କେନାଲରେ ଖସି ବାଇକ୍ ସହ ୨ ନିଖୋଜ ଘଟଣା ; ୩ ଦିନ ପରେ ଜଣଙ୍କ ମୃତଦେହ ଉଦ୍ଧାର
Published By : Prameya-News7 Bureau | November 17, 2018 IST
ସାଲେପୁର ୧୭|୧୧: କେନାଲରେ ଖସି ବାଇକ୍ ସହ ୨ ନିଖୋଜ ଘଟଣାର ୩ ଦିନ ପରେ ଜଣଙ୍କ ମୃତଦେହ ଉଦ୍ଧାର ହୋଇଛି । କଟକ ସଦର ଥାନା କାଜିପାଟଣାର ସୁମନ ସାମଲଙ୍କ ମୃତଦେହ ଉଦ୍ଧାର କରାଯାଇଛି । ଅନ୍ୟ ଜଣଙ୍କର ଏଯାଏଁ ପତ୍ତା ମିଳିନାହିଁ । ଓଡ୍ରାଫ ଟିମ୍ ଖୋଜାଖୋଜି ଜାରି ରଖିଛି । ଗୁରୁବାର ବିଳମ୍ବିତ ରାତିରେ କଟକ ଚାନ୍ଦବାଲି ରାସ୍ତା ଖଇରା ପୋଲରେ ଏକ ବାଇକ୍ ରେ ଯାଉଥିବା ବେଳେ ଦୁଇଜଣଙ୍କୁ ଏକ ଟ୍ରକ୍ ଧକ୍କା ଦେଇଥିଲା ।ଫଳରେ ବାଇକରେ ଥିବା ୨ଜଣ କେନାଲକୁ ଖସି ପଡିଥିଲେ । ବାଇକ୍ କୁ ଧକ୍କା ଦେବା ପରେ ସେଠାରୁ ଟ୍ରକ୍ ଡ୍ରାଇଭର ଫେରାର ହୋଇଯାଇଥିଲା ।