ଭୁବନେଶ୍ବର ୩୦।୧୦: ଛାଡିଗଲା ଡ଼ନ ହେବାର ନିଶା । ପିସ୍ତଲ ଚୋରି କରି ଗିରଫ ହେଲେ ଯୁବକ। ପିସ୍ତଲ ଚୋରି କରି ଅଭିଯୋଗରେ ରାହୁଲ ଜେନା ନାମକ ଜଣଙ୍କୁ ଗିରଫ କଲା ଖଣ୍ଡଗିରି ଥାନା ପୁଲିସ । ରାହୁଲ ନିକଟରୁ ଏକ ପିସ୍ତଲ ଓ ୪ ରାଉଣ୍ଡ ଅଫୁଟା ଗୁଳି ଜବତ ହୋଇଛି ।
ଖବର ଅନୁଯାୟୀ, ଏୟାରପୋର୍ଟ ନୂଆ ରୋଡ଼ରେ ଥିବା ଏକ କାର ଭିତରୁ ଲୁଟି ନେଇଥିଲା ପିସ୍ତଲ । ଏହି ପିସ୍ତଲରୁ ଗୁଳି ଫୁଟାଇ ତାର ଫଟୋ ସୋସିଆଲ ମିଡ଼ିଆରେ ଅପଲୋଡ଼ କରିଥିଲା । ସୋସିଆଲ ମିଡ଼ିଆରୁ ଫଟୋ ଦେଖି ପିସ୍ତଲ ଚିହ୍ନଟ କରିଥିଲେ ମାଲିକ । ଏସଂପର୍କରେ ପୋଲିସ ଖବର ପାଇ ରାହୁଲ ଜେନା ନାମକ ଜଣେ ଯୁବକଙ୍କୁ ଗିରଫ କରିଥିଲେ ଖଣ୍ଡଗିରି ପୋଲିସ । ରାହୁଲ ନିକଟରୁ ଗୋଟିଏ ପିସ୍ତଲ ସହ ୪ ରାଉଣ୍ଡ ଅଫୁଟା ଗୁଳି ଜବତ କରିଛି ପୋଲିସ ।