Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲିଙ୍ଗରାଜ ମନ୍ଦିରରେ ସର୍ବସାଧାରଣ ଦର୍ଶନ ବନ୍ଦ, ବହୁ ସେବାୟତ କୋଭିଡ୍‌ ପଜିଟଭ୍‌ ଚିହ୍ନଟ
  • ||
  • କେକେଆରକୁ ୨୦୫ ରନ୍‌ର ବିଜୟ ଲକ୍ଷ ଦେଲା ଆରସିବି
  • ||
  • କରୋନା ଯୋଗୁଁ ପଶ୍ଚିମବଙ୍ଗରେ ନିଜର ସବୁ ରାଲି ବାତିଲ କଲେ ରାହୁଲ ଗାନ୍ଧୀ: ସୋସିଆଲ ମିଡ଼ିଆରେ ହେଉଛି ପ୍ରଶଂସା
  • ||
  • ଏପ୍ରିଲରେ ଭୟାବହ ରୂପ ନେଇଛି କରୋନା: ୧୮ ଦିନରେ ୨୬ ଲକ୍ଷରୁ ଅଧିକ ମାମଲା
  • ||
  • ଦାରିଙ୍ଗବାଡ଼ି : ଭାରସାମ୍ୟ ହରାଇ ବାଇକ୍ ଦୁର୍ଘଟଣାଗ୍ରସ୍ତ : ନାବାଳକ ମୃତ, ୨ ଗୁରୁତର
  • ||
  • JEE ମେନ୍‌ ୨୦୨୧ ସ୍ଥଗିତ, ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ନେସନାଲ୍ ଟେଷ୍ଟିଂ ଏଜେନ୍ସିର ନିଷ୍ପତ୍ତି
  • ||
  • କରୋନା ସଂକ୍ରମଣ ଚିନ୍ତା, ଆଗୁଆ ପଦକ୍ଷେପ : ୪ରୁ ୫ ଗୁଣ ବଢିବ ବେଡ୍ ସଂଖ୍ୟା
  • ||
  • ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୪୪ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ମିଳିଲାନି ଅମ୍ଳଜାନ, ଜୀବନ ହାରିଲେ ୬ କରୋନା ଆକ୍ରାନ୍ତ
  • ||
  • ଜୟପୁର ସବ୍ ଜେଲରେ ରେଡ୍, ଏସ୍‌ପି ଓ ଉପ ଜିଲ୍ଲାପାଳ ସାମିଲ
  • ||

ସେଇ ଦୁର୍ଘଟଣାକୁ ପୂରିଲା ବର୍ଷେ: ଯାହା ନେଇଥିଲା ୫ କୋମଳମତି ଛାତ୍ରଛାତ୍ରୀଙ୍କ ଜୀବନ, ଆଜି ସ୍କୁଲରେ ଶୋକସଭା ବେଳେ ଅଚେତ ହୋଇଗଲେ ୩ଛାତ୍ରୀ

19/07/2019 at 8:42 PM

ଭଦ୍ରକ ୧୯|୭: ଭଦ୍ରକ ଜିଲ୍ଲା ଷୋହଳ ନମ୍ବର ଜାତୀୟ ରାଜପଥର ରାହାଂଜ ନିକଟରେ ଘଟିଥିବା ମର୍ମନ୍ତୁଦ ଦୁର୍ଘଟଣାକୁ ଏକ ବର୍ଷ ପୁରିଛି । ସେଦିନ ଥିଲା ୨୦୧୮ମସିହା ଜୁଲାଇ ମାସ ୧୯ତାରିଖ । ସବୁଦିନ ପରି ସେଦିନ ବି ସ୍କୁଲ ପିଲାମାନେ ସ୍କୁଲରୁ ଘରକୁ ଫେରୁଥିଲେ । ଆଉ ଜାତୀୟ ରାଜପଥରେ ସେମାନଙ୍କ ଉପରେ ଟ୍ରକ ମାଢି ଯାଇଥିଲା । ପାଂଚ ଜଣ ଛାତ୍ର ଛାତ୍ରୀଙ୍କର ମୃତ୍ୟୁ ହୋଇଥିବା ବଳେ ଛଅ ଜଣ ଆହତ ହୋଇଥିଲେ । ସେହି ବିଦ୍ୟାଳୟରେ ଆଜି ଶୋକସଭା ପାଳନ ବଳେ ତିନି ଜଣ ଛାତୀ ଚେତା ହରାଇ ବସିଥିଲେ । 

