ଚାନ୍ଦବାଲି ୨୭।୦୭: ପୋଖରୀରେ ବୁଡ଼ି ବୃଦ୍ଧ ମୃତ । ମୃତକଙ୍କ ନାମ ବୈଷ୍ଣବ ବେହେରା ବୋଲି ଜଣାପଡିଛି । ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ନାଲଗୁଣ୍ଡା ପଞ୍ଚାୟତରେ ଘଟିଛି ଘଟଣା । ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି ।
ଖବର ଅନୁଯାୟୀ, ନାଲଗୁଣ୍ଡାର ବୈଷ୍ଣବ ବେହେରା ମଙ୍ଗଳବାର ଭୋର ସମୟରେ ଶୌଚ ହେବାକୁ ଗାଁ ପୋଖରୀକୁ ଯାଇଥିଲେ । ହେଲେ ସେଠାରେ ସେ ବୁଡିଯାଇଥିଲା । ବହୁ ସମୟ ଘରକୁ ନଫେରିବାରୁ ପରିବାର ଲୋକେ ବହୁ ଖୋଜାଖୋଜି କରିଥିଲା । ଶେଷରେ ମୃତ ଅବସ୍ଥାରେ ପୋଖରୀରୁ ଠାବ କରିଥିଲେ । ଏନେଇ ମୃତକଙ୍କ ପରିବାର ପକ୍ଷରୁ ଚାନ୍ଦବାଲି ଥାନାରେ ଲିଖିତ ଅଭିଯୋଗ କରାଯାଇଥିଲା । ପୋଲିସ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ପଠାଇଛି । ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ।
