Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ପ୍ରଭାବ: ୨୪ ଘଣ୍ଟାରେ ସୁସ୍ଥ ହୋଇ ଘରକୁ ଫେରିଲେ ୬୪୮ ସଂକ୍ରମିତ
  • ||
  • ଲଭ୍‌ ଜିହାଦ ଉପରେ ଅଧ୍ୟାଦେଶ ପାରିତ କଲା ୟୁପି କ୍ୟାବିନେଟ୍‌, ଧୋକା-ଧମକ ଦେଇ ଧର୍ମ ପରିବର୍ତ୍ତନ କରାଇଲେ ୧୦ ବର୍ଷ ଜେଲ୍‌
  • ||
  • ଅତ୍ୟଧିକ କାମର ବୋଝ ସହିନପାରି ଆଖି ବୁଜିଲେ ବାପା: ଉପର ଅଧିକାରୀଙ୍କ ବିରୋଧରେ ସଂଗୀନ ଅଭିଯୋଗ ଆଣିଲେ ଝିଅ, କହିଲେ…
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||
  • ୨ ବାରହା ଶିକାରୀ ଗରିଫ: ମାଂସ ଭାଗବଣ୍ଟା ବେଳେ ମାଡି ବସିଲେ ବନ ବିଭାଗର କର୍ମଚାରୀ
  • ||
  • କରୋନାରେ ଜୀବନ ହାରିଥିବା ଠିକାଦାରଙ୍କୁ ଆର୍ଥିକ ସହାୟତା ଦେଲା ଠିକାଦାର ସଂଘ
  • ||
  • ୧୦ ଡଲାରରୁ କମ୍‌ ମୂଲ୍ୟରେ ମିଳିବ ଋଷ କରୋନା ଭ୍ୟାକ୍‌ସିନ Sputnik V, ଜାନୁଆରୀରୁ ଆରମ୍ଭ ହେବ ଡେଲିଭରି
  • ||
  • ହାଇଓ୍ବା ଧକ୍କାରେ ଜଣେ ଶିଶୁଙ୍କ ସମେତ ୬ ଜଣଙ୍କ ମୃତ୍ୟୁ: ଚାଲି ଚାଲି ଯିବା ବେଳେ ପଛରୁ ମାଡିଗଲା
  • ||
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||

ରହସ୍ୟ ଘେରରେ ଅନଲାଇନ ଗ୍ରୁପ ଯାହାର ମୂଳ ଲକ୍ଷ୍ୟ ମହିଳାଙ୍କ ପ୍ରତି ହିଂସା ଏବଂ ପ୍ରତିଶୋଧ

13/06/2020 at 4:16 PM

ନୂଆଦିଲ୍ଲୀ ୧୩/୦୬ : ନବେ ଦଶକ ଶେଷ ଆଡକୁ, ୧୮ ବର୍ଷ ବୟସ୍କ ଜଣେ ଆମେରିକୀୟ ଯୁବକ ଇଣ୍ଟରନେଟରେ ଏକ ଗ୍ରୁପ ତିଆରି କରିଥିଲେ | ଏହି ଗ୍ରୁପ ସହ ସେହି ଯୁବକମାନେ ଯୋଡି ହୋଇପାରିବେ ଯେଉଁମାନେ କୌଣସି କାରଣବଶତଃ ବାସ୍ତବିକ ଦୁନିଆରେ ଝିଅମାନଙ୍କ ସହ ବନ୍ଧୁତା କରିପାରନ୍ତି ନାହିଁ | ଏହିଭଳି ଏକ ଅନଲାଇନ କମ୍ୟୁନିଟି ତିଆରି ହୋଇଥିଲା ଯାହାର ନାଁ ଥିଲା “involuntary celibacy” | ପରେ ଏହି ନାଁ ଛୋଟ ହୋଇ ଇନସେଲ ହୋଇଗଲା | ଏହା ବର୍ତ୍ତମାନ ଏକ ବଡ ସମ୍ପ୍ରଦାୟ, ଯେଉଁଥିରେ ସାରା ଦୁନିଆର ପୁରୁଷମାନେ ନକଲି ପରିଚୟ ସହ ଯୋଡି ହୁଅନ୍ତି | ସେମାନେ ଭାବନ୍ତି ଯେ ଶାରୀରିକ ଆବଶ୍ୟକତା ପୁରା କରିବା ପାଇଁ ମହିଳାମାନଙ୍କ ସହ ହିଂସା ଠିକ ନୁହେଁ | ଏହିଭଳି ମାନସିକତା ଲୋକମାନେ ଏସିଡ ମାଡ଼ ଏବଂ ଦୁଷ୍କର୍ମ କରିଥାନ୍ତି |

