Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସ୍ବର୍ଗ ଦ୍ବାରରୁ ହଟିଲା କଟକଣା, ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନର ନିଷ୍ପତ୍ତି
  • ||
  • ‘କୁଲଦୀପ ଯାଦବଙ୍କ ପାଇଁ ଚ୍ୟାଲେଞ୍ଜିଂ ହେବ ଓ୍ବେଷ୍ଟଇଣ୍ଡିଜ ସିରିଜ୍, ଟିମ୍‌ ଇଣ୍ଡିଆକୁ ଭରସା ରଖିବାକୁ ହେବ’: ହରଭଜନ ସିଂହ
  • ||
  • ବିଧାନସଭା ନିର୍ବାଚନ ଏବଂ ବଜେଟ୍‌ ଅଧିବେଶନ ପୂର୍ବରୁ କଂଗ୍ରେସ ଡାକିଲା ଗୁରୁତ୍ବପୂର୍ଣ୍ଣ ବୈଠକ, ପ୍ରସ୍ତୁତ ହେବ ରଣନୀତି
  • ||
  • ରାଜ୍ୟରେ ସୁସ୍ଥହେଲେ ଆଉ ୧୧,୧୫୭ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୬୫୩ଜଣ ଡିସଚାର୍ଜ
  • ||
  • ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କରଙ୍କୁ କରୋନା, ନିଜକୁ କଲେ ଆଇସୋଲେଟ୍
  • ||
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||

ହୁ ହୁ ହୋଇ ବଢୁଛି ପିଆଜ ଦର – କିନ୍ତୁ ଦିଲ୍ଲୀରେ ୨୨ ଟଙ୍କାରେ କିଲେ

24/09/2019 at 6:18 PM

ଭୁବନେଶ୍ୱର ୨୪।୦୯ – ପିଆଜ ଦର ଆକାଶ ଛୁଆଁ ହେଲାଣି । ରାଜ୍ୟରେ ପିଆଜ ଦର ହୁହୁ ହୋଇ ବଢିଚାଲିଛି । ମାସକ ତଳେ ଏହା ୧୬ ରୁ ୧୮ ଟଙ୍କା ଭିତରେ ବିକ୍ରି ହେଉଥିଲା । ଏହା ଏବେ ୫୦ ଟପିଲାଣି । ବଢୁଥିବା ପିଆଜ ଦର ଏବେ ସରକାରଙ୍କ ପାଇଁ ମୁଣ୍ଡ ବିନ୍ଧାର କାରଣ ହୋଇଛି । ନାସିକ୍‌ ଓ ଆନ୍ଧ୍ରରୁ ଆମଦାନୀ କମୁଥିବାରୁ ଦର ବୃଦ୍ଧି ଘଟୁଥିବା ବ୍ୟବସାୟୀ କହିଛନ୍ତି । ଯାହାକୁ ନେଇ ଖାଉଟିଙ୍କ ଚିନ୍ତା ବଢିଯାଇଛି ।

ପିଆଜ କିଲୋ ୫୦ ଟପି ୬୦ ଧରିଲାଣି । ସିଧାସଳଖ ପଖାଳ କଂସାକୁ ମାଡ କରିଛି । ମାସକ ତଳେ ପିଆଜ ଥିଲା କିଲୋଗ୍ରାମ ପିଛା ୧୬ ରୁ ୧୮ ଟଙ୍କା ମଧ୍ୟରେ । ହେଲେ ହଠାତ୍ ତାହା ବଢି ପାଖାପାଖି ୩ ଗୁଣା ହେଲାଣି । ଯାହାକୁ ନେଇ ଚିନ୍ତାରେ ଖାଉଟି । କହିବାକୁ ଗଲେ ରୋଷେଇ ଘରୁ ଏକ ପ୍ରକାର ପିଆଜ ଗାଏବ ହେବା ଆରମ୍ଭ କଲାଣି । ଯେଉଁଠି ଲୋକେ କେଜିଏ ନେଉଥିଲେ ସେଠି ଏବେ ଅଢେଇଶହ ଗ୍ରାମରେ କାମ ଚଳାଉଛନ୍ତି । ଭୁବନେଶ୍ବର ହେଉ କି ବ୍ରହ୍ମପୁର ଅଥବା ବରଗଡ ସାରା ରାଜ୍ୟରେ ପିଆଜ ଏବେ ଲୋକଙ୍କ ଆଖିରୁ ଲୁହ ବାହାର କରୁଛି ।

