ଆନନ୍ଦପୁର, ୨୭।୦୬: ଆନନ୍ଦପୁର ଉପଖଣ୍ଡ ଘସିପୁରା ଥାନା ଅଧିନ ରାଇପୁର ଗ୍ରାମରେ ବଜ୍ରପାତ ଘଟି ଜଣଙ୍କ ମୃତ୍ୟୁ ଘଟିଥିବା ଜଣାପଡ଼ିଛି । ଏଥି ସହିତ ପାଖାପାଖି ଥିବା ଅନ୍ୟ ୩ଜଣ ଗୁରୁତର ହୋଇଛନ୍ତି । ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ, ନିକଟରେ ଥିବା ନାରଙ୍ଗପୁର ଗ୍ରାମର କିଛିଲୋକେ ରାଇପୁର ଠାରେ ନିଜନିଜ ଧାନ ବିଲରେ ତଳି ପକେଇବାକୁ ଯଇଥିଲେ । ବର୍ଷା ହେବାରୁ ୪ଜଣ ଚାଷୀ ଏକା ସାଙ୍ଗରେ ସେଠାରେ ଥିବା ଏକ ଗଛ ମୂଳରେ ଆଶ୍ରୟ ନେଇଥିଲେ । ଏହି ସମୟରେ ବଜ୍ରପାତ ଘଟିଥିଲା । ଫଳରେ କାହ୍ନୁ ଚରଣ ସାହୁ ନାମକ ଜଣେ ଚାଷୀଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ ୩ଜଣ ଗୁରୁତର ଆହତ ହୋଇଛନ୍ତି ।