ବ୍ରହ୍ମପୁର, ୧୦/୦୪: ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଅଞ୍ଚଳରେ ଏକ ଅଭାବନୀୟ ଦୁର୍ଘଟଣା ଦେଖିବାକୁ ମିଳିଛି । ବୁଢାମ୍ବ ଦେଓଗାଁ ପାହାଡରେ ଆଜି ଏକ ବଡ଼ ଅଘଟଣ ଘଟିଛି ।
ସୂଚନା ଅନୁସାରେ, ପାହାଡରେ କାମ ଚାଲିଥିବା ବେଳେ ଏକ ଜେସିବି ମେସିନ ଓଲଟି ପଡିଥିବା ଜଣାପଡ଼ିଛି । ଏହି ଦୁର୍ଘଟଣାରେ ଡ୍ରାଇଭର ଜଣକର ମୃତ୍ୟୁ ହୋଇଥିବା ଜଣାପଡିଛି ।
ମୃତ ଡ୍ରାଇଭର ଜଣକ ପୁରୀ ଅଂଚଳର ସୁଶାନ୍ତ ଛଟେଇ ହୋଇଥିବା ସୂଚନା ମିଳିଛି । କବିସୂର୍ଯ୍ୟନଗର ପୋଲିସ ପହଞ୍ଚି ଶବକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି ।
