ପାରାଦୀପ ୨୧|୫: ରାହାମା-ଚାନ୍ଦପୁର ଛକରେ ଅଟୋକୁ ଧକ୍କାଦେଇ ଟାଟା ସଫାରୀଗାଡି ଓଲଟି ପଡିଛି । ଫଳରେ ଜଣଙ୍କର ମୃତ୍ୟୁ ହୋଇଥିବାବେଳେ ୫ଜଣ ଆହତ ହୋଇଛନ୍ତି । ଉଭୟ ଟାଟା ସଫାରୀ ଓ ଅଟୋ ରାହାମା ଆଡକୁ ଯାଉଥିଲା ।

ଟାଟା ସଫାରୀଟି ଏତେ ଜୋରରେ ଅଟୋକୁ ଧକ୍କା ଦେଇଥିଲା ଯେ, ଅଟୋଟି ରାସ୍ତାରୁ ପ୍ରାୟ ତିନିଶହ ମିଟର ଦୂରକୁ ଛିଟିକି ପଡିଥିଲା । ଅଟୋଟି ସମ୍ପୂର୍ଣ୍ଣ ଛାରଖାର ହୋଇଯାଇଛି ।

ସେହିଭଳି  ଟାଟା ସଫାରୀଟି ମଧ୍ୟ ଓଲଟି ପଡିଛି । ଟାଟା ସଫାରୀରେ ଥିବା ୫ଜଣ ଯୁବକ ଆହତ ହୋଇଛନ୍ତି । ଅପରପକ୍ଷରେ ଅଟୋ ଚାଳକଙ୍କ ମୃତ୍ୟୁ ହୋଇଥିବା ଜଣାପଡିଛି ।