ଜୋହାନ୍ସବର୍ଗ ୦୭/୧୨: ନଭେମ୍ବରର ଶେଷ ସପ୍ତାହରେ ଚିହ୍ନଟ ହୋଇଥିଲା କୋଭିଡର ନୂଆ ଭାରିଆଣ୍ଟ ଓମିକ୍ରନ । ଯାହା ସାରା ବିଶ୍ୱରେ ଅନିଶ୍ଚିତତା ଏବଂ ଭୟ ସୃଷ୍ଟି କରିଛି । ତେବେ WHO ଅନୁଯାୟୀ ୪୭ ରୁ ଅଧିକ ଦେଶରେ ବ୍ୟାପିଥିବା ଓମିକ୍ରନ୍ ଭାରିଆଣ୍ଟ ବ୍ୟାପିଲାଣି । ତେବେ ଏଥିରେ କୌଣସି ମୃତ୍ୟୁ ହୋଇନି । କିନ୍ତୁ, ଦ୍ରୁତ ଗତିରେ ବଢୁଥିବା ସଂକ୍ରମଣ ହେତୁ ଆମେରିକା ଏବଂ ଦକ୍ଷିଣ ଆଫ୍ରିକା ସମେତ ୟୁରୋପର ଅନେକ ଦେଶରେ ଡାକ୍ତରଖାନାରେ ସଂକ୍ରମିତଙ୍କ ସଂଖ୍ୟା ବଢିଛି ।

ଏହାର ବିସ୍ତାର ଆମେରିକା-ୟୁରୋପରେ ମଧ୍ୟ ଆରମ୍ଭ ହୋଇଛି । ଦକ୍ଷିଣ ଆଫ୍ରିକା ଏବଂ ଅନ୍ୟାନ୍ୟ ଦେଶର ବୈଜ୍ଞାନିକମାନେ ଓମିକ୍ରନ୍ ନେଇ ଅନେକ ଆକଳନ କରିଛନ୍ତି । ସେମାନ ସ୍ପଷ୍ଟ କରିଛନ୍ତି ଯେ ଏହା ଅଧିକ ଭୟଙ୍କର ହେବନି । ତେବେ ଏମାନେ ଟିକାକରଣକୁ ଅଧିକ ଗୁରୁତ୍ୱ ଦେଇଛନ୍ତି । ଦକ୍ଷିଣ ଆଫ୍ରିକାର ଡାକ୍ତରମାନେ ପ୍ରାରମ୍ଭିକ ସ୍ଥିତିକୁ ଆଧାର କରି ଆଶ୍ୱାସନା ଦେଇଛନ୍ତି ଯେ ସଂକ୍ରମଣ ଅତି ସାମାନ୍ୟ ଅଟେ ।

ତେବେ କିଛି ଆମେରିକୀୟ ବୈଜ୍ଞାନିକମାନେ ଚୁଇଙ୍ଗମଙ୍କୁ ନେଇ ଆଶ୍ଚର୍ଯ୍ୟଜନକ ତଥ୍ୟ ସାମ୍ନାକୁ ଆଣିଛନ୍ତି । ସେମାନଙ୍କ ମତରେ ଯାହା କରୋନା ଭୂତାଣୁକୁ ରୋକିପାରେ । ବୈଜ୍ଞାନିକମାନେ ଉଦ୍ଭିଦ-ବଢିଥିବା ପ୍ରୋଟିନ୍ ଧାରଣ କରିଥିବା ଏକ ଚୁଇଙ୍ଗମ୍ ତିଆରି କରୁଛନ୍ତି, ଯାହା SARS-CoV-2 ଭୂତାଣୁ ପାଇଁ ଅବ୍ୟର୍ଥ ଔଷଧ ରୂପେ କାମ କରିବ । ବୈଜ୍ଞାନିକଙ୍କ ଅନୁଯାୟୀ, ACE-2 ନାମକ ଏକ ପ୍ରୋଟିନ୍ ଲୋକଙ୍କ ପାଟିରେ ଥିବା ଭୂତାଣୁ ସଂଖ୍ୟା ହ୍ରାସ କରିବାରେ ସାହାଯ୍ୟ କରିଥାଏ ।

ଏହିପରି, ସଂକ୍ରମିତ ବ୍ୟକ୍ତିଙ୍କ ମାଧ୍ୟମରେ ଜୀବାଣୁ ବିସ୍ତାର କରିବାର ସମ୍ଭାବନା କମିଯିବ। ପେନସିଲଭାନିଆ ୟୁନିଭରସିଟିର ହେନେରୀ ଡାନିଏଲଙ୍କ ମତରେ କାଶ, ଛିଙ୍କିବା କିମ୍ବା ସଂକ୍ରମିତ ବ୍ୟକ୍ତିଙ୍କ କଥା କହିବା ଦ୍ୱାରା ଏହି ଭୂତାଣୁ ବିସ୍ତାର ହୁଏ । କିନ୍ତୁ ଏହି ସ୍ୱତନ୍ତ୍ର ପ୍ରୋଟିନ୍ ଥିବା ଚୁଇଙ୍ଗମ୍ ଦ୍ୱାରା ପାଟିରୁ ଜୀବାଣୁ ସଂଖ୍ୟା କମିଯାଏ । ଏହା କରିବା ଦ୍ୱାରା ପରିବେଶରେ ବ୍ୟାପିଥିବା ଭୂତାଣୁ ହ୍ରାସ ପାଇବ । ବୈଜ୍ଞାନିକମାନେ ବର୍ତ୍ତମାନ ଏହାର ପରୀକ୍ଷା ପାଇଁ ଆଇନଗତ ଅନୁମତିକୁ ଅପେକ୍ଷା କରିଛନ୍ତି ।