ତେହେରାନ - ଇରାନ୍ ଓ ଆମେରିକା ମଧ୍ୟରେ ଯୁଦ୍ଧ ପରିସ୍ଥିତି ଅଧିକ ଘନୀଭୂତ ହେବାରେ ଲାଗିଛି । ଆମେରିକାର ଆକ୍ରମଣରେ ଇରାନ୍ ସେନା ମୁଖ୍ୟ କାସିମ ସୁଲମାନୀଙ୍କର ମୃତ୍ୟୁ ପରେ ଉଭୟ ଉତ୍ତେଜନା ମୂଳକ ବକ୍ତବ୍ୟ ଦେବାରେ ଲାଗିଛନ୍ତି । ଇରାନର ମସ୍ଜିଦ୍ ଉପରେ ଯୁଦ୍ଧ ସୂଚନା ପାଇଁ ଲାଲ୍ ପତାକା ଲଗାଯାଇଛି ।
ଇରାନ୍ର ଏକ ସଂସ୍ଥା ଟ୍ରମ୍ପଙ୍କର ମୁଣ୍ଡ କାଟ କଲେ ୫୭୬ କୋଟି ଭାରତୀୟ ମୁଦ୍ରା ବା ୮୦ ମିଲିୟନ ଆମେରିକୀୟ ଡଲାର ଦେବ ବୋଲି ଘୋଷଣା କରିଛି ।
ଏହା ସଂସ୍ଥା ଇରାନ୍ର ସମସ୍ତ ନାଗରିକଙ୍କୁ ଗୋଟିଏ ଲେଖାଏଁ ଡଲାର ଦେବା ପାଇଁ ଅନୁରୋଧ କରିଛି ।
{"sizeSlug":"large"}ଗତ ଶୁକ୍ରବାରରେ ଆମେରିକା ଆକ୍ରମଣରେ ବାଗଦାଦ ଅନ୍ତର୍ଜାତୀୟ ବିମାନ ବନ୍ଦରରେ ଇରାନର କୁର୍ଦୁସ ସେନା ମୁଖ୍ୟ ବା ରେଭଲ୍ୟୁସନାରି ଗାର୍ଡ କମାଣ୍ଡର କାସିମ ସୁଲେମାନୀଙ୍କର ମୃତ୍ୟୁ ହୋଇଥିଲା । ଆମେରିକାର ପକ୍ଷରୁ ଡ୍ରୋନ ଆକ୍ରମଣ କରାଯାଇଥିଲା । ଏହି ଆକ୍ରମଣରେ ଅନ୍ୟ ୬ ଜଣଙ୍କର ମୃତ୍ୟୁ ହୋଇଥିଲା ।
ଏହାପରେ ଇରାନ ପକ୍ଷରୁ ବାଗଦାଦ ସ୍ଥିତ ଆମେରିକା ଦୂତାବାସ ଉପରେ ରକେଟ୍ ମାଡ କରାଯାଇଥିବା ଅଭିଯୋଗ ହୋଇଛି । ଆମେରିକା ରାଷ୍ଟ୍ରପତି ଟ୍ରମ୍ପ ଇରାନ୍ର ୫୨ଟି ଅତି ଗୁରୁତ୍ୱପୂର୍ଣ୍ଣ ସ୍ଥାନ ଏବେ କ୍ଷେପଣାସ୍ତ୍ର ଟାର୍ଗେଟରେ ରହିଛି । ଆମେରିକାର ଅତ୍ୟାଧୁନିକ ଅସ୍ତ୍ରଶସ୍ତ୍ରର ମୁକାବିଲା ଇରାନ କରିପାରିବ ନାହିଁ । ଆମେରିକା କିମ୍ବା ଏହାର ନାଗରିକଙ୍କୁ ଆକ୍ରମଣ କରିବାର ଦୁଃସାହାସ କଲେ ଏହାର ପରିଣାମ ଭୟଙ୍କର ହେବ ବୋଲି ଟ୍ରମ୍ପ ସୂଚନା ଦେଇଛନ୍ତି ।
ଏହାକୁ ଏକ ଚେତାବନୀ ବୋଲି ଟ୍ରମ୍ପ କହିଛନ୍ତି । ମାତ୍ର ଇରାନ୍ ଏହାର ଦୃଢ ଜବାବ ଦେବ ବୋଲି କହିଛି । କାସିମଙ୍କର ହତ୍ୟାର ଜବାବ ଦିଆଯିବ ବୋଲି ଇରାନ୍ ଦାବି କରିଛି ।