ମହାକାଳପଡା, ୦୧/୧୧: ଆସୁଛନ୍ତି ଅଲିଭ ରିଡଲେ । ସୋମବାର ଠାରୁ ବିରଳ ପ୍ରଜାତିର ସାମୁଦ୍ରିକ କଇଁଛ ଅଲିଭ ରିଡଲେର ସୂରକ୍ଷା ପାଇଁ ମେ ମାସ ୩୧ ତାରିଖ ଯାଏଁ ଧାମରା, ରୁଷିକୁଲ୍ୟା ,ଦେବୀ ମୁହାଣରେ ମାଛଧରା ଉପରେ ରୋକ୍ ଲାଗିଛି । ସେହିପରି ସମୁଦ୍ର ଉପକୁଳ ଠାରୁ ୨୦ କିମି ଦୂର ମଧ୍ୟରେ ମାଛଧରା ପାଇଁ ନିଷିଦ୍ଧ କରାଯାଇଛି ।
ତେବେ ଏହା ଦ୍ବରା ପ୍ରଭାବିତ ହୋଇଛନ୍ତି ମତ୍ସ୍ୟଜୀବୀ । ପୂର୍ବରୁ କରୋନା ମହାମାରୀ ପାଇଁ କଟକଣା, ଜଳବାୟୁ ପରିବର୍ତନ ଓ ଲଘୁଚାପ ପାଇଁ ମାଛ ବ୍ୟବସାୟ ପ୍ରଭାବିତ ହୋଇଛି । ମହାକାଳପଡା, ରାଜନଗର ବ୍ଲକର ଉପକୂଳବର୍ତ୍ତୀ ଅଞ୍ଚଳରେ ବସବାସ କରୁଥିବା ବହୁ ମତ୍ସ୍ୟଜୀବା କଇଁଛ ସୂରକ୍ଷା ପାଇଁ ୭ ମାସ କଟକଣା ଯୋଗୁ ଜୀବିକା ହରାଇବେ । ଏହି କଟକଣା କୋହଳ କରିବା ପାଇଁ ଦାବି ମତ୍ସ୍ୟଜୀବୀମାନେ ଦାବି କରିଛନ୍ତି । ସୋନେ ପୀଢି ପରେ ପୀଢି ସମୁଦ୍ରରୁ ମାଛ ଧରି ଜୀବିକା ନିର୍ବାହ କରୁଥିବା ବେଳେ ଏବେ କଟକଣା ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି ।
ସୂଚନାଯୋଗ୍ୟ, କଇଁଛଙ୍କ ସୂରକ୍ଷା ପାଇଁ ମୋଟ ୬୬ ଟି ପାଟ୍ରେଲିଂ କ୍ୟାମ୍ପ ପତିଷ୍ଠା କରାଯାଇଛି । ଏଥିରେ ମୁଖ୍ୟତଃ ବନ ବିଭାଗ କର୍ମଚାରୀ, ଏପିଆର ପୋଲିସ, କୋଷ୍ଟର୍ଗାଡ. ପାଟ୍ରେଲିଂ ସିପି, ସାମୁଦ୍ରିକ ଥାନାକୁ ସାମିଲ କରାଯାଇଛି ।