ମହାକାଳପଡା ୦୫।୧୨: ବାରହା ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ଅଭିଯୋଗ । କେନ୍ଦ୍ରାପଡା ଜିଲ୍ଲା ତନ୍ତିଆପାଳ ଥାନା ଗହୀରମଥା ସାମୁଦ୍ରିକ ରେଞ୍ଜ ଅଧିନ ନରସିଂହପୁର ଗାଁରେ ଘଟିଛି ଘଟଣା । ମୃତ ମହିଳାଙ୍କ ନାମ ଭାରତୀ ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ଗତକାଲି ରାତିରେ ଗାଁ ମଧ୍ୟକୁ ବାରହା ପଲ ଚାଷ ଜମିକୁ ପଶିଆସିଥିଲେ । ଗ୍ରାମବାସୀ ବାରହାକୁ ଘଉଡାଇବାରୁ ବାରହାମାନେ ଜଙ୍ଗଲକୁ ଚାଳିଯାଇଥିଲେ । କିନ୍ତୁ ଗୋଟିଏ ବାରହା ଗାଁ ମଧ୍ୟରେ ଲୁଚି ରହିଯାଇଥିଲା, ସେହି ରାସ୍ତାରେ ଭାରତୀ ଆସୁଥିବାର ଦେଖି ବାରହାଟି ଆକ୍ରମଣ କରିଥିଲା । ଭାରତୀଙ୍କୁ ଗୁରୁତର ଅବସ୍ଥାରେ ରାଜନଗରରେ ମେଡିକାଲେ ଭର୍ତ୍ତି କରାଯାଇଥିଲା ।ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି । ପୋଲିସ ମୃତଦେହକୁ ଜବତ କରି ଶବ ବ୍ୟବେଚ୍ଛଦ ପାଇଁ ପଠାଇଛି । ବନ ବିଭାଗ ନିକଟରେ ବାରମ୍ବାର ଅଭିଯୋଗ କରିବା ପରେ କୌଣସି ପଦକ୍ଷେପ ନିଆଯାଉନଥିବା ଗ୍ରାମବାସୀମାନଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି ।