Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲୋକସଭାରେ ପାରିତ ହେଲା କୃଷି ଆଇନ ଉଚ୍ଛେଦ ବିଲ୍‌
  • ||
  • କୃଷକଙ୍କୁ ଦଳି ମାରିଲେ ୭ ଦନ୍ତା, ଖଣ୍ଡ ଖଣ୍ଡ କରିଦେଲେ ଶରୀର
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ, ୨୩୬ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୯କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୭ କରୋନା ସଂକ୍ରମିତ, ୧୦୪୮୮୮୦ରେ ପହଞ୍ଚିଲା ସଂଖ୍ୟା
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||

ଜଣେ ଭୂମିହୀନର ଯନ୍ତ୍ରଣା: ୧୫ ବର୍ଷ ହେଲା ପରିବାର ସହ ମଶାଣିରେ ରହୁଛନ୍ତି, ଅଥଚ ପ୍ରଶାସନର ଆଖି, କାନ ବନ୍ଦ

20/12/2019 at 5:06 PM

ବିଞ୍ଝାରପୁର୨୦/୧୨: କିଛି ଦିନ ତଳେ ଆମେ ଦେଖାଇଥିଲୁ ଯାଜପୁର ଦଶରଥପୁର ବ୍ଲକ ଚଷାଖଣ୍ଡ ଗାଁର ମନୁ ଜେନାଙ୍କ ଦୁଃଖ କାହାଣୀ । ଚାରି ଝିଅ ଓ ପତ୍ନୀଙ୍କୁ ଧରି ଗାଁ ମଶାଣିରେ ପଲା ମାରି ରହୁଛନ୍ତି ମନୁଙ୍କ ପରିବାର ।ଖବର ପ୍ରସାରଣ ପରେ ସ୍ବେଚ୍ଛାସେବୀ ଅନୁଷ୍ଠାନ ସହାୟତାର ହାତ ବଢାଇଛନ୍ତି ମନୁଙ୍କ ପରିବାରକୁ । ପ୍ରଶାସନର କିନ୍ତୁ ଏଯାଏ ନିଦ ଭାଙ୍ଗିନି । ୧୫ ବର୍ଷ ହେଲା ମଶାଣିରେ ଗୋଟିଏ ପରିବାର ଖବର ପ୍ରସାରଣ ପରେ ବି ନିଦର ଉଠୁନି ପ୍ରଶାସନ।ନ୍ୟୁଜ7 ରେ ଖବର ପ୍ରସାରଣ ପରେ ସ୍ବେଚ୍ଛାସେବୀ ସହାୟତାର ବଢ଼ାଇଛନ୍ତି।

ମାସେ କି ବର୍ଷେ ନୁହଁ, ଦୀର୍ଘ ୧୫ ବର୍ଷ ହେଲା ମଶାଣିରେ ପଲାମାରି ରହୁଛନ୍ତି ଏଇ ପରିବାର । ୫ ପ୍ରାଣୀ କୁଟୁମ୍ବଙ୍କୁ ଧରି ଦୁଃଖ କ​ଷ୍ଟରେ କାଳ କାଟୁଛନ୍ତି ଦଶରଥପୁର ବ୍ଲକ ଚଷାଖଣ୍ଡର ମନୁ ଜେନା । କିଛି ଦିନ ତଳେ ନ୍ୟୁଜ ସେଭେନ ପ୍ରସାରଣ କରିଥିଲା ଏହି ପରିବାରର ଦୁଃଖଭରା କାହାଣୀ । ଉଦେଶ୍ୟ ଥିଲା ପ୍ରଶାସନକୁ ସଜାଗ କରିବା, ସରକାରଙ୍କ ଜନକଲ୍ୟାଣ ଯୋଜନା ମନୁଙ୍କ ପାଖରେ ପହଞ୍ଚାଇବାରେ ସହାୟତା କରିବା । କିନ୍ତୁ ଏଠି ପ୍ରଶାସନ ଯେମିତି ନିଘୋଡ ନିଦ​‌ରେ ଶୋଇ ଯାଇଛି । ପ୍ରଶାସନ ସିନା ମନୁଙ୍କ ଦୁଃଖ ଶୁଣିନି, କିନ୍ତୁ କିଛି ସ୍ବେଚ୍ଛାସେବୀ ଅନୁଷ୍ଠାନ ସହାୟତାର ହାତ ବଢାଇଛନ୍ତି ।

ନ୍ୟୁଜ ସେଭେନରେ ଖବର ପ୍ରସାରଣ ପରେ ସ୍ବେଚ୍ଛାସେବୀ ସଂସ୍ଥା ଜୟ ଜଗନ୍ନାଥ ଗ୍ରୁପ୍  ମନୁଙ୍କୁ ସହାୟତାର ହାତ ବଢାଇଛି । ଘରୋପକରଣ ସାମଗ୍ରୀ, ଖାଦ୍ୟ ସାମଗ୍ରୀ, ପିଲାଙ୍କ ପାଠପଢା ପାଇଁ ଖାତା, ବହି ସହ ନଗଦ ୧୫ ହଜାର ଟଙ୍କାର ଆର୍ଥିକ ସହାୟତା ଦେଇଛି ।  ମନୁଙ୍କ ଦୁଃଖ ସଂପର୍କରେ ଜିଲ୍ଲା ପ୍ରଶାସନକୁ ଅବଗତ କରାଯିବ ବୋଲି ସ୍ବେଚ୍ଛାସେବୀ କହିଛନ୍ତି ।  କେବେ ମନୁଙ୍କ ପରିବାର ଦୁଃଖ ସରକାରଙ୍କ କାନରେ ପଡୁଛି, ତାକୁ ହିଁ ଅପେକ୍ଷା।

   Related Posts