ରାଞ୍ଚି ୩।୧୧: କେନ୍ଦ୍ରୀୟ ରିଜର୍ଭ ସୁରକ୍ଷା ବଳ ଓ ପୋଲିସର ମିଳିତ ଅପରେସନରେ ଜଣେ ନକ୍ସଲର ମୃତ୍ୟୁ ହୋଇଛି । ଘଟଣାସ୍ଥଳରୁ ବିପୁଳ ପରିମାଣର ନକ୍ସଲ ସାମଗ୍ରୀ ଜବତ କରିଛି ପୋଲିସ ।
{"id":178339}ସୂଚନାଯୋଗ୍ୟ ଯେ, ଝାଡ଼ଖଣ୍ଡର ଚତରା ଜିଲ୍ଲାର ସୀମାରେ ଥିବା ଲାବାଲୋଗ ଥାନା ଅଞ୍ଚଳର ନାବାଡିହି ଜଙ୍ଗଲରେ କେନ୍ଦ୍ରୀୟ ରିଜର୍ଭ ସୁରକ୍ଷା ବଳ ଓ ପୋଲିସର ମିଳିତ ସର୍ଚ୍ଚ ଅପରେସନରେ ତୃତୀୟ ପ୍ରସ୍ତୁତି କମିଟି (ଟିପିସି)ର ଜଣେ ନକ୍ସଲ ପ୍ରାଣ ହରାଇଛି ।ଘଟଣାସ୍ଥଳରୁ ସେନା ଓ ପୋଲିସକୁ ଗୋଟିଏ ଏକେ-୪୭ , ଜୀବନ୍ତ ଗୁଳି, ଗୋଟିଏ ଏସଏଲଆର, ଗୋଟିଏ ଥ୍ରୀ ନଟ୍ ଥ୍ରୀ ରାଇଫଲ, ୫ଟି ମୋବାଇଲ ଫୋନ ସହ ବହୁ ସାମଗ୍ରୀ ଜବତ କରିବା ସହ ଜଙ୍ଗଲରେ ସର୍ଚ୍ଚ ଅପରେସନ ଜାରି ରଖିଛି । ମୃତ ନକ୍ସଲର ପରିଚୟ ମିଳିପାରିନାହିଁ ।