Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଣତନ୍ତ୍ର ଦିବସ ପୂର୍ବରୁ ଦିଲ୍ଲୀ ପୋଲିସକୁ ବଡ ଧରଣର ସଫଳତା, ଅବୈଧ ଅସ୍ତ୍ରଶସ୍ତ୍ର ସହ ୨ଜଣ ଗିରଫ
  • ||
  • ଗଣତନ୍ତ୍ର ଦିବସରେ ୩୮୪ଜଣଙ୍କୁ ମିଳିବ ବୀରତା ପୁରସ୍କାର, ଘୋଷଣା କଲେ ରାଷ୍ଟ୍ରପତି
  • ||
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||

ଗଞ୍ଜେଇ ରାକେଟ୍‌ରେ ଏଏସ୍‌ଆଇ ମାଷ୍ଟର ମାଇଣ୍ଡ୍: କୋଟିଏ ଟଙ୍କାର ଗଞ୍ଜେଇ ସହ ୨୭ ଗିରଫ

26/06/2020 at 1:35 PM

କୋରାପୁଟ୨୬/୦୬: ଗଞ୍ଜେଇ ଧରପଗଡ଼ରେ କୋରାପୁଟ ଜିଲ୍ଲା ପୁଲିସକୁ ମିଳିଛି ବଡ଼ ସଫଳତା । ଗତ ଦୁଇଦିନରେ ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ଧରାପଡିଛି ୧୬୭୨ କେଜି ୮୬୫ ଗ୍ରାମ୍‌ ଗଞ୍ଜେଇ, ଯାହାର ମୂଲ୍ୟ ପ୍ରାୟ କୋଟିଏ ଟଙ୍କା ହେବ । ଏହି କାରବାରରେ ମୋଟ ୨୭ ଜଣଙ୍କୁ ଗିରଫ କରାଯାଇଛି । ସେମାନଙ୍କ ମଧ୍ୟରେ ଅଛନ୍ତି ଜଣେ ପୁଲିସ୍‌ ଅଧିକାରୀ । ସେ ହେଉଛନ୍ତି ପଟ୍ଟାଙ୍ଗୀ ଥାନାର ଏଏସ୍‌ଆଇ ଗୋଲକ ବିହାରୀ ପଟ୍ଟନାୟକ । ଏସବୁ ଗଞ୍ଜେଇ ଚାଲାଣ ପଛରେ ସେ ଥିଲେ ମାଷ୍ଟର ମାଇଣ୍ଡ। ଗୁରୁବାର ସନ୍ଧ୍ୟାରେ ତାଙ୍କୁ ଗିରଫ କରାଯାଇ କୋର୍ଟଚାଲାଣ କରାଯାଇଛି ।

ଏଥିସହ ଗିରଫ ଅଭିଯୁକ୍ତମାନଙ୍କ ପାଖରୁ ୧୦ଟି ଦାମୀ ଗାଡ଼ି, ଏଟିଏମ୍‌ ଏବଂ ମୋବାଇଲ୍‌ ଜବତ କରାଯାଇଛି। ମୋଟ ୧୦ଟି ଥାନାରେ ୧୦ଟି ମାମଲା ରୁଜୁ କରାଯାଇ ତଦନ୍ତ ଜାରି ରହିଛି । ଏଏସ୍‌ଆଇ ଗିରଫ ଘଟଣାରେ ସୁନାବେଡ଼ା ଥାନାରେ ମାମଲା ରୁଜୁ କରାଯାଇଛି । ପୂର୍ବାହ୍ନରେ ଏସ୍‌ପି ମୁକେଶ କୁମାର ଭାବୁ ଗଣମାଧ୍ୟମକୁ କହିଥିଲେ, ବୁଧବାର ଓ ଗୁରୁବାର ଦୁଇଦିନ ଧରି ଜିଲ୍ଲାର ୧୦ଟି ଥାନା ଅଞ୍ଚଳରେ ପୁଲିସ ପକ୍ଷରୁ ଗଞ୍ଜେଇ ଧରପଡଗଡ଼ କରାଯାଇଥିଲା ।

କୋରାପୁଟ ରାସ୍ତା ଦେଇ ଏହି ଗଞ୍ଜେଇ ଭୁବନେଶ୍ୱର, ରାଜସ୍ଥାନ, ବିହାର, ଝାଡ଼ଖଣ୍ଡ, ପଶ୍ଚିମବଙ୍ଗ, ରାୟପୁର ଏବଂ ଆନ୍ଧ୍ର ପ୍ରଭୃତି ଅଞ୍ଚଳକୁ ଚାଲାଣ ହେଉଥିଲା । ଗିରଫ ହୋଇଥିବା ୨୭ ଜଣଙ୍କଠାରୁ ଗଞ୍ଜେଇ ଚାଲାଣର ଅନେକ ଗୁପ୍ତ ସୂଚନା ମିଳିଛି । କେଉଁ କେଉଁ ସ୍ଥାନରୁ ଗଞ୍ଜେଇ ଲୋଡ୍‌ ହେଉଛି, କିଭଳି କିଣାବିକା ହେଉଛି-ସେ ସମ୍ପର୍କରେ ବହୁ ତଥ୍ୟ ମିଳିଛି । କୋରାପୁଟରୁ ଭୁବନେଶ୍ୱର ଦେଇ ପଶ୍ଚିମବଙ୍ଗ ଓ ବିହାର ସମେତ ଦେଶର ବିଭିନ୍ନ ସ୍ଥାନକୁ ଗଞ୍ଜେଇ ଚାଲାଣ ସମ୍ପର୍କରେ ବିସ୍ତୃତ ତଥ୍ୟ ମିଳିଥିଲା । ଏସବୁ ଅଞ୍ଚଳକୁ ବୁଧବାର ଓ ଗୁରବାର ଗଞ୍ଜେଇ ଚାଲାଣ ହେଉଥିଲା 

   Related Posts