Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||
  • ସୁବର୍ଣ୍ଣପୁର : ମା’ ସୁରେଶ୍ଵରୀ ମନ୍ଦିରରୁ ଚୋରି ଘଟଣା : କାର୍ଯ୍ୟରେ ଅବହେଳା ପାଇଁ ୩ ପୋଲିସ କର୍ମଚାରୀ ସସ୍‌ପେଣ୍ଡ
  • ||
  • ଖଲ୍ଲିକୋଟ : ଜମିଜମା ବିବାଦକୁ କେନ୍ଦ୍ରକରି ଗାଁରୁ ବାସନ୍ଦ, ନ୍ୟାୟ ଦାବିରେ ଜିଲ୍ଲାପାଳ ଅଫିସ୍ ସମ୍ମୁଖରେ ଆମରଣ ଅନଶନରେ ବସିଲେ ବୃଦ୍ଧ ଦମ୍ପତ୍ତି
  • ||
  • ଭୁବନେଶ୍ବର : ଦରଦାମ୍ ବୃଦ୍ଧି ପ୍ରତିବାଦ ସହ ବିଭିନ୍ନ ପ୍ରସଙ୍ଗକୁ ନେଇ ରାଜଭବନ ସମ୍ମୁଖରେ ବିଜେଡିର ଧାରଣା
  • ||
  • ଭୁବନେଶ୍ବର : ବିଧାନସଭା ଶୀତକାଳୀନ ଅଧିବେଶନ : ଶୋକ ପ୍ରସ୍ତାବ ଆଗତ କଲେ ମୁଖ୍ୟମନ୍ତ୍ରୀ
  • ||
  • ଧର୍ମଗଡ : ଝୁଲନ୍ତା ଅବସ୍ଥାରେ ମିଳିଲା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||

ରାଜ୍ୟରେ ହୁ ହୁ ହୋଇ ବଢୁଛି ପିଆଜ ଦର, କିଲୋ ଛୁଇଁଲାଣି ୯୦ ଟଙ୍କା, କଳାବଜାରୀ ଉପରେ କାର୍ଯ୍ୟାନୁଷ୍ଠାନ ନେବାକୁ ଜିଲ୍ଲାପାଳକୁ ଯୋଗାଣ ବିଭାଗର ଚିଠି

23/10/2020 at 6:49 PM

ଭୁବନେଶ୍ଵର ୨୩।୧୦:  ରାଜ୍ୟରେ ହୁହୁ ହୋଇ ବଢ଼ୁଛି ପିଆଜ ଦର । ଅକ୍ଟୋବର ପହିଲା ବେଳକୁ ଯେଉଁ ପିଆଜ ୪୦ ଟଙ୍କାରେ ମିଳୁଥିଲା, ଏବେ ତାହା ତିନି ଅଙ୍କ ଛୁଇଁବା ଉପରେ । ନାସିକରେ ଉତ୍ପାଦନ ଠପ୍‌ ଓ ବେଙ୍ଗାଲୁରୁରେ ବର୍ଷା ଯୋଗୁଁ ଓଡ଼ିଶାରେ ପହଞ୍ଚୁନି ପିଆଜ । ଫଳରେ ଏବେ ପିଆଜ ଶବ୍ଦ ଭୁଲିବାକୁ ବସିଲେଣି ଖାଉଟି । ସେପଟେ କଳାବଜାରୀ ରୋକିବାକୁ ଶୀଘ୍ର ଆକ୍ସନ ନେବା ପାଇଁ ଜିଲ୍ଲାପାଳମାନଙ୍କୁ ଚିଠି କରିଛି ଯୋଗାଣ ବିଭାଗ ।


ପିଆଜ ପାଇଁ ସାଧାରଣତଃ ଓଡ଼ିଶା ବାହାର ରାଜ୍ୟ ଉପରେ ନିର୍ଭର କରିବାରୁ ପ୍ରତିବର୍ଷ ଏଭଳି ସମସ୍ୟାର ସାମ୍ନା କରିବାକୁ ପଡ଼ୁଛି । ନାସିକରେ ନୂଆ ପିଆଜ ଉତ୍ପାଦନ ହୋଇନଥିବା ବେଳେ ବେଙ୍ଗାଳୁରୁରେ ବର୍ଷା ଜାରି ରହିଛି । ଫଳରେ ଓଡ଼ିଶାକୁ ପିଆଜ ଆମଦାନୀ ବହୁତ କମ୍‌ ରହିଛି ବୋଲି ବ୍ୟବସାୟୀ କହିଛନ୍ତି।। ମାସ ଆରମ୍ଭରେ ୪୦ ଟଙ୍କା ଏବଂ ସପ୍ତାହ ଆଗରୁ ୫୦ ଟଙ୍କ ଥିବା ପିଆଜ ଦର ଏବେ ୮୦ରୁ ୯୦ ଟଙ୍କାରେ ପହଞ୍ଚିଛି। ଯାଜପୁରରୁ ବ୍ରହ୍ମପୁର, ପୁରୀରୁ ରାଉରକେଲା((USE 4 WIN)) । ସବୁଠି ଏବେ ସେଞ୍ଚୁରୀମୁହାଁ ପିଆଜ ।

ସେପଟେ ପିଆଜ ଛୁଙ୍କ ଦେଇ ପଲିଟିକାଲ ମାଇଲେଜ୍‌ ନେବା ପାଇଁ ଆରମ୍ଭ ହୋଇଗଲାଣି କମ୍ପିଟିସନ । ଦରବୃଦ୍ଧି ନେଇ ଆରମ୍ଭ ହୋଇଛି ବ୍ଲେମ୍‌ଗେମ୍‌ । ରାଜ୍ୟ ସରକାର କେନ୍ଦ୍ର ଦେଉଥିବା ପ୍ରାଇସ୍‌ ଷ୍ଟାବିଲାଇଜେସନ୍‌ ଫଣ୍ଡର ବ୍ୟବହାର କରୁନାହାନ୍ତି । ସେହପରି ଶୀତଳଭଣ୍ଡାର ନଥିବାରୁ ରାଜ୍ୟରେ ପିଆଜ ସଂରକ୍ଷଣ ହୋଇପାରୁନାହିଁ । ଯେଉଁଥିପାଇଁ ଏଭଳି ସମସ୍ୟା ହେଉଥିବା କହିଛି ବିଜେପି । କଂଗ୍ରେସ ମଧ୍ୟ ପିଆଜ ପ୍ରସଙ୍ଗରେ ରାଜ୍ୟ ସରକାରଙ୍କ ଉପରେ ଧୁମ୍‌ ବର୍ଷିଥିବା ବେଳେ ଏହାର ଜବାବ ରଖିଛି ବିଜେଡି ।

ଏସବୁ ଭିତରେ ପିଆଜର କଳାବଜାରୀ ଉପରେ ରୋକ୍‌ ପାଇଁ ଗତକାଲି ସବୁ ଜିଲ୍ଲପାଳଙ୍କୁ ଚିଠି ଲେଖିଥିଲା ଯୋଗାଣ ବିଭାଗ । ସେହିପରି କେନ୍ଦ୍ର ସରକାର ମଧ୍ୟ ପିଆଜର ଆମଦାନୀ ଶୁଳ୍କ ଉପରେ ଉପରେ ରିହାତି ଦେଇଛନ୍ତି । ତେବେ ପିଆଜ ଦର ଉପରେ କେବେ ଲଗାମ ଲାଗୁଛି, ତାହା ଉପରେ ନଜର ।

   Related Posts