ଘଟଗାଁ ୩୦।୧: କେନ୍ଦୁଝର ଜିଲ୍ଲା ଘଟଗାଁ ଅନ୍ତର୍ଗତ ବାଲିପୋଖରୀ ଗ୍ରାମ ନିକଟରେ ବାଇକ୍ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି ।
ସୂଚନାଯୋଗ୍ୟ ଯେ, ବାଲିପୋଖରୀ ଗ୍ରାମର ନିହାର ରଞ୍ଜନ ମହାନ୍ତ ଓ ତାଙ୍କ ସାଥି ମଣ୍ଟୁ ମହାନ୍ତ ମେଡ଼ିସିନ ପାଇଁ ବରାହାଟିପୁରା ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା । ଦୁର୍ଘଟଣା ପରେ ସ୍ଥାନୀୟ ଲୋକେ ଆମ୍ବୁଲାନ୍ସକୁ ଖବର ଦେଇଥିଲେ । ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରି ଘଟଗାଁ ସ୍ବାସ୍ଥ୍ୟକେନ୍ଦ୍ରରେ ନେଇଥିଲା । ହେଲେ ଡାକ୍ତର ସେଠାରେ ନିହାରଙ୍କୁ ମୃତ ଘୋଷଣା କରିଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
