Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ଅପ୍‌ଡେଟ୍‌: ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ବାତିଲ୍‌ ହେଲା ଟ୍ରେନ୍‌
  • ||
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||

୩୭୫ ବସ୍ତା ପିଆଜ ଚୋରି କଲା ପରେ ଟଙ୍କା ଆଲମାରି ଖାଲି କରିଦେଲେ, ତାପରେ ଗାଡି ବ୍ୟାଟେରୀ ବି ଛାଡିଲେନି

2/10/2020 at 6:40 PM

ପାଟନା, ୦୨ ।୧୦:  ଆଳୁ ଓ ପିଆଜର ଦାମ୍ ହୁହୁ ହୋଇ ବଢିବାରେ ଲାଗିଛି । ଏହାସହ ପିଆଜ ଚୋର ମଧ୍ୟ ସକ୍ରିୟ ହୋଇଛନ୍ତି । ଗୁରୁବାର ବିହାର ପାଟନାରେ ଥିବା ଏକ ଗୋଦାମର ତାଲା ଭାଙ୍ଗି ଚୋରମାନେ ପିଆଜ ଚୋରି କରି ନେଇଛନ୍ତି । ଏପରିକି ସେମାନେ ଗୋଦାମରୁ ଟଙ୍କା, ଟ୍ରାକ୍ଟର ବ୍ୟାଟେରୀ ମଧ୍ୟ ଲୁଟି ନେଇଛନ୍ତି ।

ସୂଚନାନୁସାରେ, ପାଟନା ଫତୁହା ଥାନା ଅନ୍ତର୍ଗତ ସୋନାରୁ ଅଞ୍ଚଳରେ ଏହି ଘଟଣା ସାମ୍ନାକୁ ଆସିଛି । ଗୁରୁବାର ରାତିରେ କିଛି ଚୋର ଗୋଦାମରେ ପସିଥିଲେ । ତାଲା ଭାଙ୍ଗିବା ପରେ ଗୋଦାମରେ ଥିବା ୩୭୫ ବସ୍ତା ପିଆଜ ନେଇଯାଇଛନ୍ତି । ଏହାର ଦାମ୍ ପ୍ରାୟ ୮ ଲକ୍ଷ ଟଙ୍କା ହେବ ବୋଲି ଜଣାପଡିଛି ।

ଏହାସହ ଚୋରମାନେ ଗୋଦାମରେ ଥିବା ଆଲମାରି ଭାଙ୍ଗି ୭୫୦୦ ଟଙ୍କା, ଦୁଇଟି ଟ୍ରାକ୍ଟର ବ୍ୟାଟେରୀ, କଣ୍ଟା ସମେତ ପ୍ରାୟ ୮ ଲକ୍ଷ ଟଙ୍କାର ଚୋରି କରିଛନ୍ତି । ଏହି ଘଟଣା ବାବଦରେ ପୋଲିସକୁ ଖବର ମିଳିବା ପରେ ତଦନ୍ତ ଆରମ୍ଭ ହୋଇଛି ।

ପିଆଜ ବ୍ୟବସାୟୀ ତଥା ଗୋଦାମ ମାଲିକ ଧିରଜ କୁମାର କହିଛନ୍ତି ଯେ, ସେ ଗୁରୁବାର ସନ୍ଧ୍ୟାରେ ଗୋଦାମ ବନ୍ଦ କରିଥିଲେ । ଶୁକ୍ରବାର ସକାଳେ ଯେତେବେଳେ ଗୋଦାମକୁ ଯାଇଥିଲେ କବାଟ ଖୋଲା ଥିଲା । ଏପରିକି ତାଲା ମଧ୍ୟ ଭାଙ୍ଗିଯାଇଥିଲା । ଭିତରକୁ ଯାଇ ଦେଖିଲା ବେଳେ ୩୭୫ ବସ୍ତା ପିଆଜ ନଥିଲା । ଅନ୍ୟ ପିଆଜ ସବୁ ଏଣେତେଣେ ପଡିଥିଲା । ଏପରିକି ଗୋଦାମ ଭିତରେ ଥିବା ଆଉ ଦୁଇଟି ତାଲା ମଧ୍ୟ ଭଙ୍ଗାଯାଇଥିଲା ।

ସୂଚନାଯୋଗ୍ୟ, ୨୦୧୯ରେ ଚୋରମାନେ ଏହି ଗୋଦାମରୁ ୧୦ ଲକ୍ଷ ଟଙ୍କାର ପିଆଜ ଚୋରି କରିନେଇଥିଲେ । ଏହାର ପତ୍ତା ଏବେସୁଦ୍ଧା ପୋଲିସକୁ ମିଳିପାରି ନାହିଁ । ଏବେ ପୁଣି ଚୋରି ହେବା ପରେ ପୋଲିସ ତଦନ୍ତକୁ ଗତିଶୀଳ କରିଛି ।

   Related Posts