Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ : ପ୍ରତିକ୍ଷାର ଅନ୍ତ, ଆଜିଠୁ ବିନା କୋଭିଡ଼ ରିପୋର୍ଟରେ କାଳିଆ ଦର୍ଶନ
  • ||
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||

ଗର୍ଭବତୀ ହାତୀ ହତ୍ୟା ମାମଲାରେ ଜଣେ ଗିରଫ୍, ପୋଲିସ୍ କବ୍‌ଜାରେ ଆଉ ୩ ସନ୍ଦିଗ୍ଧ

5/06/2020 at 4:38 PM

ମଲପ୍ପୁରମ ୦୫/୦୬ : କେରଳ ଗର୍ଭବତୀ ହାତୀକୁ ହତ୍ୟା ମାମଲାର ଖୁଲାସା ହେବାକୁ ଯାଉଛି | ମାମଲାରେ ଜଣକୁ ଗିରଫ କରାଯାଇଛି | ରାଜ୍ୟ ବନବିଭାଗ ଟ୍ୱିଟ କରି କହିଛି ଯେ, କେରଳ ବନବିଭାଗ ହାତୀ ମୃତ୍ୟୁ ମାମଲାରେ ଜଣଙ୍କୁ ଗିରଫ କରିଛି | ଘଟଣାକୁ ନେଇ ସାରା ଦେଶରେ ସମାଲୋଚନା ହୋଇଥିଲା | ହାତୀ ମୃତ୍ୟୁ ମାମଲାରେ ୩ଜଣ ସନ୍ଦିଗ୍ଧଙ୍କୁ ପୋଲିସ ପଚରାଉଚୁରା କରୁଥିବା ଗୁରୁବାର ଦିନ ବନବିଭାଗ ସୂଚନା ଦେଇଥିଲା | ଅନ୍ୟ ଦୁଇଜଣ ସଂଵିଧାନକୁ ପୋଲିସ ଖୋଜୁଛି | ଜଣେ ବରିଷ୍ଠ ବନ ଅଧିକାରୀ ସୂଚନା ଦେଇଛନ୍ତି ଯେ, ପାଖାପାଖି ୪୦ ବର୍ଷ ବୟସ୍କ ଅଭିଯୁକ୍ତ ହାତୀକୁ ବିସ୍ଫୋରକ ଭର୍ତ୍ତି ସପୁରି ଦେଇଥିଲେ | ମାମଲାରେ ଜଣକୁ ଗିରଫ କରାଯାଇଛି |

କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟନ କହିଛନ୍ତି ଯେ, ୩ଜଣଙ୍କ ସନ୍ଦିଗ୍ଧଙ୍କ ଉପରେ ତାଙ୍କର ନଜର ରହିଛି | ମୁଖ୍ୟମନ୍ତ୍ରୀ ଏକ ଟ୍ୱିଟ କରି କହିଛନ୍ତି ଯେ, ୩ଜଣ ସନ୍ଦିଗ୍ଧଙ୍କ ଉପରେ ନଜର ରହିଛି ଏବଂ ଯାଞ୍ଚ ଜାରି ରହିଛି | ପୋଲିସ ଓ ବନବିଭାଗ ସଂଯୁକ୍ତ ଭାବେ ଘଟଣାର ଯାଞ୍ଚ କରୁଛନ୍ତି |

ଜିଲ୍ଲା ପୋଲିସ ଓ ଜିଲ୍ଲା ବନବିଭାଗ ଅଧିକାରୀ ଗୁରୁବାର ଦିନ ଘଟଣାସ୍ଥଳ ବୁଲି ଦେଖିଥିଲେ | ଯାଞ୍ଚରେ ସଫଳତା ମିଳିଥିବା ବନବିଭାଗ କର୍ମଚାରୀ କହିଛନ୍ତି | ଯାଞ୍ଚ ପାଇଁ ଗଠନ ହୋଇଥିବା ଯାଞ୍ଚ ଟିମ ଅନେକ ସନ୍ଦିଗ୍ଧଙ୍କୁ ପଚରାଉଚୁରା କରିଛନ୍ତି | ଦୋଷୀଙ୍କୁ ଦଣ୍ଡ ଦେବା ପାଇଁ ସେ ଉଚିତ ପ୍ରୟାସ କରିବେ ବୋଲି ବନବିଭାଗ ଅଧିକାରୀ କହିଛନ୍ତି |  

ଅପରପକ୍ଷରେ କେନ୍ଦ୍ର ସରକାର ଏହି ମାମଲାରେ ଗମ୍ଭୀର ଶୋକ ପ୍ରକାଶ କରି ରାଜ୍ୟକୁ ରିପୋର୍ଟ ମାଗିଛନ୍ତି | କେନ୍ଦ୍ର ପରିବେଶ ମନ୍ତ୍ରୀ ପ୍ରକାଶ ଜାଭଡେକର ମଧ୍ୟ ଏହି ଘଟଣାରେ ଗଭୀର ଶୋକ ପ୍ରକାଶ କରି ଘଟଣାର ରିପୋର୍ଟ ମାଗିଛନ୍ତି | ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି |

ଦେଶର ଖ୍ୟାତନାମା ଉଦ୍ୟୋଗପତି ରତନ ଟାଟା ଘଟଣାକୁ ନେଇ ଗଭୀର ଶୋକ ପ୍ରକାଶ କରି ଏହାକୁ ହତ୍ୟା ବୋଲି କହିଛନ୍ତି | ଜାଣିଶୁଣି ଗର୍ଭବତୀ ହାତୀକୁ ହତ୍ୟା କରାଯାଇଛି ବୋଲି ରତନ ଟାଟା କହିଛନ୍ତି | ହାତୀ ପାଇଁ ସେ ନ୍ୟାୟ ଦାବି କରିଛନ୍ତି |

   Related Posts