Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

BDAରେ କରୋନା, ସିକ୍ୟୁରିଟି ଗାର୍ଡ ସଂକ୍ରମିତ : ଏବେ ସତର୍କତା‌

27/06/2020 at 10:23 AM

ଭୁବନେଶ୍ୱର ୨୭।୦୬ : ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ଅଫିସରେ କରୋନା ଭୟ । ଜଣେ ସିକ୍ୟୁରିଟି ଗାର୍ଡ ପଜିଟିଭ୍‌ ଚିହ୍ନଟ ହେବା ପରେ ପୂରା ଅଫିସରେ କୋକୁଆ ଭୟ ଖେଳିଯାଇଛି । ସନ୍ଧ୍ୟାରେ ସମ୍ପୂର୍ଣ୍ଣ ଅଫିସକୁ ବିଶୋଧନ କରାଯାଇଛି । ଆସନ୍ତା ଦୁଇଦିନ ଛୁଟି ଥିବାରୁ କର୍ମଚାରୀମାନଙ୍କୁ ଘରେ ରହିବାକୁ କୁହାଯାଇଛି ।  

ଶୁକ୍ରବାର ଅପରାହ୍ନ ପ୍ରାୟ ସାଢେ ୪ଟା ବେଳେ କେଶରୀ ହଲ୍‌ ପାଖରେ ଏକ ଆମ୍ବୁଲାନ୍ସ ଲାଗିଲା । ପିପିଇ କିଟ୍‌ ପିନ୍ଧିଥିବା ମେଡିକାଲ ଟିମ୍‌ ବିଡିଏ ଅଫିସରୁ ଜଣେ ସିକ୍ୟୁରିଟି ଗାର୍ଡଙ୍କୁ ଡକାଇଲେ । ପଜିଟିଭ୍‌ ଚିହ୍ନଟ ହୋଇଥିବାରୁ ସିକ୍ୟୁରିଟି ଗାର୍ଡଙ୍କୁ ଆମ୍ବୁଲାନ୍ସରେ କୋଭିଡ୍‌ ହସ୍ପିଟାଲ ନିଆଗଲା । ଏହି ସିକ୍ୟୁରିଟି ଗାର୍ଡ ଜଣଙ୍କ ଦ୍ୱିତୀୟ ମହଲାରେ ଥିବା ପ୍ଲାନିଂ ସେକ୍ସନ୍‌ ଗେଟ୍‌ ଆଗରେ ଡ୍ୟୁଟି କରୁଥିଲେ । ନିକଟରେ ସେ ଆଖି ଅପରେସନ ପାଇଁ କ୍ୟାପିଟାଲ ହସ୍ପିଟାଲ ଯାଇଥିଲେ । ସେଠାରେ ଅପରେସନ ପୂର୍ବରୁ କୋଭିଡ୍‌ ଟେଷ୍ଟ କରାଯାଇଥିଲା । ରିପୋର୍ଟ ପଜିଟିଭ୍‌ ଆସିଛି ।  

ଏହି ଖବର ପ୍ରଚାର ହେବା ପରେ ବିଡିଏ ଅଫିସର ସମସ୍ତ କର୍ମଚାରୀଙ୍କୁ ଅଫିସ ଖାଲି କରିବାକୁ କୁହାଯାଇଥିଲା । ପରେ ପୂରା ଅଫିସକୁ ସାନିଟାଇଜ୍‌ କରାଯାଇଥିଲା । ବିଡିଏ କର୍ତ୍ତୃପକ୍ଷ କହିଛନ୍ତି, ଏହି ସିକ୍ୟୁରିଟି ଗାର୍ଡ ଜଣକ ବିଡିଏ କର୍ମଚାରୀ ନୁହନ୍ତି । ସେ କେବଳ ଗେଟ୍‌ ପାଖରେ ରହୁଥିଲେ । ଦୁଇ ଦିନ ସଟ୍‌ଡାଉନ ପାଇଁ ଛୁଟି ରହିଛି । କର୍ମଚାରୀ ଅଫିସ ଆସିବେନି । ତେଣୁ ଅଫିସ୍‌ ସିଲ୍‌ କରିବାର ଆବଶ୍ୟକତା ନାହିଁ ।  

କର୍ତ୍ତୃପକ୍ଷଙ୍କ ଆଶ୍ୱସ୍ତି ସତ୍ତେ୍ୱ କର୍ମଚାରୀଙ୍କ ମନରୁ ଭୟ ଯାଉନି । ବିଡିଏ ଅଫିସରେ ୪୦୦ରୁ ଅଧିକ କର୍ମଚାରୀ ଥିବାବେଳେ ପ୍ଲାନିଂ ସେକ୍ସନ୍‌ରେ ପାଖାପାଖି ୪୦ ଜଣ କାମ କରନ୍ତି । ଏହି ବିଭାଗକୁ ପ୍ରତିଦିନ ଆର୍କିଟେକ୍‌, ବିଲ୍ଡରଙ୍କ ସମେତ ସାଧାରଣ ଲୋକ ମଧ୍ୟ ଆସିଥାନ୍ତି । ଭିତରକୁ ପ୍ରବେଶ କରିବା ପୂର୍ବରୁ ସିକ୍ୟୁରିଟି ଗାର୍ଡ ସେମାନଙ୍କୁ ସ୍କ୍ରିନିଂ କରି ଛାଡ଼ନ୍ତି । ତାହାକୁ ନେଇ ଚିନ୍ତା ବଢ଼ିଯାଇଛି ।  ସିକ୍ୟୁରିଟି ଗାର୍ଡ କେଉଁ ଉତ୍ସରୁ ସଂକ୍ରମିତ ହେଲେ, ତାହା ଏଯାଏଁ ଜଣାପଡ଼ିନି । ଅପରପକ୍ଷରେ ତାଙ୍କ ସଂସ୍ପର୍ଶରେ କେଉଁମାନେ ଆସିଛନ୍ତି, ତାହାର ଖୋଳତାଡ଼ ଚାଲିଛି ।

   Related Posts