Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ମାତ୍ର ୮ଶହ ଟଙ୍କା ଉଧାର ପାଇଁ ଗଲା ଜୀବନ, ମହିଳା ମଣ୍ଡଳ ସଭାନେତ୍ରୀଙ୍କ ପୁଅ ମାଡରେ ଜଣଙ୍କର ମୃତ୍ୟୁ

16/04/2021 at 4:23 PM

ବାଲିପାଟଣା ୧୬।୪: ୮୦୦ ଟଙ୍କା ପାଇଁ ଚାଲିଗଲା ଜୀବନ । ଏଭଳି ଅଭାବନୀୟ ଘଟଣା ଘଟିଛି ରାଜଧାନୀ ଉପକଣ୍ଠ ବାଲିପାଟଣା ଥାନା ଆଳୋଇ ଗ୍ରାମରେ । ମହିଳା ମଣ୍ଡଳର ଉଧାର ଟଙ୍କାକୁ ନେଇ ଏଭଳି ଘଟଣା ଘଟିଛି । ମହିଳା ମଣ୍ଡଳର ସଭାନେତ୍ରୀଙ୍କ ପୁଅଙ୍କ ମାଡରେ ଜଣେ ବ୍ୟକ୍ତିଙ୍କର ଜୀବନ ଯାଇଛି । ଏ ନେଇ ବାଲିପାଟଣା ଥାନାରେ ଲିଖିତ ଅଭିଯୋଗ ହୋଇଛି ।

ସୂଚନାଯୋଗ୍ୟ ଯେ, ଆଳୋଇ ଗ୍ରାମର ଗଣେଶ ସାହୁଙ୍କ ସ୍ତ୍ରୀ କବିତା ସାହୁ ମହିଳା ମଣ୍ଡଳରୁ ୮୦୦ ଟଙ୍କା ଋଣ ଆଣିଥିଲେ । ଋଣ ଟଙ୍କା ସୁଝିବାକୁ ସମୟ ନେଇଥିଲେ କବିତା । ମାତ୍ର ଗତ ସୋମବାର ଦିନ ମହିଳା ମଣ୍ଡଳର ସଭାନେତ୍ରୀ ରଶି ସାହୁ ଏହି ଋଣ ଟଙ୍କା କବିତାଙ୍କୁ ମାଗିଥିଲେ । ଏହି ଘଟଣାରେ ସଭାନେତ୍ରୀଙ୍କ ପୁଅ ଦୀପକ ସାହୁ ହସ୍ତକ୍ଷେପ କରିବାରୁ କବିତାଙ୍କ ସ୍ବାମୀ ଗଣେଶ ଏହାକୁ ବିରୋଧ କରିଥିଲେ । ଏଥିରେ ଦୀପକ ଉତ୍‌କ୍ଷିପ୍ତ ହୋଇ ଗଣେଶଙ୍କୁ ରାସ୍ତାରେ କଚାଡି ଦେଇଥିଲେ । ଏଥିରେ ଗଣେଶଙ୍କ ମୁଣ୍ଡ ପଛପଟେ ଗଭୀର ଆଘାତ ଲାଗିଥିଲା । ଅର୍ଥାଭାବରୁ ପ୍ରାଥମିକ ଚିକିତ୍ସା କରାଇ ଗଣେଶକୁ ଘରକୁ ଆଣିଥିଲେ

ପରିବାର ଲୋକ । ମାତ୍ର ଗୁରୁବାର ଦିନ ଗଣେଶଙ୍କ ସ୍ବାସ୍ଥ୍ୟାବସ୍ଥା ବିଗିଡି ଯାଇଥିଲା । ପରିବାର ଲୋକ ତାଙ୍କୁ ପୁନର୍ବାର ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଭର୍ତ୍ତି କରିଥିଲେ । ସେଠାରେ ତାଙ୍କର ମୃତ ହୋଇଛି । ଗଣେଶଙ୍କ ମୃତ୍ୟୁ ପରେ ବାଲିପାଟଣା ଥାନାରେ ଲିଖିତ ଅଭିଯୋଗ କରିଛନ୍ତି ପରିବାର ଲୋକ । ପୋଲିସ ଗଣେଶଙ୍କର ମୃତଦେହ ବ୍ୟବଚ୍ଛେଦ କରିବା ପାଇଁ କ୍ୟାପିଟାଲ୍ ହସ୍ପିଟାଲ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି । ଏହା ସହ ଦୀପକ ସାହୁକୁ ଅଟକ ରଖିଛି ପୋଲିସ ।

   Related Posts