Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ମାତ୍ର ଟଙ୍କାଏ ପାଇଁ ଗଲା ଜୀବନ : ୪ ଯୁବକଙ୍କ ମାଡରେ ଦୋକାନୀଙ୍କ ଭାଇ ମୃତ

13/02/2020 at 1:22 PM

ବାଲେଶ୍ବର ୧୩।୨: ସିଗାରେଟ କିଣାକୁ ନେଇ ହତ୍ୟାକାଣ୍ଡ । ଗୋଟିଏ ଟଙ୍କା ପାଇଁ ଗୋଟିଏ ଜୀବନ ଗଲା । ବାଲେଶ୍ବର ଜିଲ୍ଲା ସିଂଲା ଥାନା ରାଜଧାନୀ ଛକରେ ଘଟିଛି ଏଭଳି ଅଭାବନୀୟ ଘଟଣା ।

ସୂଚନାଯୋଗ୍ୟ ଯେ, ଗତକାଲି ରାତିରେ ଏକ କାର ଯୋଗେ ଚାରି ଜଣ ଯୁବକ ଆସି ରାଜଧାନୀ ଛକରେ ଥିବା ଏକ ଦୋକାନରୁ ସିଗାରେଟ କିଣିଥିଲେ । ଦୋକାନୀ ଶ୍ରୀକାନ୍ତ ପାତ୍ର ସିଗାରେଟ ଦାମ ସାତ ଟଙ୍କା ବୋଲି କହିଥିଲେ, ତେବେ ଯୁବକମାନେ ଛଅ ଟଙ୍କା ସିଗାରେଟକୁ କାହିଁକି ସାତ ଟଙ୍କାରେ ବିକୁଛ ବୋଲି କହିଥିଲେ । ସେଇଠୁ ଆରମ୍ଭ ହୋଇଥିଲା ବଚସା ।

ଦୋକାନୀ ଜଣଙ୍କ ତାଙ୍କ ଭାଇ ସୁବାସ ପାତ୍ରଙ୍କୁ ଫୋନ କରି ଡାକିଥିଲେ । ଜୀବନ ପହଂଚିବା ପରେ ଉଭୟଙ୍କ ମଧ୍ୟରେ ମାରପିଟ ହୋଇଥିଲା । ଫଳରେ ସୁବାସ ପାତ୍ର ଗୁରୁତର ହୋଇଥିଲେ । ତାଙ୍କୁ ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ବାଲେଶ୍ବର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରେ କଟକ ଏସସିବି ମେଡିକାଲକୁ ସ୍ଥାନାନ୍ତର କରାଯାଇଥିଲା । କଟକରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି ।

ସୁବାସଙ୍କ ମୃତ୍ୟୁ ଖବର ଶୁଣିବା ମାତ୍ରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା । ଲୋକେ ସାର୍ଥ।-ସୁଲପଟା ରାସ୍ତାର ରାଜଧାନୀ ଛକରେ ରାସ୍ତାରୋକ କରିଛନ୍ତି । ୪ ଯୁବକ ଆସିଥିବା କାରକୁ ଭାଙ୍ଗି ଦେଇଛନ୍ତି । ଗାଁ ଲୋକଙ୍କ ମାଡରେ ସିଗାରେଟ କିଣୁଥିବା ୪ ଯୁବକଙ୍କ ମଧ୍ୟରୁ ଦୁଇ ଜଣ ଗୁରୁତର ଅଛନ୍ତି । ସେମାନଙ୍କୁ ବାଲେଶ୍ବର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ଘଟଣାସ୍ଥଳରେ ପୋଲିସ ପହଂଚି ତଦନ୍ତ କରୁଛି । 

   Related Posts