ସୁନ୍ଦରଗଡ ୨୨|୧୦: ସୁନ୍ଦରଗଡ ରାଜଗାଙ୍ଗପୁରରେ ଜଙ୍ଗଲି ହାତୀପଲର ଉପଦ୍ରବ କରୁଛନ୍ତି । ହାତୀ ଆକ୍ରମଣରେ ଜଣେ ଯୁବକଙ୍କର ମୃତ୍ୟୁ ହୋଇଛି । ମୃତକ କୁଟନିଆ ପଞ୍ଚାୟତ ମୋଦିପଡାର ଗୋବର୍ଦ୍ଧନ ଲାକ୍ରା । ରାତିରେ ବିଲ ଜଗିବାକୁ ଯାଇଥିବାବେଳେ ହାତୀ ହାବୁଡରେ ପଡିଯାଇଥିଲେ । ହାତୀ ତାଙ୍କୁ ଶୁଣ୍ଢରେ ଉଠାଇ କଚାଡି ମାରିଦେଇଛି । ସେଠାରେ ଜଣଙ୍କୁ ମାରିବା ପରେ ଏବେ ରାଉରକେଲା ବେଦବ୍ୟାସ ମୁହାଁ ହୋଇଛନ୍ତି ହାତୀ ପଲ । ଏହି ପଲରେ ଅଛନ୍ତି ୧୦ଟି ହାତୀ । ଏହାକୁ ନେଇ ଭୟଭୀତ ଅବସ୍ଥାରେ ଅଛନ୍ତି ସ୍ଥାନୀୟବାସିନ୍ଦା । ସେପଟେ ହାତୀ ଘଉଡାଇବାକୁ ବନ ବିଭାଗ ପ୍ରସ୍ତୁତି ଚଳାଇଛି । ଗତକାଲି ହାତୀ ପଲ ରାଜଗାଙ୍ଗପୁର କାଂଶବାହାଲ ଷ୍ଟେସନ ନିକଟରେ ବୁଲୁଥିବା ଦେଖିବାକୁ ମିଳିଥିଲା ।