Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

ସାମ୍ବାଦିକ ପରିଚୟ ଦେଇ ଜିଲ୍ଲା ଶିଳ୍ପକେନ୍ଦ୍ର ଅଧିକାରୀଙ୍କୁ ବ୍ଲାକମେଲିଂ ମହଙ୍ଗାପଡିଲା, ୪ ନକଲି ସାମ୍ବାଦିକ ଗିରଫ

19/06/2019 at 3:00 PM

ବରଗଡ଼ ୧୯।୬:  ବରଗଡ ଜିଲ୍ଲା  ଶିଳ୍ପ କେନ୍ଦ୍ର ଅଧିକାରୀଙ୍କୁ ବ୍ଲାକମେଲିଂ କରିବା ମହଙ୍ଗା ପଡିଲା।ବରଗଡ ଟାଉନଥାନା ପୋଲିସ ୪ ଜଣ ନକଲି ସାମ୍ବାଦିକଙ୍କୁ ଗିରଫ କରିବା ସହ ସେମାନଙ୍କ ଠାରୁ ନଗଦ ଟଙ୍କା, ମୋବାଇଲଫୋନ, ଆଇପଡ, ଲାପଟପ, ଆଇଡେଣ୍ଟିଟି କାର୍ଡ, ଗୋଟିଏ କ୍ୟାମେରା, ବୁମ ସମେତ ସେମାନେ ବ୍ୟବହାର କରୁଥିବା ଛତିଶଗଡ ନମ୍ବରର ଏକ କାରକୁ ଜବତ କରିଛି। ଗିରଫ ୪ ଜଣ ହେଲେ ବିଶାଲ ଗମ୍ଭୀର, ଇମ୍ରାନ ଖାନ, ଅନୁଜ ଅଗ୍ରୱାଲ ଓ ତପନ କୁମାର ସାହୁ। ବିଶାଲ, ଇମ୍ରାନ ଓ ଅନୁଜ ଉତ୍ତରପ୍ରଦେଶ ନୋୟଡାର ବୋଲି ଜଣା ପଡିଥିବା ବେଳେ ତପନ ଖୋର୍ଦ୍ଧାର।

ଗତ ୧୨ ତାରିଖ ଦିନ ୪ ଜଣ ଫ୍ଲାଏ ଆସ୍ ଇଟା କାରଖାନା ସ୍ଥାପନା କରିବା ବାହାନାରେ ବରଗଡ ଜିଲ୍ଲା ଶିଳ୍ପକେନ୍ଦ୍ରକୁ ଯାଇଥିଲେ। ଶିଳ୍ପକେନ୍ଦ୍ରର ଜିଏମ ମନୋଜ କୁମାର ଶତପଥୀଙ୍କୁ ଭେଟି ଏ ନେଇ ଥିବା ସରକାରୀ ଯୋଜନା ବିଷୟରେ ଜାଣିବାକୁ ଚାହିଁଥିଲେ। ଏପପିରିକି ସେମାନେ ସରକାରୀଯୋଜନାରେ ସେମାନଙ୍କୁ କାରଖାନା କରାଇଦେଲେ ଲାଞ୍ଚ ଦେବେ ବୋଲିମଧ୍ୟ କହିଥିଲେ। ତେବେ ଜିଏମଙ୍କ ଅଜାଣତରେ ସେମାନେ ଏହି ଆଲୋଚନାର ରେକର୍ଡିଂ କରୁଥିଲେ। ପରେ ତାଙ୍କୁ ରେକର୍ଡିଂ ସୁଣାଇ ସେମାନେ ସାମ୍ବାଦିକ ବୋଲି ପରିଚୟ ଦେବା ସହ ତାଙ୍କୁ ଭୟଭୀତ କରି  ତାଙ୍କଠାରୁ ଟଙ୍କା ଦାବି କରିଥିଲେ। ପ୍ରଥମେ ସେମାନେ ୫ ଲକ୍ଷ ଟଙ୍କା ପାଇଁ ଦାବି କରିଥିବା ବେଳେ ପରେ ୩ଲକ୍ଷ ଟଙ୍କାରେ ରାଜି ହୋଇଯାଇଥିଲେ। ତେବେ ବ୍ୟାଙ୍କରୁ ଏତେ ଟଙ୍କା ନଗଦ  ୱିଡ୍ର କରିବା ସମ୍ଭବ ନ ହେବାରୁ ଜିଏମଙ୍କୁ ସାଙ୍ଗରେ ଏଟିଏମ କାଉଣ୍ଟରକୁ ନେଇ ମୁଣ୍ଡରେ ବନ୍ଧୁକ ଲଗାଇ ୨୦ ହଜାର ଟଙ୍କା ନେଇଯାଇଥିଲେ ଓ ପରେ ଆସିବୋଲି କହିଯାଇଥିଲେ।

ସେହି ଅନୁସାରେ ଠକମାନେ ଗତ ୧୮ ତାରିଖ ଦିନ ବାକି ଟଙ୍କା ନେବାକୁ ପୁଣି ଆସିଥିବା ବେଳେ ପୂର୍ବରୁ ଜିଏମ୍ ଏ ନେଇ ପୋଲିସରେ କରିଥିବା ଲିଖିତ ଅଭିଯୋଗ ଆଧାରରେ ଟାଉନ ଥାନାର ଏକ ସ୍ୱତନ୍ତ୍ର ଟିମ୍ ଚଢଉ କରି ଠକମାନଙ୍କୁ ଗିରଫ କରିଥିବା ବେଳେ ସେମାନଙ୍କ ଠାରୁ ନଗଦ ୧୯ ହଜାର ୬୮୦ଟଙ୍କା ସମେତ ୮ଟି ମୋବାଇଲ ଫୋନ, ଗୋଟିଏ ଆଇପଡ, ଗୋଟିଏ ଲାପଟପ, ୨ଟି ବୁମ, ଗୋଟିଏ ବଡ କ୍ୟାମେରା, ୪ଟି ଆଇଡେଣ୍ଟିଟି କାର୍ଡ  ସହ ସେମାନ ବ୍ୟବହାରକରୁଥିବା ଛତିଶଗଡ ନମ୍ବରର ଗୋଟିଏ କାରକୁ ଜବତ କରିଛି।

ଗିରଫ ଅନୁଜ୍ ନିଜକୁ ତେହେଲକା ଇଣ୍ଡିଆ ନ୍ୟୁଜ୍ ଓ ବି.ଏଚ୍.ବିସି ୱେବ୍ ଚାନେଲର ହେଡ ବୋଲି ପରିଚୟ ଦେଉଥିବା ବେଳେ ବିଶାଲ ଓ ଇମ୍ରାନ ରିପୋର୍ଟର ବୋଲି ପରିଚୟ ଦେଉଛନ୍ତି । ସେହିପର ଖୋର୍ଧାର ତପନ ସାହୁ ମଧ୍ୟ  ରିପୋର୍ଟର ବୋଲି କହୁଛନ୍ତି। ପୋଲିସ ସେମାନଙ୍କୁ ଗିରଫ କରିବା ପରେ କୋର୍ଟ ଚାଲାଣ କରିଥିବା ବେଳେ ମାମଲାର ଅଧିକ ତଦନ୍ତ ଜାରି ରହିଛି।

   Related Posts