ଢେଙ୍କାନାଳ, ୪/୧୧: ଦୀପାବଳୀରେ ଘଟିଛି ଅଘଟଣ । ଢେଙ୍କାନାଳ ସଦର ଥାନା ଅନ୍ତର୍ଗତ ବାରଦା ଗ୍ରାମରେ ବୋମା ଫୁଟି ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇଜଣ ଗୁରୁତର ହୋଇଛନ୍ତି । ମୃତକ ହେଲେ ବାରଦା ଗ୍ରାମର ମହେଶ୍ଵର ମହାରଣା । ଗୁରୁତର ଦୁଇଜଣ ଉକ୍ତ ଗ୍ରାମର ବିରେନ ନାୟକ ଓ ପ୍ରସନ୍ନ ବ୍ରହ୍ମ ବୋଲି ଜଣାପଡିଛି । ଉଭୟଙ୍କ ଅବସ୍ଥା ସଙ୍କଟାପନ୍ନ ରହିଛି । ତେବେ ବାରଦା ଗ୍ରାମ ସ୍କୁଲ ପଡ଼ିଆରେ ଏହି ବମ ବିସ୍ପୋରଣ ଘଟିଥିବାରୁ କୌଣସି ଘରଦ୍ୱାର କିଛି କ୍ଷୟ କ୍ଷତି ହୋଇନଥିବା ସୂଚନା ମିଳିଛି ।
ମାତ୍ର ଏହି ଅଂଚଳରେ ଜଙ୍ଗଲୀ ବାରହା ମାନଙ୍କ ଉପଦ୍ରବ କରିଥିବାରୁ ଉକ୍ତ ଯୁବକମାନେ ବାର ହା ଦାଉରୁ ଫସଲ ସୁରକ୍ଷା ନେଇ ଫୁଟାଇବାକୁ ଏହି ବମ ନେଇ ଯାଉଥିବା ବେଳେ ଅସାବଧାନତା ବଶତଃ ଖସିପଡି ବିସ୍ପୋରଣ ଘଟିଥିବା ସନ୍ଦେହ କରାଯାଇଛି । ତେବେ ଦୀପାବଳି ଅବସରରେ ବାଣ ଫୁଟାଇବା ଉପରେ କଡା କଟକଣା ରହିଥିବାବେଳେ କିପରି ଓ କେଉଁ ପରିସ୍ଥିତିରେ ଏହି ବିସ୍ପୋରଣ ଘଟିଲା ସେ ନେଇ ସଦର ଥାନା ପୁଲିସ ତଦନ୍ତ ଆରମ୍ଭ କରିଛି ।