ନୀଳଗିରି ୩୧।୧୨: ବାଲେଶ୍ଵର ଜିଲ୍ଲା ନୀଳଗିରି ବନବିଭାଗ ଅଧିନ ଅଯୋଧ୍ୟା ଗାଁରେ ଭାଲି ଆକ୍ରମଣରେ ଜଣେ ଗୁରୁତର ହୋଇଛନ୍ତି । କିଛି ଦିନ ହେଲା ଗାଁରେ ଏକ ଭାଲୁ ପଶି ଆତଙ୍କ ଚଳାଇଛି । ଭାଲୁଟି ଖାଦ୍ୟ ଅନ୍ବେଷଣରେ ଜଙ୍ଗଲରୁ ବାହାରି ଗାଁକୁ ଆସିଥିବାବେଳେ ଦିନ ହୋଇଯିବାରୁ ଆଉ ଜଙ୍ଗଲକୁ ଫେରିପାରିନଥିଲା । ନୂଆସାହି ଅଂଚଳରେ କେନାଲ ପାଖକୁ ସେହି ଅଂଚଳର ନିରଞ୍ଜନ ପଲେଇ ଶୌଚ ହେବାରୁ ଯାଇଥିଲେ। ଭାଲୁ ହାବୁଡ଼ରେ ପଡିଯିବାରୁ ଭାଲୁଟି ତାଙ୍କୁ ଅତର୍କିତ ଆକ୍ରମଣ କରିଥିଲା । ଫଳରେ ନିରଞ୍ଜନଙ୍କ ହାତ ଭାଙ୍ଗି ଯାଇଥିବାବେଳେ ଶରୀରରେ ଗଭୀର କ୍ଷତ ହୋଇଛି। ତାଙ୍କୁ ଅଯୋଧ୍ୟା ଡାକ୍ତରଖାନରେ ପ୍ରାଥମିକ ଚିକିତ୍ସା କରିବା ପରେ ନୀଳଗିରି ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।
{"id":204936,"sizeSlug":"large"}ଭାଲୁଟି ଅଯୋଧ୍ୟା ଗାଁକୁ ପଶି ଲୁଚି ରହିଥିବା ଜଣାପଡିଛି । ଏନେଇ ଗାଁରେ ଆତଙ୍କ ଖେଳିଯାଇଥିବା ବେଳେ ବନବିଭାଗ ପହଂଚି ଭାଲୁର ଗତିବିଧି ଉପରେ ନଜର ରଖିଛି । ତେବେ ବାରମ୍ବାର ଏହି ଗ୍ରାମରେ ଭାଲୁ ପଶି ଉପଦ୍ରବ କରିବା ସହ ଆତଙ୍କ ଖେଳାଉଥିବାରୁ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି।