ଉଦଳା ୧୧।୦୩ : ଜଙ୍ଗଲରେ ନିଆଁ ଲଗାଉଥିବା ବେଳେ ଜଣେ ଶିକାରୀକୁ ଗିରଫ କଲା ବନ ବିଭାଗ । ଶିମିଳିପାଳର ପୋଡଡିହା ରେଞ୍ଜରେ ନିଆଁ ଲଗାଉଥିବା ବେଳେ ଧରିଲା ବନ ବିଭାଗ । ଗିରଫ ଶିକାରୀର ନାମ ଅନ୍ତରା ସିଂ । ଶିକାରୀ ନିକଟରୁ ୭ କିଲୋ ଝିଙ୍କ ମାଂସ ସହିତ ଏକ ଦେଶୀ ବନ୍ଧୁକ, ଏବଂ କୁରାଢ଼ୀ ଜବତ କରିଛି ବନବିଭାଗ ।
ଖବର ଅନୁଯାୟୀ, ରାଜ୍ୟରେ ଏବେ ଅଧିକାଂଶ ଜଙ୍ଗଲ ଜଳୁଛି । ନିଆଁ କିପରି ଆୟତ୍ତ କରାଯିବ, ସେନେଇ ବନବିଭାଗ , ଅଗ୍ନିଶମ ବାହିନୀ, ଓଡ୍ରାଫ ଟିମ୍ ଦିନରାତି ଲାଗିପଡିଛନ୍ତି । ତେବେ କିଛି ଦିନ ତଳେ ଜଙ୍ଗଲରେ ନିଆଁ ଲଗାଉଥିବା ବେଳେ କରଞ୍ଜିଆ ଅଞ୍ଚଳରେ ପ୍ରଥମ ଜଣଙ୍କୁ ଅଟକ ରଖିଥିଲା ବନବିଭାଗ ।
ଏହି ଘଟଣାର ଗୋଟିଏ ଦିନ ପରେ ଆଉ ଜଣେ ଶିକାରୀ ଜଙ୍ଗଲରେ ନିଆଁ ଲଗାଉଥିବା ବେଳେ ଧରିଥିଲା ବନବିଭାଗ । ଉଭୟଙ୍କୁ ଅଟକ ରଖି ପଚରାଉଚରା କରୁଥିଲା ବନବିଭାଗ । ତେବେ ଏସବୁ ଭିତରେ ଆଜି ଶିମିଳିପାଳ ପୋଡ଼ଡ଼ିହା ରେଞ୍ଜରୁ ଜଣେ ଶିକାରୀଙ୍କୁ ଗିରଫ କରିଛି ବନବିଭାଗ । ଶିକାରୀ ନିକଟରେ ୭ କିଲୋ ଝିଙ୍କ ମାଂସ ସହିତ ଏକ ଦେଶୀ ବନ୍ଧୁକ, ଏବଂ କୁରାଢ଼ୀ ଜବତ କରିଛି ବନବିଭାଗ ।