ଇନସେଲ କଥା ଏଇଥିପାଇଁ ଏଠାରେ କୁହାଯାଇଛି କାରଣ ଟୋରାନ୍ତରେ ପ୍ରଥମଥର ଇନସେଲ ବିରୋଧରେ ଆତଙ୍କବାଦ ମୁକଦମା ହେଉଛି | ଫେବୃଆରୀ ମାସରେ ଇନସେଲ ସମ୍ପ୍ରଦାୟର ଜଣେ ୧୭ ବର୍ଷୀୟ ଯୁବକ ମସାଜ ପାର୍ଲରରେ କାମ କରୁଥିବା ଜଣେ ଯୁବତୀଙ୍କୁ ଛୁରୀ ଭୁସି ହତ୍ୟା କରିବା ପରୀ ମୁକଦମା ହୋଇଛି | ଯାଞ୍ଚ ପରେ ଜଣାପଡିଛି ଯୁବକ ମହିଳା =ମାନଙ୍କୁ ଘୃଣା କରୁଥିଲା ଏବଂ ଭବିଷ୍ୟତରେ ମଧ୍ୟ ଏହିଭଳି କୌଣସି କାଣ୍ଡ କରିଥାନ୍ତା | ସେଥିପାଇଁ ପ୍ରଥମଥର କାନାଡ଼ା ପୋଲିସ ମହିଳାମାନଙ୍କ ବିରୋଧୀ କଠୋରତାକୁ ଆତଙ୍କବାଦ ଶ୍ରେଣୀଭୁକ୍ତ କରି ଯୁବକକୁ ଆତଙ୍କବାଦୀ କହିଛି ଏବଂ ଯୁବକ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି | ଏହା ପୂର୍ବରୁ ୨୦୧୮ ମସିହାରେ ଟୋରାଣ୍ଟରେ ଏହିଭଳି ଏକ ଆକ୍ରମଣ ହୋଇଥିଲା ଯେଉଁଥିରେ ୧୦ ଜଣଙ୍କ ପ୍ରାଣ ଚାଲିଯାଇଥିଲା | କାନାଡ଼ାର ୟୁଥ କ୍ରିମିନାଲ ଜଷ୍ଟିସ ଆକ୍ଟ ଅନୁସାରେ ଏହା ପ୍ରଥମ ମାମଲା ଥିଲା ଯେଉଁଥିରେ ନାବାଳିକକୁ ଆତଙ୍କବାଦୀ ଶ୍ରେଣୀଭୁକ୍ତ କରାଯାଇଥିଲା |  

ଇନସେଲ ଇଂରାଜୀର ଦୁଇଟି ଶବ୍ଦ ମିଶି ତିଆରି ହୋଇଛି ଯାହାର ଅର୍ଥ ଅନିଚ୍ଛା ସତ୍ତ୍ୱେ ଭର୍ଜିନ ରହିବା | ଏହି ଚିନ୍ତାଧାରା ଯୋଗୁଁ କାନାଡ଼ାରେ ଜଣେ ବ୍ୟକ୍ତି ୧୦ ଜଣଙ୍କ ଉପରେ ଗାଡି ଚଢାଇ ହତ୍ୟା କରିଥିଲା | ଏହାପରେ ଏଲେକଙ୍କ ନାଁରେ ଫେସବୁକରେ ଚର୍ଚ୍ଚା ହୋଇଥିଲା ଯେଉଁଥିରେ ସେ ନିଜକୁ ଇନସେଲ ରବେଲିୟନ କହିଥିଲା | ପରେ ତାର ଆକାଉଣ୍ଟ ବନ୍ଦ ହୋଇଯାଇଥିଲା ଏବଂ ତାକୁ ଦୋଷୀ ସାବ୍ୟସ୍ତ କରି ଗିରଫ କରାଯାଇଥିଲା | 

