Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନା ସଂକ୍ରମଣ ରୋକିବାକୁ ସଜାଗ ବଲାଙ୍ଗୀର ପ୍ରଶାସନ, ସଚେତନତା ସହ ଷ୍ଟେସନରେ ଯାଞ୍ଚ୍ ପ୍ରକ୍ରିୟା ଜୋରଦାର୍
  • ||
  • ନବୀନଙ୍କୁ ଚିଠି ଲେଖିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପିଏମ୍ କିଷାନ ସମ୍ମାନ ନିଧି ଯୋଜନାରେ ଲୋଡିଲେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ
  • ||
  • କରୋନା ସଂକ୍ରମଣ ରୋକିବାକୁ ସମ୍ବଲପୁର ବିଶ୍ୱବିଦ୍ୟାଳୟ ପକ୍ଷରୁ ଜାରି ହେଲା ନୋଟିସ, ସନ୍ଧ୍ୟା ୭ଟା ୩୦ ସୁଦ୍ଧା ହଷ୍ଟେଲ ଫେରିବାକୁ ଛାତ୍ରଙ୍କୁ ନିର୍ଦ୍ଦେଶ
  • ||
  • ଚିକିତ୍ସା ଅବହେଳାରୁ ୨ ନବଜାତ ଶିଶୁ ପୁତ୍ର ମୃତ ! ନର୍ସ ଓ ଡାକ୍ତରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କଲେ ବାପା
  • ||
  • ଓଲଟି ପଡିଲା ପ୍ରିନ୍ସ, ମୃତ୍ୟୁ ମୁଖରୁ ବର୍ତ୍ତିଲେ ୪୬ ଯାତ୍ରୀ
  • ||
  • ଷ୍ଟିୟରିଂ ଉପରୁ ନିୟନ୍ତ୍ରଣ ହରାଇଲେ ଡ୍ରାଇଭର, ଓଲଟି ପଡିଲା ଟ୍ରକ, ୬ ଶ୍ରମିକ ମୃତ
  • ||

ପୁଣି ବିବାଦରେ ବଡୋଦରା ମେଡିକାଲ କଲେଜ, ପରୀକ୍ଷାରେ ଛାତ୍ରୀଙ୍କୁ ପ୍ରଫେସର ପଚାରିଲେ କେମିତି ଚାହୁଁଛ ବୟଫ୍ରେଣ୍ଡ, ମୁଁ ହେଲେ ଚଳିବ?

19/07/2019 at 9:04 PM

ବଡୋଦରା: ଗୁଜରାଟର ବଡୋଦରା ମେଡିକାଲ କଲେଜରେ ଫିଜିଓଥେରାପି ମୌଖିକ ପରୀକ୍ଷାରେ ଜନୈକ ପ୍ରଫେସରଙ୍କ ଅଭଦ୍ର ପ୍ରଶ୍ନକୁ ନେଇ ଛାତ୍ରୀ ନିର୍ଜାତନା ଅଭିଯୋଗ ଆଣିଛନ୍ତି। ଫଳରେ କ୍ୟାମ୍ପସରେ ଉତ୍ତେଜନା ଦେଖା ଦେଇଛି। ଏସ୍.କେ.ନାଗର ନାମକ ଏହି ପ୍ରଫେସର ଛାତ୍ରୀଙ୍କୁ ପରୀକ୍ଷା ପ୍ରଶ୍ନ ବଦଳେ ବ୍ୟକ୍ତିଗତ ପ୍ରଶ୍ନ କରିଥିଲେ। ଯାହାକୁ ନେଇ ଛାତ୍ରୀ ଡିନଙ୍କ ନିକଟରେ ଅଭିଯୋଗ କରିଛନ୍ତି।

ପରୀକ୍ଷାରେ ପ୍ରଫେସର ଛାତ୍ରୀଙ୍କୁ ତାଙ୍କ ବୟଫ୍ରେଣ୍ଡ ଅଛନ୍ତି କି ନା ବୋଲି ପ୍ରଶ୍ନ କରିଥିଲେ। ତେବେ ଛାତ୍ରୀଙ୍କ ଉତ୍ତର ନାଁ ଶୁଣିବା ପରେ ମୋ ଭଳି ବଡି ଥିବା ବୟଫ୍ରେଣ୍ଡ ଚଳିବ କି ବୋଲି ପଚାରିଥିଲେ। କେବଳ ସେତିକି ନୁହେଁ ମହିଳାଙ୍କ ପ୍ରେଗନେନ୍ସୀ ଓ ଭର୍ଜିନିଟି ନେଇ ମଧ୍ୟ ବିକୃତ ପ୍ରଶ୍ନ କରିଥିବା ନେଇ ଛାତ୍ରୀ ଅଭିଯୋଗ କରିଛନ୍ତି। ଏ ନେଇ ଛାତ୍ରୀ କାନ୍ଦି କାନ୍ଦି ଡିନଙ୍କ ନିକଟରେ ଅଭିଯୋଗ କରିଥିବା ବେଳେ କ୍ୟାମ୍ପସରେ ଉତ୍ତେଜନାମୂଳକ ପରିସ୍ଥିତି ଉପୁଜିଛି।

ସେପଟେ ଛାତ୍ରୀଙ୍କ ଅଭିଯୋଗକୁ ଅସ୍ୱୀକାର କରିଛନ୍ତି ପ୍ରଫେସର ନାଗର। ଆଗକୁ ସେ ଡିନ ପଦବୀକୁ ପଦୋନ୍ନତୀ ପାଇବାକୁ ଅଛି। ଏଣୁ ଏକ କୁଚକ୍ରୀ ଗୋଷ୍ଠୀଙ୍କର ତାଙ୍କ ବିରୋଧରେ ଏଭଳି ଏକ ଷଡଯନ୍ତ୍ର  କରିଛନ୍ତି ବୋଲି କହିଛନ୍ତି। ତେବେ ପରୀକ୍ଷାରେ ଛାତ୍ର ହୁଅନ୍ତୁ କି ଛାତ୍ରୀ ଯଦି ପ୍ରଶ୍ନ ପଚାରିବା ବେଳେ ଶିକ୍ଷକଙ୍କୁ ଡରି ଯାଆନ୍ତି ସେମାନଙ୍କୁ ସହଜ କରିବା ଲାଗି ସିଲାବସ୍ ବାହାରର ପ୍ରଶ୍ନ କରାଯାଏ। ଏହା ମୌଖିକ ପରୀକ୍ଷାର ସାଧାରଣ ନିୟମ ବୋଲି କହିଛନ୍ତି ପ୍ରଫେସର ନାଗର। ଏଣୁ ଛାତ୍ରୀଙ୍କୁ ସେ ସିଲାବସ୍ ବାହାରୁ ନିଶ୍ଚିତ ପ୍ରଶ୍ନ କରିଛନ୍ତି ବୋଲି ସ୍ୱୀକାର କରିଛନ୍ତି ହେଲେ ଛାତ୍ରୀ ଆଣିଥିବା ଅଭିଯୋଗ ଭଳି ସେ ପ୍ରଶ୍ନ କରିନଥିବା କହିଛନ୍ତି।

   Related Posts