ଭୁବନେଶ୍ବର ୧୩।୪: ଦିନରେ ରଙ୍ଗମିସ୍ତ୍ରୀ, ରାତିରେ ଚୋରୀ । ଦୁର୍ଦ୍ଦାନ୍ତ ସୁନା ଚୋର ଦିଲ୍ଲୀପ ନାୟକକୁ ଗିରଫ କଲା କମିସନରେଟ୍ ପୋଲିସ । ୫ ବର୍ଷ ଧରି ଏହି ସୁନା ଚୋରକୁ ଖୋଜୁଥିଲା ପୋଲିସ ।
ସୂଚନାଯୋଗ୍ୟ ଯେ, ୨୦୨୦ ମସିହା ଅଗଷ୍ଟ ୨୧ ତାରିଖରେ ବଡଗଡ଼ ଅଞ୍ଚଳରେ ଚୋରି କରୁଥିବା ବେଳେ ଜଣେ ମହିଳାଙ୍କୁ ଦୁଷ୍କର୍ମ ଉଦ୍ୟମ କରିଥିଲା ଦିଲ୍ଲୀପ । ଚୋର ଦିଲ୍ଲୀପ ନାୟକକୁ ଗିରଫ କରିଛି ଲଷ୍ମୀସାଗର ଥାନା ପୋଲିସ । ଦିଲ୍ଲୀପର ଘର ନୟାଗଡରେ । ଭୁବନେଶ୍ବର ଶିଶୁପାଳଗଡରେ ରହୁଥିଲା ଦିଲ୍ଲୀପ । ସେ ୧୬ ବର୍ଷ ବୟସରୁ ଚୋରି କରିବା ଆରମ୍ଭ କରିଥିଲା । ତା ନାଁରେ ଭୁବନେଶ୍ବରରେ ୧୧ଟି ମାମଲା ରହିଛି ।