ପୋଷ୍ଟରେ ଇନସେଲ ରିବେଲ ଲେଖିଥିଲା ଯେ, ‘ଆମେ କୌଣସି ଅପରାଧୀ ସମ୍ପ୍ରଦାୟର ନୁହେଁ, କିନ୍ତୁ ଆମ ମନରେ କ୍ରୋଧ ଭାରି ରହିଛି | ମହିଳାମାନେ ସୁନ୍ଦର ଯୁବକମାନଙ୍କ ପ୍ରତି ଆକର୍ଷିତ ହୁଅନ୍ତି, ଯାହାଫଳରେ ଆମ ଭଳି ଲୋକମାନେ ଏକା ରହିଯାଉ |’ ଏକ ରିପୋର୍ଟ ଅନୁଯାୟୀ, ଏହି ଇନସେଲ ପ୍ରେମରେ ପ୍ରତାରଣା ପାଇ ଇଣ୍ଟରନେଟର ଏହି ଗ୍ରୁପରେ ସାମିଲ ହୋଇଥିଲା | ଗ୍ରୁପର ସଦସ୍ୟ ତାକୁ ସୁନ୍ଦର ଝିଅମାନଙ୍କ ଠାରୁ ପ୍ରତିଶୋଧ ନେବାକୁ ଉସୁକାଇଥିଲେ |

ପ୍ରକୃତରେ ନିଜକୁ ଇନସେଲ କହୁଥିବା ଏହି ଯୁବକମାନେ ଯୌନ ଅସଫଳତା ଯୋଗୁଁ ସାମାଜିକ-ରାଜନୈତିକ ପରିବେଶକୁ ବଡ କାରଣ ବୋଲି କୁହନ୍ତି | ଅସୁନ୍ଦର ପୁରୁଷମାନଙ୍କ ପ୍ରତି ମହିଳାଙ୍କ ଦୃଷ୍ଟି ପଡ଼ିନଥାଏ, ଏହା ଅନ୍ୟାୟ ବୋଲି ସେ କହିଛନ୍ତି | ପ୍ରତିଶୋଧ ନେବା ପାଇଁ ସେମାନେ ହିଂସାତ୍ମକ ହୋଇଯାନ୍ତି | ମହିଳାଙ୍କ ପ୍ରତି ହିଂସା ପ୍ରଦର୍ଶନ କରି ପ୍ରତିଶୋଧ ନିଆଯାଇପାରିବ ବୋଲି ସେମାନେ ଭାବନ୍ତି | ନିଜ ଇଛା ମୁତାବକ ଯୁବତୀ ସହ ସେକ୍ସ ନ କରିବାରୁ ଏମାନେ ସମାଜକୁ ମଧ୍ୟ ଦୋଷ ଦେଇଛନ୍ତି |

ଇନସେଲଙ୍କୁ ମାନସିକ ବିକୃତ ବୋଲି କୁହାଯାଇ | କାଲିଫର୍ନିଆରେ ରୋଜର ନାମକ ଜଣେ ବ୍ୟକ୍ତି ୬ ଜଣଙ୍କୁ ଗୁଳି କରି ହତ୍ୟା କରିଥିଲା ଏବଂ ୧୪ ଜଣଙ୍କୁ ଆଘାତ କରିଥିଲା | ସେ ତାର ଏହି କାମକୁ ସଫେଇ ଦେଇ କହିଥିଲା ଯେ ଏହା ସେହି ମହିଳାମାନଙ୍କ ପ୍ରତି ପ୍ରତିଶୋଧ ଯେଉଁମାନେ ତାକୁ ସେକ୍ସରୁ ଦୁରେଇ ରଖିଥିଲେ | ଏହାପରେ ସେ ଇନସେଲ ଗ୍ରୁପର ହିରୋ ହୋଇଗଲା |

ଇନସେଲ କିଏ, କଣ କରନ୍ତି, କଣ କରିବେ ତାହା କେହି ଜାଣିନଥାନ୍ତି | ଏକ ପୋଲରୁ ଜଣାପଡିଛି ଯେ ଇନସେଲ ଗ୍ରୁପ ସଦସ୍ୟମାନଙ୍କ ମଧ୍ୟରେ ୯୦ ପ୍ରତିଶତରୁ ଅଧିକ ପୁରୁଷ ୩୦ ବର୍ଷରୁ କମ ବୟସର | ପ୍ରକୃତରେ ଇନସେଲ ଏକ ବିଚାରଧାରା | ଏହାର ବହୁତଗୁଡିଏ ଅନଲାଇନ ଗ୍ରୁପ ଅଛି |

   Related Posts