ପାଟଣା ୧୧।୧୧: ଠକେଇ ଅଭିଯୋଗରେ ଜଣେ ଯୁବକଙ୍କୁ ଗିରଫ କରିଛି ପୋଲିସ । କେନ୍ଦୁଝର ଜିଲ୍ଲାର ବାରିଆ ଥାନା ବାର୍ହାପଶି ଗାଁର ରଞ୍ଜନ ମହାନ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଅଣ୍ଡା ପେଟି ଦେବା ନାଁରେ ଠକେଇ ହୋଇଥିବା ଅଭିଯୋଗ ।
ଖବର ଅନୁଯାୟୀ, ରଞ୍ଜନ ଢେଙ୍କାନାଳ ଜିଲ୍ଲା ଭାପୁର ସ୍ଥିତ ସ୍ୱସ୍ତି ଆଗ୍ର ଫାର୍ମରୁ ୨୦୦ ରୁ ଅଧିକ ପେଟି ଅଣ୍ଡା ମଗାଇଥିଲେ । ଉକ୍ତ ଅଣ୍ଡା ପେଟିରୁ ୧୦୦ ପେଟି ଖୀରେଇଟାଙ୍ଗିରୀ ନିକଟରୁ ଆଉ ଏକ ପିକଅପରେ ଲୋଡ଼ କରି ନେଇଥିଲେ। ଅଣ୍ଡା ପେଟି ଗୁଡିକୁ ଡେଲିଭରୀ କରିଥିବା ଗାଡିର ଡ୍ରାଇଭରଙ୍କୁ ଘରୁ ଟଙ୍କା ଆଣିଦେଉଛି କହି ଅଣ୍ଡା ପେଟି ଗୁଡିକ ନେଉଯାଇଥିଲେ । କିନ୍ତୁ ସେ ଟଙ୍କା ନଦେଇ ଫୋନକୁ ଅଫ କରିଦେଇଥିଲେ । ଏନେଇ ଅଣ୍ଡା ଡେଲିଭରି କରିଥିବା ଗାଡିର ଡ୍ରାଇଭର ଅଜୟ ନାଏକ ଥାନାରେ ଅଭିଯୋଗ କରିଥିଲେ । ଥାନାରେ ଅଭିଯୋଗ ପରେ ପୋଲିସ ଘଟଣାର ତଦନ୍ତ କରିଥିଲା । ରଞ୍ଜନର ମୋବାଇଲକୁ ଟ୍ରାକ୍ କରି ଚମ୍ପୁଆ ଥାନା ବାସୁଦେବପୁରରୁ ଗିରଫ କରିବା ସହିତ ୫୦ ପେଟି ଅଣ୍ଡା ଜବତ କରିଛି।
