ଭୁବନେଶ୍ୱର ୦୬।୦୬: ତମାଣ୍ଡୋ ଥାନା ଅନ୍ତର୍ଗତ ଗୋହିରିଆ ଛକରେ ମର୍ମନ୍ତୁଦ ଦୁର୍ଘଟଣା । ଟ୍ରାଫିକ କନଷ୍ଟେବଳଙ୍କୁ ଧକ୍କା ଦେଲା ଟ୍ରକ । ଦୁର୍ଘଟଣାରେ କନଷ୍ଟେବଳଙ୍କ ମୃତ୍ୟୁ ହୋଇଛି। ମୃତ କନେଷ୍ଟବଳଙ୍କ ନାମ ଗୌରାଙ୍ଗ ପୃଷ୍ଟି ବୋଲି ଜଣାପଡିଛି ।
ଖବର ଅନୁଯାୟୀ, ଜଟଣୀ ଗେଟ୍ ନିକଟରୁ ନିଜ ଡ୍ୟୁଟି ସାରି ଘରକୁ ଫେରୁଥିବା ଦୁର୍ଘଟଣା ଘଟିଥିଲା । ତମାଣ୍ଡୋ ଥାନା ଗୋହିରିଆ ଛକ ନିକଟରେ ଏକ ଟ୍ରକ ଆସି ତାଙ୍କୁ ଧକ୍କା ଦେଇଥିଲା । ଯାହାଫଳରେ ସେ ଗୁରୁତର ଅବସ୍ଥାରେ ପଡିରହିଥିଲେ । ସେଠାରୁ ତାଙ୍କୁ ଉଦ୍ଧାର କରି ମେଡିକାଲ ନେବା ବାଟରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା ।
