Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

ରାସ୍ତାରେ ଛଟପଟ ଦୁର୍ଘଟଣାଗ୍ରସ୍ତଙ୍କୁ ଲୋକେ ଦେଖିଲେ କିନ୍ତୁ ଡାକ୍ତରଖାନା ନେଲେନାହିଁ, ପୋଲିସ ନେଲା କିନ୍ତୁ ଜଣେ ବଞ୍ଚିଲେନି

19/02/2020 at 12:33 PM

ଭଦ୍ରକ ୧୯।୨: ହଜିଗଲା ମାନବିକତା । ଦୁର୍ଘଟଣା ପରେ ରାସ୍ତାରେ ପଡି ପଡି ଚାଲିଗଲା ଯୁବକଙ୍କ ଜୀବନ । ମଝି ରାସ୍ତାରେ ବାଇକ୍ ଉପରେ ଚଢିଗଲା ଟ୍ରକ୍ । ଲୋକେ ଦେଖିଲେ । ଫଟୋ ମଧ୍ୟ ଉଠାଇଲେ । ପୋଲିସ ପହଞ୍ଚି ଉଦ୍ଧାର କରି ମେଡିକାଲକୁ ନେଇଥିଲେ । ହେଲେ ସେଠାରେ ମୃତ ଘୋଷଣା କଲେ ଡାକ୍ତର । ଏଭଳି ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ସାହାପୁର ଛକ ନିକଟରେ ।

ସୂଚନାଯୋଗ୍ୟ ଯେ, ଦୁଇ ଜଣ ବାଇକରେ ଭଦ୍ରକ ଆସୁଥିବା ବେଳେ ଏକ ସିମେଣ୍ଟ ବୋଝେଇ ଟ୍ରକ୍ ବାଇକକୁ ଧକ୍କା ଦେଇଥିଲା । ବାଇକ୍ ଚଳାଉଥିବା ବ୍ୟକ୍ତି ଡାହାଣ ପାଖକୁ ଓଲଟି ପଡିଥିବା ବେଳେ ଅନ୍ୟ ଜଣେ ଗାଡି ସମ୍ମୁଖରେ ପଡିଯିବାରୁ ଟ୍ରକଟି ତାଙ୍କ ଅଣ୍ଟା ଉପରେ ଚଢିଯାଇଥିଲା । ଲୋକେ ପୋଲିସକୁ ଖବର ଦେଇଥିଲେ । ପୋଲିସ ଗୁରୁତର ଯୁବକଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ମୃତକଙ୍କ ପରିଚୟ ମିଳିପାରିନାହିଁ । ମୃତକ ଦୀର୍ଘ ସମୟ ଧରି ରାସ୍ତା ଉପରେ ପଡିରହିଥିଲେ । ଲୋକେ ଦେଖୁଥିଲେ ମଧ୍ୟ ପୋଲିସ ଆସିବା ପର୍ଯ୍ୟନ୍ତ ଅପେକ୍ଷା କରିଥିବା ସୂଚନା ମିଳିଛି ।

   Related Posts