Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

୧୨ଘଣ୍ଟା ପୂର୍ବରୁ ରଦ୍ଦ ହେଲା ଡେଥ୍ ୱାରେଣ୍ଟ, ପୁଣି ଅଟକିଲା ନିର୍ଭୟା ଦୋଷୀଙ୍କ ଫାଶୀ

2/03/2020 at 5:21 PM

ନୂଆଦିଲ୍ଲୀ ୨।୩: ନିର୍ଭୟା ଦୋଷୀଙ୍କ ‘ଡେଥ୍ ୱାରେଣ୍ଟ’ ଉପରେ ପାଟିଆଲା ହାଉସ୍ କୋର୍ଟ ସୋମବାର ରହିତାଦେଶ ଜାରି କରିଛନ୍ତି। ଏଣୁ ପୂର୍ବରୁ ମାର୍ଚ୍ଚ ୩ ତାରିଖକୁ ନିର୍ଦ୍ଧାରିତ ଦଣ୍ଡବିଧାନ ନିର୍ଦ୍ଦେଶ ଅନିର୍ଦ୍ଧିଷ୍ଟ ଅବଧି ପର୍ଯ୍ୟନ୍ତ ଟଳିଛି। କୋର୍ଟରେ ନିର୍ଭୟାକାଣ୍ଡର ଅନ୍ୟତମ ଦୋଷୀ ପବନ ଗୁପ୍ତା ରାଷ୍ଟ୍ରପତିଙ୍କ ନିକଟରେ କ୍ଷମା ନିବେଦନ କରିଥିବା ତାର ଓକିଲ କୋର୍ଟଙ୍କୁ ସୂଚିତ କରିଛନ୍ତି। ସେପଟେ ତିହାର କର୍ତ୍ତୃପକ୍ଷ ଆପ୍ଲିକେସନ ମାଧ୍ୟମରେ ପବନ ରାଷ୍ଟ୍ରପତିଙ୍କୁ କ୍ଷମା ନିବେଦନ କରିଥିବା ନେଇ ଜଣାଇବାରୁ କୋର୍ଟ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ଦଣ୍ଡବିଧାନ ଉପରେ ରହିତାଦେଶ ଜାରି ହୋଇଛି। 

ଏହାକୁ ମିସାଇ ନିର୍ଭୟା ଅପରାଧୀଙ୍କ ଦଣ୍ଡବିଧାନ ଏପର୍ଯ୍ୟନ୍ତ ୩ ଥର ଟଳିଛି। କୋର୍ଟ ପ୍ରଥମେ ଜାନୁୟାରୀ ୨୨ ତାରିଖରେ ଦଣ୍ଡବିଧାନ ଲାଗି ବ୍ଲାକ୍ ୱାରେଣ୍ଟ ଜାରି କରିଥିଲେ। ତେବେ ସେତେବେଳେ ଅପରାଧୀଙ୍କର ଆଇନଗତ କାର୍ଯ୍ୟାନୁଷ୍ଠାନ ଶେଷ ହୋଇନଥିଲା। ଏଣୁ କୋର୍ଟ ଦଣ୍ଡାଦେଶ ଉପରେ ରହିତାଦେଶ ଜାରି କରିବାକୁ ବାଧ୍ୟ ହୋଇଥିଲେ। ଏଥିରେ ମାମଲାର ୩ ଅଭିଯୁକ୍ତ କୋର୍ଟଙ୍କୁ ରାୟର ପୁନର୍ବିଚାର ନିବେଦନ କରିବା ସହ ରାଷ୍ଟ୍ରପତିଙ୍କୁ କ୍ଷମାଯାଚନା କରିଥିଲେ। ତେବେ ମାତ୍ର ଜଣେ ଦୋଷୀ ପବନ କିନ୍ତୁ ତା ଲାଗି କୌଣସି ଆଇନଗତ ଉପଚାର କରୁନଥିଲା। ଏଣୁ ହୁଏତ ସେ ତା ଲାଗି ଆଇନରେ ଥିବା ସୁଯୋଗର ସେ ଉପଯୋଗ କରିବନି ବୋଲି ଅନୁମାନ କରାଯାଉଥିଲା।

ଅକ୍ଷୟ, ବିନୟ ଓ ମୁକେଶଙ୍କ ଆଇନଗତ ଉପଚାର ଶେଷ ହେବା ପରେ ୪ ଅପରଧୀଙ୍କୁ ଫେବୃଆରୀ ୧ ତାରିଖ ସକାଳ ୬ଟାରେ ଦଣ୍ଡିତ କରିବା ଲାଗି କୋର୍ଟ ୱାରେଣ୍ଟ ଜାରି କରିଥିବା ବେଳେ ଦିନକ ପୂର୍ବରୁ ଅର୍ଥାତ ଜାନୁୟାରୀ ୩୧ ତାରିଖରେ କୋର୍ଟ ଦଣ୍ଡବିଧାନ ଉପରେ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ରହିତାଦେଶ ଜାରି କରିଥିଲେ।

ସେମାନଙ୍କୁ ପୃଥକ ଦଣ୍ଡିତ କରିବା ଲାଗି ଜେଲ କର୍ତ୍ତୃପକ୍ଷ ଓ କେନ୍ଦ୍ରଗୃହମନ୍ତ୍ରାଳୟ କୋର୍ଟଙ୍କ ଦ୍ୱାରସ୍ଥ ହୋଇଥିଲେ। ତେବେ ଗୋଟିଏ ମାମଲାରେ ଏକକାଳୀନ ଦଣ୍ଡାଦେଶ ହୋଇଥିବା ଅପରାଧୀଙ୍କୁ ପୃଥକ ଦଣ୍ଡବିଧାନ ଲାଗି କୋର୍ଟ ସହମତ ହୋଇନଥିବା ବେଳେ ଦୋଷୀଙ୍କ କୌଣସି ଆବେଦନ ନିବେଦନ ଏବେ ବିଚାରାଧାନ ନଥିବାରୁ ଏବେ ସାନି ଡେଥ୍ ୱାରେଣ୍ଟ ଜାରି କରାଯିବାରେ କୌଣସି ଅସୁବିଧା ନଥିବା କର୍ତ୍ତୃପକ୍ଷ କୋର୍ଟଙ୍କୁ ଜଣାଇବାରୁ ତୃତୀୟବାର ମାର୍ଚ୍ଚ ୩ ତାରିଖକୁ ଦଣ୍ଡ ନିର୍ଦ୍ଧାରଣ କରାଯାଇଥିବା ବେଳେ ତାହା ମଧ୍ୟ ସୋମବାର ଟଳିଛି।

   Related Posts