Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଣତନ୍ତ୍ର ଦିବସ ପୂର୍ବରୁ ଦିଲ୍ଲୀ ପୋଲିସକୁ ବଡ ଧରଣର ସଫଳତା, ଅବୈଧ ଅସ୍ତ୍ରଶସ୍ତ୍ର ସହ ୨ଜଣ ଗିରଫ
  • ||
  • ଗଣତନ୍ତ୍ର ଦିବସରେ ୩୮୪ଜଣଙ୍କୁ ମିଳିବ ବୀରତା ପୁରସ୍କାର, ଘୋଷଣା କଲେ ରାଷ୍ଟ୍ରପତି
  • ||
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||

ଏସଟିଏଫ ପଞ୍ଜାରେ ଖୋର୍ଦ୍ଧାର ଆଉ ଏକ ଖଣି ମାଫିଆ ନିତୁ ମାନସିଂହ, ଗୁଳିକାଣ୍ଡ ସହ ବୋମାମାଡ ଓ ଅନ୍ୟ ଘଟଣାରେ ସମ୍ପୃକ୍ତ ଥିବା ଅଭିଯୋଗ

8/07/2019 at 6:33 PM

ଭୁବନେଶ୍ବର ୮।୭: କ୍ରାଇମବ୍ରାଞ୍ଚ ସ୍ପେସାଲ ଟାସ୍କ ଫୋର୍ସ ଜାଲରେ ଫସିଲା ଆଉ ଏକ ଖଣି ମାଫିଆ ନିତୁ ମାନସିଂହ । କାର ଯୋଗେ ବୋଲଗଡ ଯାଉଥିବା ବେଳେ  ସୁନାଖଳା ନିକଟରେ  ନିତୁକୁ ସୋମବାର କାବୁ କରିଛି ଏସଟିଏଫ୍। ତେବେ ସାଙ୍ଗରେ ଥିବା ସାନ ଭାଇ ଜିତୁ ମାନସିଂହ କୌଶଳକ୍ରମେ ଫେରାର ହେବାରେ ସଫଳ ହୋଇଛି।  ଦୁଇ ଭାଇ ତାପଙ୍ଗ ଓ ବେଗୁନିଆ ଅଞ୍ଚଳରେ ବେଆଇନ ପଥରଖଣି, କୁଆଁରୀ ଆଦି  ଚଳାଇବା ସହ ପଥର ଚୋରା ଚାଲାଣ କରୁଥିଲେ।

ଉଭୟ ଜଗନ୍ନାଥ ମନ୍ଦିର ଓ ଖୋର୍ଦ୍ଧା ଅଞ୍ଚଳରେ ଥିବା ବିଭିନ୍ନ ପଥର ପାହାଡରେ ଦୀର୍ଘ ଦିନରୁ ଆତଙ୍କ ଖେଳାଇ ଆସୁଥିଲେ। ସେମାନଙ୍କ ବିରୋଧରେ  ଖୋର୍ଦ୍ଧା ଜିଲ୍ଲାର ବିଭିନ୍ନ ଥାନାରେ ୨ଟି ଗୁଳିକାଣ୍ଡ ସମେତ ଗୋଟିଏ ବୋମାମାଡ, କାରପୋଡି ଓ ଅନ୍ୟାନ୍ୟ ମୋକଦ୍ଦମା ରହିଛି। ଅନେକ ଦିନରୁ ପୋଲିସ ସେମାନଙ୍କ ପାଇଁ ଜାଲ ବିଛାଇଥିଲା। ହେଲେ ପଥର ଖଣି ମାଫିଆ ପୋଲିସର ଚାଲାକି ଜାଣି ସେମାନଙ୍କ ନୀତି ବଦଳାଇ ଦେଉଥିଲେ। ନିକଟରେ କ୍ରାଇମବ୍ରାଞ୍ଚ ଏସଟିଏଫ ପକ୍ଷରୁ ଖୋର୍ଦ୍ଧାରେ ହୋଇଥିବା ଏନକାଉଣ୍ଟର ଏବେ ଖଣିମାଫିଆଙ୍କ ନିଦ ହଜେଇ ଦେଇଛି।

ଏହି କ୍ରମରେ ଏସଟିଏଫ ନିତୁ ଓ ଜିତୁଙ୍କୁ ଟାର୍ଗେଟ କରିଥିବା ବେଳେ ସେମାନେ କାର ଯୋଗେ ବୋଲଗଡ ଯାଉଥିବା ରାସ୍ତାରେ ସୁନାଖଳା ନିକଟରୁ ଧରାପଡିଛନ୍ତି। ନିତୁକୁ ଏସଟିଏଫ ଗିରଫ କରିବା ସହ ବ୍ୟବହାର କରୁଥିବା କାରକୁ ଜବତ କରିଛି। ତେବେ ଜିତୁ ଖୁବ୍ ଶୀଘ୍ର ଧରାପଡିବ ବୋଲି କହିଛି ଏସଟିଏଫ। ଗିରଫ ପରେ ନିତୁ ଖୋର୍ଦ୍ଧା ପୋଲିସ ଜିମା ଦିଆଯାଇଛି।   

   Related Posts