ଯାଜପୁର, ୨୭|୦୪: ରାଜ୍ୟରେ ଆଉ ଜଣେ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଆକ୍ରାନ୍ତ ଜଣଙ୍କ ଯାଜପୁରର ବୋଲି ଜଣାପଡିଛି । ଆଜି ଗୋଟିଏ ଦିନରେ ଏବେସୁଦ୍ଧା ୮ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଫଳରେ ମୋଟ ସଂକ୍ରମିତଙ୍କ ସଂଖ୍ୟା ୧୧୧ରେ ପହଁଚିଛି ।
wp:core-embed/twitter {"url":"https://twitter.com/IPR_Odisha/status/1254739653963505670","type":"rich","providerNameSlug":"twitter","className":""}ଏହାର କିଛି ସମୟ ପୂର୍ବରୁ ଆଉ ୨ ଜଣ କରୋନା ସଂକ୍ରମିତ ଚିହ୍ନଟ ହୋଇଥିଲେ ।ସେହିପରି ସକାଳେ ମଧ୍ୟ ୩ଜଣ ସଂକ୍ରମିତ ଚିହ୍ନଟ ହୋଇଥିଲେ । ସବୁଠାରୁ ବଡ କଥା ହେଲା ଯେ କୋରାପୁଟ ଦଶମନ୍ତପୁରର ଜଣେ ୨୨ ବର୍ଷୀୟ ସ୍ୱାସ୍ଥ୍ୟକର୍ମୀ କରୋନା ସଂକ୍ରମିତ ହୋଇଛନ୍ତି ।
ଏବେସୁଦ୍ଧା ସୋମବାର ୮ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।ଏହା ପୂର୍ବରୁ ସକାଳେ ୫ଜଣ ସଂକ୍ରମିତ ଚିହ୍ନଟ ହୋଇଥିଲେ । ସମସ୍ତ ଆକ୍ରାନ୍ତ ବାଲେଶ୍ବର କଣ୍ଟେନମେଣ୍ଟ ଅଞ୍ଚଳର ବୋଲି ସୂଚନା ଜଣାପଡିଥିଲା । ଏହାପରେ ବାଲେଶ୍ୱର ଓ କୋରାପୁଟରେ ୨ ସଂକ୍ରମିତ ଚିହ୍ନଟ ହୋଇଥିଲେ । ଏବେ ପୁଣି ଯାଜପୁରରେ ଜଣେ ସଂକ୍ରମିତ ଚିହ୍ନଟ ହୋଇଛନ୍ତି । ତାଙ୍କ ଘର ଯାଜପୁର ବାସୁଦେବପୁର ହୋଇଥିବା ସୂଚନା ମିଳିଛି । ଏହି ୩୪ ବର୍ଷୀୟ ସଂକ୍ରମିତ ଜଣଙ୍କ କୋଲକାତାରୁ ଫେରିଥିଲେ ।
ଆଜି ଚିହ୍ନଟ ହୋଇଥିବା ସଂକ୍ରମିତଙ୍କୁ ମିଶାଇ କେବଳ ବାଲେଶ୍ବରରେ କରୋନା ଆକ୍ରାନ୍ତଙ୍କ ସଂଖ୍ୟା ୧୬କୁ ବୃଦ୍ଧି ପାଇଛି । ସେହିପରି ଯାଜପୁରରେ ମୋଟ ସଂକ୍ରମିତଙ୍କ ସଂଖ୍ୟା ୧୯ରେ ପହଁଚିଛି ।
