୁଥିଲେ  । ଯେବେଠୁ ଏହି ଷଡଯନ୍ତ୍ରକୁ ସୁରକ୍ଷାକର୍ମୀ ଭଣ୍ଡୁର କରିଥିଲେ ସେବେଠୁ ଆତଙ୍କବାଦୀମାନେ ମୋବାଇଲ ଓ ଇଣ୍ଟରନେଟରେ ଯୁବକଙ୍କୁ ସଙ୍ଗଠନରେ ସାମିଲ କରୁଛନ୍ତି । ୨୦୨୦ରେ ୨୪ରୁ ଅଧିକ ଆତଙ୍କବାଦୀଙ୍କ ଏପରି ଷଡଯନ୍ତ୍ରକୁ ପଣ୍ଡ କରିଥିଲା ସେନା ।  ୪୦ରୁ ଅଧିକ ଆତଙ୍କୀ ସମର୍ଥକଙ୍କୁ ଗିରଫ କରାଯାଇଥିଲା । ସେମାନଙ୍କୁ ଜେରା ବେଳେ ସାଇବର୍ ରିକ୍ୟୁରମେଣ୍ଟ ବା ନିଯୁକ୍ତି ବାବଦରେ ଜଣା ପଡିଥିଲା ।

ସେନାର ଜଣେ ଅଧିକାରୀଙ୍କ ସୂଚନାନୁସାରେ, କିଛି ଆତ୍ମସମର୍ପଣ କରିଥିବା ଆତଙ୍କବାଦୀ ଅନେକ କିଛି ଗୁମର ଖୋଲିଥିଲେ । ସେମାନେ କହିଥିଲେ ଯେ, ଫେସବୁକ ଜରିଆରେ ଆତଙ୍କବାଦୀ ସଙ୍ଗଠନ ସେମାନଙ୍କ ସହ ସମ୍ପର୍କ ପ୍ରତିଷ୍ଠା କରିଥିଲେ । ପରେ ସେମାନଙ୍କୁ ଖାଲିଦ ଓ ମହମ୍ମଦ ଅବ୍ବାସଙ୍କ ନିକଟକୁ ପଠାଇଥିଲେ । ସେଠାରେ ସେମାନଙ୍କୁ ଫେସବୁକ୍, ୟୁଟ୍ୟୁବ୍ ଜରିଆରେ ତାଲିମ ପ୍ରଦାନ କରାଯାଇଥିଲା । ସେହିପରି କାଶ୍ମୀର ଘାଟିରେ ଆଇଏସଆଇର ଅନେକ ସ୍ଲିପର ସେଲ୍ ଥିବା ମଧ୍ୟ ଜଣାପଡିଛି । ଏପରି ପ୍ରାୟ ୪୦ ଆତଙ୍କବାଦୀ ଗିରଫ ହୋଇଥିଲେ ଯେଉଁମାନେ ଆକ୍ରମଣ ପାଇଁ ସୀମା ଆରପଟ ସଙ୍ଗଠନର ନିର୍ଦ୍ଦେଶକୁ ଅପେକ୍ଷା କରି ରହିଥିଲେ ।

ଏବେ ଆତଙ୍କବାଦୀଙ୍କ ପାଇଁ ଅସ୍ତ୍ରଶସ୍ତ୍ରର ଅଭାବ ପରିଲକ୍ଷିତ ହେଉଛି । ପାକିସ୍ତାନର ବିଭିନ୍ନ ଆତଙ୍କବାଦୀ ସଙ୍ଗଠନ ସୀମା ପାର୍ କରି ଅସ୍ତ୍ରଶସ୍ତ୍ର ପଠାଇବା ପାଇଁ ପ୍ରୟାସ କରୁଥିବା ମଧ୍ୟ ସୂଚନା ମିଳିଛି ।

   Related Posts