କେବଳ ଓଡ଼ିଶା ନୁହେଁ ସାରା ଦେଶର ପିଆଜ ଗ୍ରାହକକୁ କନ୍ଦାଉଛି । କେଉଁଠି ୬୦ ତ ଆଉ କେଉଁଠି ୮୦ରେ ପହଞ୍ଚିଲାଣି ଦର । ବ୍ୟବସାୟୀଙ୍କ କହିବା କଥା ନାସିକ୍ ଓ ଆନ୍ଧ୍ରରୁ ଆମଦାନୀ କମୁଥିବାରୁ ଦର ବୃଦ୍ଧି ହୋଇଛି । ବର୍ଷା ଯୋଗୁଁ ନାସିକ୍‌ରେ ପିଆଜ ଚାଷ ପ୍ରଭାବିତ ହୋଇଛି ଏବଂ ଉତ୍ପାଦନ କମିଛି । ସେପଟେ ଓଡ଼ିଶାରେ ଯେତିକି ପିଆଜ ଉତ୍ପାଦନ ହେଉଛି ତାକୁ ସଂରକ୍ଷଣର ବ୍ୟବସ୍ଥା ନଥିବାରୁ ବ୍ୟବସାୟୀ ସେଗୁଡିକୁ ବାହାର ରାଜ୍ୟକୁ ପଠାଇ ଦେଇଛନ୍ତି ।

ଆଗକୁ ପିଆଜ ଦର ରାଜ୍ୟରେ ଆହୁରି ବଢ଼ିବା ଆଶଙ୍କା ପ୍ରକାଶ ପାଇଛି। ସେପଟେ ଦେଶରେ ବଢ଼ିଥିବା ପିଆଜ ଦରକୁ ଦୃଷ୍ଟିରେ ରଖି କେଜ୍ରିୱାଲ ସରକାର ପକ୍ଷକ୍ଷେପ ନେଇଛନ୍ତି। ଦିଲ୍ଲୀରେ କିଲୋ ପ୍ରତି ୨୨ ଟଙ୍କାରେ ବିକ୍ରି ହୋଇଛି ପିଆଜ । ସ୍ବତନ୍ତ୍ର ଭାବେ ଗାଡ଼ିରେ ଜଣେ ବ୍ୟକ୍ତିଙ୍କୁ ଗୋଟିଏ କିଲୋ ପିଆଜ ବିକ୍ରି କରୁଛନ୍ତି ଦିଲ୍ଲୀ ସରକାର । ସେହିଭଳି ବ୍ୟବସ୍ଥା ଓଡ଼ିଶାରେ ମଧ୍ୟ ଲାଗୁ କରିବାକୁ ଲୋକେ ଦାବି କରିଛନ୍ତି । ସେହିଭଳି ପିଆଜ କଳବଜାରୀ ରୋକିବାକୁ ବିଭିନ୍ନ ଜିଲ୍ଲାପ୍ରଶାସନ ତୀକ୍ଷଣ ନଜର ରଖିଛି

ପିଆଜ ଦର ହୁହୁ ହୋଇ ବଢୁଥିବା ବେଳେ ଗୋଦାମରୁ ପିଆଜ ଚୋରି ହେବା ଭଳି ଖବର ଆସିଛି । ବିହାର ପାଟନାର ଏକ ଗୋଦାମରୁ ୩୨୮ ବସ୍ତା ଯାହାର ମୂଲ୍ୟ ପାଖାପାଖି ୮ ଲକ୍ଷ ଟଙ୍କାର ପିଆଜ ଚୋରି ହୋଇଛି । ଏହାର କିଛି ଘଣ୍ଟା ପରେ ମହାରାଷ୍ଟ୍ରର ନାସିକରୁ ମଧ୍ୟ ଲକ୍ଷାଧିକ ଟଙ୍କାର ପିଆଜ ଚୋରି ହୋଇଥିବା ଖବର ସାମ୍ନାକୁ ଆସିଛି । ଏହି ପିଆଜ ପାଇଁ ବି ଅତୀତରେ ବିଭିନ୍ନ ସରକାର ଗାଦିଚ୍ୟୁତ ହୋଇଛି । ଆଗକୁ ଏହି ପିଆଜ ବି ବିଭିନ୍ନ ସରକାରଙ୍କୁ ହଲାପଟା କରିବା ଜଳଜଳ ଦିଶିଲାଣି ।

   Related Posts