ସମ୍ୱଲପୁର ୦୬।୦୭: ପୂର୍ବ ଶତ୍ରୁତାକୁ କେନ୍ଦ୍ର କରି ସମ୍ବଲପୁରରେ ଛୁରାମାଡ । ଅଇଁଠାପାଲି ଥାନା କରମଟୁଲି ଅଞ୍ଚଳରେ ଏହି ଘଟଣା ଘଟିଛି । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ଅଛନ୍ତି । ମୃତକ ଜଣକ ହେଲେ ସୋନୁ ଖଡିଆ ଓ ଗୁରୁତର ଜଣକ ହେଲେ ଉମେଶ ଓରାମ ।
{"id":296671,"sizeSlug":"large"}ସୂଚନାଯୋଗ୍ୟ ଯେ, ଗତକାଲି ବିଳମ୍ବିତ ରାତିରେ ସୋନୁ ଖଡିଆ ଓ ଉମେଶ ଓରାମ ଉପରକୁ ଅଭିଯୁକ୍ତମାନେ ଗୋଡାଇ ଗୋଡାଇ ଛୁରାମାଡ କରିଥିଲେ । ଫଳରେ ଘଟଣାସ୍ଥଳରେ ସୋନୁ ଓ ଉମେଶ ଗୁରୁତର ହୋଇପଡିଥିଲେ । ସ୍ଥାନୀୟ ଲୋକ ଗୁରୁତରଙ୍କୁ ଉଦ୍ଧାର କରି ପ୍ରଥମେ ଅଇଁଠାପାଲି ଗୋଷ୍ଠୀ ସ୍ବାସ୍ଥ୍ଯ କେନ୍ଦ୍ର ଓ ପରେ ବୁର୍ଲା ସ୍ଥାନାନ୍ତର କରିଥିଲେ | ତେବେ ବୁର୍ଲାରେ ସୋନୁଙ୍କ ମୃତ୍ୟୁ ହୋଇଥିବା ବେଳେ ଉମେଶଙ୍କ ଅବସ୍ଥା ଗୁରୁତର ରହିଛି | ଘଟଣାର ପୋଲିସ ତଦନ୍ତ ଆରମ୍ଭ କରିଛି ।