Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ଟ୍ରାଭେଲ୍ସ ବିଲ୍ ମାମଲାରେ ପାଠକ ବାପା-ପୁଅଙ୍କୁ ହାଇକୋର୍ଟରୁ ମିଳିଲା ଜାମିନ
  • ||
  • ଚଣ୍ଡିଖୋଲ : ପେଟ୍ରୋଲ ପମ୍ପ୍ କର୍ମଚାରୀଙ୍କୁ ଗୁଳିମାଡ, ଦୁଇ ଆହତ
  • ||
  • ଚଣ୍ଡିଖୋଲ : ପୃଥକ ପୃଥକ ଦୁର୍ଘଟଣାରେ ଦୁଇ ମୃତ, ଜଣେ ଗୁରୁତର
  • ||
  • ଭୁବନେଶ୍ବର : ବିଧାନସଭା ବାଚସ୍ପତିଙ୍କ ସହ ମନ୍ତ୍ରୀ ଓ ବିଧାୟକ ନେଲେ କରୋନା ଟିକା
  • ||
  • କଟକ : ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, CBI ତଦନ୍ତ ଶିଥିଳତା ମାମଲାରେ ପୂର୍ଣ୍ଣଚ୍ଛେଦ ଟାଣିଲେ ହାଇକୋର୍ଟ
  • ||
  • ବଲାଙ୍ଗୀର : ବସ୍ ଧକ୍କାରେ ଶିକ୍ଷକଙ୍କ ମୃତ୍ୟୁ, NH ଅବରୋଧ କଲେ ସ୍ଥାନୀୟ ଲୋକ
  • ||
  • ବୌଦ୍ଧ : ସମ୍ପତ୍ତି ପାଇଁ ଭାଇ ହେଲା ବଇରୀ, ରକ୍ତ ସମ୍ପର୍କକୁ ଭୁଲି ମାରି ପୋଡିଦେଲେ ସାନ ଭାଇକୁ
  • ||
  • ନୟାଗଡ : ଗ୍ରାମବାସୀଙ୍କ ମାଡରେ ଲୁଟେରା ମୃତ ! ଚେନ୍ ଲୁଟ୍ ଉଦ୍ୟମ ବେଳେ ଧରି ଛେଚିଥିଲେ ଲୋକେ
  • ||
  • ମଣ୍ଡିରେ ବିକ୍ରି ହେଉନି ଧାନ, ପ୍ରତିବାଦରେ ରାସ୍ତାରୋକ କଲେ ଚାଷୀ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୬ ଛୁଇଁଲା ମୃତକଙ୍କ ସଂଖ୍ୟା
  • ||

ନୌସେନାର ସାହାସକୁ ସ୍ୟାଲୁଟ୍‌ କଲେ ମୋଦି

4/12/2019 at 3:05 PM

ଆଜି ନୌସେନା ଦିବସ! ପ୍ରତିବର୍ଷ ଡିସେମ୍ବର ୪ ତାରିଖରେ ଭାରତର ନୌସେନା ଦିବସ ପାଳିତ ହୁଏ । ସମଗ୍ର ଦେଶ ବୁଧବାର ନୌସେନା ଦିବସ ପାଳନ କରିଛି। ଏହି ଅବସରରେ ଦିଲ୍ଲୀର ଯୁଦ୍ଧ ସ୍ମାରକୀରେ ଶହିଦ ଯବାନମାନଙ୍କୁ ଶ୍ରଦ୍ଧାଞ୍ଜଳୀ ଦିଆଯାଇଛି।

ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ଭିଡିଓ ଉପସ୍ଥାପନ କରି ନୌସେନା ଜବାନଙ୍କ ବଳିଦାନକୁ ମନେ ପକାଇଛନ୍ତି। ଏହା ସହ ପ୍ରଧାନମନ୍ତ୍ରୀ ଭାରତୀୟ ନୌସେନାଙ୍କୁ ସ୍ୟାଲୁଟ୍‌ କରିଛନ୍ତି। ୧୯୭୧ ମସିହା ଭାରତ-ପାକିସ୍ତାନ ଯୁଦ୍ଧରେ ଭାରତୀୟ ନୌସେନା କରାଚୀ ବନ୍ଦର ଉପରେ ଆକ୍ରମଣ କରିଥିଲା। ଏହା ଭାରତୀୟ ଯୁଦ୍ଧ ଇତିହାସରେ ‘ଅପରେସନ ଟ୍ରାଇଡେଣ୍ଟ’ ନାଁରେ ଆଜି ବି ସ୍ମରଣୀୟ। ଏହି ଅପରେସନରେ ଭାରତ ପ୍ରଥମ ଥର ଆଣ୍ଟି-ସିପ୍‌ ମିସାଇଲର ବ୍ୟବହାର କରାଯାଇଥିଲା।

ଟ୍ରାଇଡେଣ୍ଟର ଅର୍ଥ ହେଉଛି ତ୍ରୀଶୁଳ। ତ୍ରୀଶୁଳ ଅର୍ଥାତ ଶିବଙ୍କର ଘାତକ ଅସ୍ତ୍ର। ଭାରତୀୟ ନୌସେନା ୧୯୭୧ ମସିହା ଡିସେମ୍ବର ମାସ ୪ ତାରିଖରେ ଅପରେସନ ଟ୍ରାଇଡେଣ୍ଟ ଆରମ୍ଭ କରିଥିଲେ। ଭାରତୀୟ ନୌସେନା ପାକିସ୍ତାନ ନେଭିକୁ କରାଚୀ ବନ୍ଦରଗାହ ସ୍ଥିତ କାର୍ଯ୍ୟାଳୟକୁ ଟାର୍ଗେଟ କରିଥିଲେ ଓ ସଫଳ ହୋଇଥିଲେ।

ଭାରତୀୟ ନୌସେନା ଆକ୍ରମଣରେ ପାକ୍‌ ନୌସେନା କାର୍ଯ୍ୟାଳୟ ସମ୍ପୂର୍ଣ୍ଣ ବିଧ୍ବଂସ୍ତ ହୋଇଥିଲା। ଏହି ଅପରେସନରେ ପାକିସ୍ତାନୀ ନୌସେନାର ବିପୁଳ କ୍ଷତି ହୋଇଥିଲା। ଭାରତର ଏହି ଆକ୍ରମଣ ପରେ ପାକ୍ ନୌସେନା ନିଜର ଆକ୍ରମଣ କ୍ଷମତା ହରାଇବସିଥିଲା। କରାଚୀ ବନ୍ଦର ସେତେବେଳେ ପାକିସ୍ତାନ ଲାଗି ଖୁବ ଗୁରୁତ୍ବପୂର୍ଣ୍ଣ ଥିଲା। ଦେଶର ଅର୍ଥ ବ୍ୟବସ୍ଥା ପ୍ରତି ବନ୍ଦରର ଯୋଗାଦାନ ଅତ୍ୟନ୍ତ ଗୁରୁତ୍ବପୂର୍ଣ୍ଣ ଥିବା ବେଳେ ଭାରତୀୟ ନୌସେନା ପାକ୍ ର ମେରୁଦଣ୍ଡରେ ପ୍ରହାର କରିଥିଲା।

ଯୁଦ୍ଧ ଶେଷ ହୋଇ ଆସୁଥିବା ବେଳେ ଉଭୟ ପକ୍ଷ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ଚରମ ଉପରେ ଥିବା ବେଳେ ଭାରତୀୟ ନୌସେନା ୩ଟି ବିଦ୍ୟୁତ୍ କ୍ଷପଣାସ୍ତ୍ର ବୋଟ ମୁତୟନ କରିଥିଲା। ଏହା ପରେ ମିନସ ଟ୍ରାଇଡେଣ୍ଟ ହାତକୁ ନେଇଥିଲା ବୋଲି ପ୍ରଧାନମନ୍ତ୍ରୀ ଏହି ଅବସରରେ ସ୍ମୃତିଚାରଣ କରିଥିଲେ।  

   Related Posts