ଆନନ୍ଦପୁର ୧୪।୦୯: କେନ୍ଦୁଝର ଜିଲ୍ଲା ଦେଇ ଯାଇଥିବା ୨୦ନଂ ଜାତୀୟ ରାଜପଥ ନିକଟ ଧକୋଠା ଓଭର ବ୍ରିଜ୍ ନିକଟରେ ସଡ଼କ ଦୁର୍ଘଟଣା । ଟ୍ରକ ଓ ବାଇକ ମଧ୍ୟରେ ମୁହାଁମୁହାଁ ଧକ୍କା ହୋଇଛି । ଯାହାଫଳରେ ବାଇକ ଆରୋହୀଙ୍କ ମୃତ୍ୟୁ ହୋଇଯାଇଛି । ମୃତକ ଭଦ୍ରକ ଜିଲ୍ଲା ଧୁଷୁରୀ ଥାନା ଅନ୍ତର୍ଗତ ତଳଦୁମୁକା ଗାଁର ସୁଧାଂଶୁ ନାୟକ ବୋଲି ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ସୁଧାଂଶୁ କେନ୍ଦୁଝରରେ ଏକ ସଂସ୍ଥାରେ କାମ କରନ୍ତି । ସେ ବାଇକ ଯୋଗେ ନିଜ କାର୍ଯ୍ୟସ୍ଥଳୀକୁ ଯୋଗ ଦେବା ପାଇଁ ଯାଉଥିବା ସମୟରେ ଟ୍ରକ ଧକ୍କାରେ ତାଙ୍କ ଜୀବନ ଚାଲିଯାଇଛି । ଦୁର୍ଘଟଣାର ଖବର ପାଇ ଘସିପୁର ଥାନା ପୋଲିସ ଘଟଣାସ୍ଥଳର ପହଞ୍ଚି ମୃତଦେହ ଜବତ କରିଛି । ତେବେ ଧକୋଠା ଓଭର ବ୍ରିଜ ଠାରେ ରାସ୍ତା କମ ସରିନଥିବାରୁ ବାରମ୍ବାର ଏପରି ଦୁର୍ଘଟଣା ଘଟି ଲୋକଙ୍କ ମୃତ୍ୟୁ ହେଉଛି ।