ଭଦ୍ରକ ଜିଲ୍ଲା ରାଣୀତାଲ ହାଇସ୍କୁଲ ଆଜି ବି ଝୁରୁଛି ସେହି ସେହି ପାଂଚ ଛାତ୍ର ଛାତ୍ରୀଙ୍କୁ । ଗତ ବର୍ଷ ଆଜିର ଦିନର ସତ୍ୟବ୍ରତ ବାରିକ , ସୁକାନ୍ତ ସାହୁ , ପ୍ରିୟମ୍ବଦା ମହାନ୍ତି , ଶ୍ବେତା ସାହୁ , କଳ୍ପନା ଜେନା ଟ୍ରକ ଚକ ତଳେ ପ୍ରାଣ ହରାଇଥିଲେ । ସ୍କୁଲରୁ ଘରକୁ ଫେରିଥିଲେ , ହଲେ ଘରେ ପହଂଚିବା ଆଗରୁ ଆର ପାରିକୁ ଚାଲିଗଲେ । ପାଂଚଜଣ ପ୍ରାଣ ହରାଇଥିଲେ , ଆଉ ଆହତ ଛଅ ଜଣଙ୍କ ମଧ୍ୟରୁ ଶୀତଲ ସାହୁ ଏବେବି ଡାକ୍ତରଖାନାରେ ମୃତ୍ୟୁ ସହ ସଂଗ୍ରାମ କରୁଛି । ସାଙ୍ଗ ସାଥି ଏମାନଙ୍କୁ ଝୁରି ବାହୁନି ବାହୁନି କାନ୍ଦୁଛନ୍ତି । 

ମୃତକ ପାଂଚଜଣ ନବମ ଶ୍ରେଣୀରେ ପଢୁଥିଲେ । ଗୋଟିଏ ଦିନରେ ଉପସ୍ଥାନ ଖାତାରୁ ପାଂଚ ଜଣଙ୍କ ନାଁ କଟିଗଲା । ସେହି ଦୁର୍ଘଟଣା ପରଠୁ ପିଲାମାନେ ଜାତୀୟ ରାଜପଥରେ ପାଦ ଦେବାକୁ ଡରୁଛନ୍ତି । ପୁଅ ଝିଅକୁ ହରାଇ ବାପା ମାଆ ନିସ୍ବ ହୋଇଯାଇଛନ୍ତି । ଆଖିରୁ ଲୁହ ଶୁଖୁନାହିଁ । 

ଆଜି ବିଦ୍ୟାଳୟରେ ଶୋକସଭା , ସମସ୍ତଙ୍କ ଆଖିରେ ଲୁହ । ଗତ ବର୍ଷ ଆଜିର ଦିନରେ ଦ୍ରୁତଗାମୀ ଟ୍ରକ ପିଲାଙ୍କ ରକ୍ତରେ ହୋଲି ଖେଳିଥିଲା । ସେହି ଲୋମହର୍ଷଣକାରୀ କଥା ମନେ ପଡିଯିବାରୁ ତିନି ଜଣ ଛାତ୍ରୀ ଚେତା ଶୂନ୍ୟ ହୋଇଗଲେ । ପିଲାମାନେ ତ ଧୈର୍ଯ୍ୟ ଧରି ପାରୁ ନାହାଁନ୍ତି , ଶିକ୍ଷକ ଶିକ୍ଷୟତ୍ରୀ ବି ନିଜକୁ ପ୍ରକୃତିସ୍ଥ କରିପାରୁ ନାହାଁନ୍ତି । ..

   Related Posts