Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||

ପିଆଜ କିଲୋ ପିଛା ୪୦ ଟଙ୍କା, କିନ୍ତୁ ଜଣଙ୍କୁ କେବଳ ଅଢ଼େଇଶହ- ଭୁବନେଶ୍ୱରରେ ପିଆଜ ରାଜନୀତି

2/12/2019 at 8:56 PM

ନୂଆଦିଲ୍ଲୀ ୦୨।୧୨ – ଶୁଖୁନି ପିଆଜ ଲୁହ । କମୁନି ଦର । ଉତ୍ପାଦନ କମିଛି । ଆବଶ୍ୟକତା ଅନୁଯାୟୀ  ମାଲ ନାହିଁ । ତେଣୁ, ନୂଆ ଅମଳ ପିଆଜ ଆସିବା ଯାଏଁ  ସରକାର କେତେବେଳେ ଇଜିପ୍ଟ ତ ପୁଣି କେତେବେଳେ ତୁର୍କୀରୁ ପିଆଜ ଆମଦାନୀ କରି ଦର ନିୟନ୍ତ୍ରଣ କରିବାକୁ ଘୋଷଣା କରୁଛନ୍ତି । ଆଉ  ଏପଟେ ପୁଣି ଯୋର ଧରୁଛି ପିଆଜ ରାଜନୀତି । ଆଜି ଏହାର ଆଉ ଏକ ଆକ୍ସନ ରିପ୍ଲେ ଦେଖିବାକୁ ମିଳିଥିଲା ରାଜଧାନୀରେ ।

ପିଆଜ କିଲୋ ପିଛା ୪୦ ଟଙ୍କା। କିନ୍ତୁ ଜଣଙ୍କୁ କେବଳ ଅଢ଼େଇଶହ । ଭୁବନେଶ୍ବରରେ ଏମିତି ହଠାତ ପିଆଜ ଦୋକାନ ଦେଖି ଲୋକେ ଭିଡ଼ ଲଗାଇଥିଲେ। ପିଆଜ ବି କିଣିଥିଲେ। କିନ୍ତୁ ଅସଲରେ ଏ ପିଆଜ ଦୋକାନ ଥିଲା କଂଗ୍ରେସର । କଂଗ୍ରେସର ଭିନ୍ନ ଧରଣର ପ୍ରତିବାଦ।  ଦେଶର ସାମ୍ପ୍ରତିକ ଆର୍ଥିକ ମାନ୍ଦାବସ୍ଥା ସମୟରେ ଦରଦାମ ବୃଦ୍ଧି ଲୋକଙ୍କ ପାଇଁ ବେଡି ଉପରେ କୋରଡ଼ା ମାଡ଼ ବୋଲି ଅଭିଯୋଗ କରିଛନ୍ତି କଂଗ୍ରେସ ନେତାଏ । ଆଉ ଏଥିପାଇଁ ମୁଖ୍ୟତଃ କେନ୍ଦ୍ରରେ ଥିବା ବିଜେପି ସରକାର ଦାୟୀ ବୋଲି ଅଭିଯୋଗ କରିଛି ଦଳ।

କମ ଉତ୍ପାଦନ ଯୋଗୁଁ ବଜାର ଚାହିଦା ମୁତାବକ ପିଆଜ ମିଳୁନି । ତେଣୁ,  ଦର ବଢିଛି । ମାତ୍ର, ପିଆଜ ବାହାନାରେ  ନିର୍ବାଚନରେ ପ୍ରତ୍ୟାଖ୍ୟାତ କଂଗ୍ରେସ ତାର ଉପସ୍ଥିତି ଜାହିର କରୁଛି ବୋଲି  ବିଜେପି କୃଷକ ମୋର୍ଚ୍ଚା ଅଭିଯୋଗ କରିଛି । ଏପଟେ, ରାଜ୍ୟ ଯୋଗାଣ ମନ୍ତ୍ରୀଙ୍କ କହିବା କଥା ବିଦେଶରୁ ପିଆଜ ଆମଦାନୀ ନେଇ କେନ୍ଦ୍ର ସରକାରଙ୍କ ସହ ଆଲୋଚନା ଚାଲିଛି । ତେବେ, ନୂଆ ବର୍ଷରେ  ନୂଆ ଅମଳ ପିଆଜ ଆସିଲା ପରେ ହିଁ ହୁଏତ ଦର ଖସିପାରେ ବୋଲି ମନ୍ତ୍ରୀ  କହିଛନ୍ତି ।

ଗୋଟିଏ ପଟେ ରାଜ୍ୟ ସରକାର କହୁଛନ୍ତି ଇଜିପ୍ଟରୁ ପିଆଜ ଆସୁଛି। ସେପଟେ କେନ୍ଦ୍ର ସରକାର କହୁଛନ୍ତି ଇଜିପ୍ଟରୁ ପିଆଜ ଆସୁଛି। ପ୍ରକୃତରେ ଇଜିପ୍ଟରୁ ପିଆଜ କିଏ ଆଣୁଛି ଓ କେବେ ଲୋକଙ୍କ ହାଣ୍ଡିଶାଳକୁ ସେ ପିଆଜ ଆସିବ ତାହା ଜଣା ପଡୁନି।  ବିଦେଶରୁ ଆସୁ କି ନୂଆ ଅମଳ ପରେ, ଲୋକେ ପିଆଜ ଦର କମିବାକୁ ଅପେକ୍ଷା କରିଛନ୍ତି ।

   Related Posts