ଉମରକୋଟ ୭|୩ : ବାରହା ଫାଶରେ ପଡି ଯୁବତୀଙ୍କର ମୃତ୍ୟୁ ହୋଇଛି । ବିଦ୍ୟୁତ୍ ତାର ସଂସ୍ପର୍ଶରେ ଆସି ଯୁବତୀଙ୍କ ଜୀବନ ଯାଇଛି । ଉମରକୋଟ ଝରିଗାଁ ବ୍ଲକ୍ ଡାବୁଗାଁ ଥାନା ନଗଯୋଡ଼ି ଗାଁରେ ଏଭଳି ଅଭାବନୀୟ ଘଟଣା ଘଟିଛି । ମୃତକ ଜଣକ ହେଲେ ଦଲିଲା ହରିଜନ । ତାଙ୍କ ବୟସ ୨୨ ବର୍ଷ ।
{"id":91251}ଘଟଣାରେ ଅନ୍ୟ ଜଣେ ନାବାଳିକା ଗୁରୁତର ହୋଇଛନ୍ତି । ଗୁରୁତର ଲକ୍ଷ୍ମୀ ପନକାରକୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଜଙ୍ଗଲରେ ପଶୁ ଶିକାର ପାଇଁ ମକା ବାଡରେ ବିଦ୍ୟୁତ୍ ତାର ବିଛା ଯାଇଥିବା ବେଳେ ବିଦ୍ୟୁତ୍ ତାର ଲାଗି ତାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।