ମାଥିଲି ୧୩।୦୪: ଖେଳୁଥିବା ବେଳେ ପୋଖରୀରେ ଖସି ଗଲା ପାଦ । ଚାଲିଗଲା ୬ବର୍ଷ ଶିଶୁର ଜୀବନ । ମୃତକ ଡାଇଗୁଡ଼ା ଗାଁର ହରି ଭୂମିଆଙ୍କ ପୁଅ ଯିତୁ ଭୂମିଆ ବୋଲି ଜଣାପଡିଛି । ମାଲକାନଗିରି ଜିଲ୍ଲା ମାଥିଲି ବ୍ଲକ ଡାଇଗୁଡ଼ା ଗାଁରେ ଘଟିଛି ଘଟଣା ।
ଖବର ଅନୁଯାୟୀ, ଘର ପାଖରେ ଥିବା ପୋଖରୀ ନିକଟରେ ଜିତୁ ଖେଳୁଥିବା ବେଳେ ହଠାତ୍ ଗୋଡ଼ ଖସି ପଡିଯାଇଥିଲେ । ପୋଖରୀରେ ଗଭୀର ପାଣି ଥିବାରୁ ଜିତୁ ବାହାରିବାରେ ସକ୍ଷମ ହୋଇନଥିଲେ । ନିକଟରେ ଥିବା ଲୋକେ ଖବରପାଇ ଜିତୁକୁ ଉଦ୍ଧାର କରି ମାଥିଲି ମେଡିକାଲରେ ଭର୍ତ୍ତି କରିଥିଲେ । କିନ୍ତୁ ସେଠାରେ ଡାକ୍ତର ଜିତୁକୁ ମୃତ୍ୟୁ ଘୋଷଣା କରିଥିଲେ । ଜିତୁର ମୃତ୍ୟୁ ପରେ ପରିବାରରେ ଶୋକର ଛାୟା ଖେଳିଯାଇଛି ।
