ବୌଦ୍ଧ ୨୫।୦୮ : ସାପ କାମୁଡ଼ାରେ ଜଣଙ୍କର ମୃତ୍ୟୁ ହୋଇଛି । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ମଥୁରା ପଞ୍ଚାୟତ ମଥୁରା ଗାଁରେ ଘଟିଛି ଘଟଣା । ମୃତ ଯୁବକ ଓ୍ୱାରକଲ୍ ମେହେର ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ମଥୁରା ଗାଁ ଗଣେଶ ମେହେରଙ୍କ ପୁତ୍ର ୱାରକଲ୍ ମେହେର ଗତକାଲି ରାତିରେ ଖାଇପିଈ ଶୋଇଥିଲେ । କିନ୍ତୁ ବିଳମ୍ବିତ ରାତି ପ୍ରାୟ ୨ଟା ସମୟରେ ଏକ ବିଷଧର ସାପ କାମୁଡି ଦେଇଥିଲା । ଯାହାଫଳରେ କି ସେ ଚିତ୍କାର କରିଥିଲେ । ପରିବାର ଲୋକେ ତୁରନ୍ତ ଲାଗି ନିକଟସ୍ଥ ମେଡିକାଲରେ ଭର୍ତ୍ତି କରିଥିଲେ । ଓ୍ୱାରକଲ୍ଙ୍କୁ ଗୁରୁତର ଆଜି ସକାଳ ପ୍ରାୟ ୫ଟା ସମୟରେ ପରିବାର ଲୋକ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ । ତେବେ କିଛି ସମୟ ପରେ ତାଙ୍କର ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ଡାକ୍ତର ଘୋଷଣା କରିଛନ୍ତି ।
